[السعاده قادمه]

الناس من طبعها تاقف بصف القوي
واللي تردى عليه الحال ما ترحمه
اللي ضعيف وحيد ما لقى له خوي
ناس لجمع الذهب والمال مستسلمة
والقلب يا خوي من جور البشر منكوي
وإذا شكا من ظروفه ما حدن يفهمه
والنار في داخل المجروح تشوي شوي

[السعاده قادمه]

بالله يا صاحبي مالك
وشفيك متكدر حالك
كن الهوا مشغل بالك
خلاك طول الدجى ساري

[السعاده قادمه]

بين جور الظروف وبين صمت الشعور
تتجه مركبة شعري بدون انحراف
واتجول وأنا طبعي حليم صبور
والمشاعر تعاني من سنين عجاف
واتحمل ودمي من عذابي يفور
رغم هذا وهذا مستحيل اعتراف

[السعاده قادمه]

شامخ الرأس واحساسي بطبعه غيور
ما توطا مقامي عند شين الوصاف
اتجاهل ظروف الوقت مهما تدور
ون سألني عميلي قلت ما بي خلاف

[((((بصيص امل))))]

نعيب زماننا والعيب فينا وماللزمان من عيب سوانا

[السعاده قادمه]

أجامل وأرسم الضحكه وأنا قلبي على ناري . .
أحاول والله يعلم بي أداري دمعتي لا أبوح . .
أداري الجرح وأتجاهل عن اللي ينشد أخباري . .
أقول بخير لكني جريح وفي حشاي جروح

[حامد نوار]

العشير اللي يبيعك ويتجاهل عطاك
أشهد إن البعد عن عشرته خير كثير
ابتعد عن سيرة إنسان ما يشكر وفاك
وانتبه تتعب شعورك لمعدوم الضمير
من تجاهل في حقوقك وسارع في شقاك
اتركه وش يجبرك في مخاواة الحقير

[حامد نوار]

الذي يذكر جميلك ويتناسا خطاك
ذاك فعلا رأس مالك وهو نعم الخشير
بادله طيبه وحاول تحطه في سماك
ون تعنا لجل عينيك فافرش له حرير
من وفاء لك في حيانك وبالغ في ثناك
ليه تتناسى جميله وهو قدره كبير
كان ما تذكر عيب هذا وتجهل حق ذاك
فانت عقلك في مقاييس صدقانك صغير

[حامد نوار]

الخوة اللي على ما قيل حي الله
من عادتي يا عريب ا لساس ما أبيها
والخوة اللي تهين الكفو وتذلة
لا خير فيمن مشى في صف راعيها
وأقول لك يا عريب الساس عز الله
إن الليالي كشفنا بعض خافيها

[حامد نوار]

رفيقك اللي حاشمك كل حزّه
على الخطا يالاجودي لا تحدّه
وذا عطاك اللي تبي لاتكزّه
عيبٍ عليك اليا بنالك تهدّه
ولا صار طبعك دايمٍ تستفزّه
خله مدام ان الوفا منت قدّه
ماهو ضروري بالمجالس ترزّه
عشان نقصٍ بك تمنى يسدّه
وشلون فهمني مدامك تعزّه
وتقول ابادله الغلا والمودّه
مثل العدو عيني تشوفك تلزّه
مع كل ذا كفه لكفك يمدّه
مايستمع للي حكا بك يوزّه
جاهل عرب مايلتفت له يردّه