[بقاياحلم]

همس الأمل في ضجيج الياس : يدفعني
............ لـ محايل الوقت ، فـي صيفـه و مرباعه
تشوم نفسي عن [ الشكـوى ] وتمنعني
.......... لو كان نفسي من [ الكتمـان ] ملتاعه !
ما ظـن شكـوى ً لـ [ غيـر الله ] تنفعنـي
............ و لا تداوي : وجع ، من كثـرت أوجاعـه

[حروف القوافي]

ياطير شف درفة الشباك مفتوحه
تركتها لك مثل ماكنت خابرها
لامن خذلك الزمان وكثرت جروحه
لاتسأل أول جروحه وشو آخرها
تعال شف صاحبك قافل على روحه
بيبان الايام..والدنيا مسكرها
’

[حروف القوافي]

[حروف القوافي]

[حامد نوار]

قلّ للزمن لا ضاق صدري ( عوآآآفي )
بكرة تـزين .. وينشـرح .. خاطر الوجـد
كان الألم في محجر العين ( غـآآآفي )
ترى الأمل ماله وسـط خــافي حـد !!

[حامد نوار]

لَو كِل مِن يُغْزِي يُجِيْب الْمَكَاسِيب ،
. . . . . . . . . كَلَّن غَزَا فَالْيَوْم سَبْعِيْن مَرَّه !!

وَالمَرِجِلَّه تَبْغِي حُقُوْق ومَوَاجِيب ،
. . . . . . . . . وَرَاسِن عُيُوْنَه لِسَّمَاءوَالمجَرِه !!

الْطَّيِّب صَيْدَه وَالنَشَامّا مَخَالِيْب ،
. . . . . . . . . وَالْحُر الاشْقَر فُرْصَتِه مَاتُغَرِه

[حامد نوار]

ماعزني ثروة دراهم ولا جاه
العز يكمن في غنى النفس فيني


عزمي على فعل النوايا على الله
اتكل عليه امري وربي يعيني

عمري قسمه الظلم والعدل ساواه
قسمة حياة الخلق عسر وليني

محدن له ايامه تجي كيف ماشاه
كم مرة جتنا على غير حيني

[هدى وهداية]

[حروف القوافي]

[بقاياحلم]

مجروح من راسي إلى ساسي مجروح
كلي على بعضي جروح دفينة ..

أقوم وأقعد ما أعرف وين أبى اروح
ضايق وضاقت بي اليالي الحزينة..

أبكي ولو أبكي ما فادني النوح
جرحي بحر هايج وقلبي سفينة ..