[خلووووود الخالد]

ترى اللغز مثل ماقلت يمكن الحل مايخطر على بالكم

لكن المهم انكم تفكرون فيه عدل عدل

تراه مليان ومعناه مطابق للأبيات تماما

يعني حله يكون شامل البيتين كلها

رجلين في بطن رجال

وواحد وسط وواحد على جنب

وواحد الصغير دايم صامت ولايحكي مثل الكبير


وربي سهلتها

شدوا حيلكم

ومتأكدة انكم بتجيبونه ان شاء الله

[غفا]

خلود...............شي قريب من الكمبيوتر .....وإلا

[الزاهرة]

أهلا خلووووود

جيت برمعتي وشكلها من أولها غلط بعد ردك هذا

المشاركة الأصلية كتبت بواسطة خلووووود الخالد مايصعب على مثلك يالنادر وعشان اسهل عليك تراه شي تشوفه دايم وماكان في زمان اوووووول وش تبي اكثر يالله شد حيلك وحط الرمعة

كنت بقولك واحد من الاثنين

أما المنفاخ والا الهاون

[خلووووود الخالد]

المشاركة الأصلية كتبت بواسطة نادر حلوه غفا استري ما واجهتي اعجبتني الله يوسع صدرك وصدر من يشوف احسب اني قربت للحل وانتي ابعدتيني ياخلود انا عنيته في ردي بس انتي بعدتيني عنه

لا ان شاء الله منت بعيد

وان شاء الله مايجيبه الا انت

شد حيلك بس وخلك من غفا لاتمشي على رايها ترى بتضيعك خخخخخخخخخخخ

غفا ابي آخذ لك صورة بكاميرتك وانتي تحطين رمعتك وتنحاشين عشان لا اشوفك

شدي حيلك بس خليك سيدا وثاني لفة عاليمين خذيها وسيدااااااااااااااااا وان شاء الله بتلقين

الحل بوجهك بس انتبهي لاتدعمينه خخخخخخخخخخ

[خلووووود الخالد]

المشاركة الأصلية كتبت بواسطة الزاهرة أهلا خلووووود جيت برمعتي وشكلها من أولها غلط بعد ردك هذا كنت بقولك واحد من الاثنين أما المنفاخ والا الهاون

الزاهرة

ههههههههههههههههههههه

اي والله زين ماحطيتي رمعتك كان شتهالك شوت من المنتدى

قلبت المنفاخ والهاون تقليب ابي بس وجه شبه بينها وبين اللغز والابيات

وجه شبه واحد بس خخخخخخخخخخخخخ

الزاهرة يكفي بس مرورك على اللغز كنه انحل

وخيرها بغيرها

وترى ماهو القربة ولابيت الشعر ، خخخخخخخخخخخخخخخخخخخ

[خلووووود الخالد]

المشاركة الأصلية كتبت بواسطة غفا خلود...............شي قريب من الكمبيوتر .....وإلا

غفا

روحي خذي لك غفوة

وتعالي الرمعة تحتريك

مالك لواااااااااااااااااا

[مها]

دوختينا يا خلووود

مهو القلم

[غفا]

خلاص أخر حل

الرجال الكمبيوتر

القرص الثابت الرجل الأول
القرص المتحرك الرجل الثاني


يارب يكون صح ....تراي تفشلت

[غفا]

تراني ماقريت ردك الأخير خلود.....عشان كذا بأمنح نفسي فرصة ثانيه بعد إذنك

[خلووووود الخالد]

المشاركة الأصلية كتبت بواسطة غفا خلاص أخر حل الرجال الكمبيوتر القرص الثابت الرجل الأول القرص المتحرك الرجل الثاني يارب يكون صح ....تراي تفشلت

غفا ليش الفشيلة

بالعكس محاولاتك كلها تدل على ذكاء خارق ماشاء الله

مير مثل ماقلت لك روحي خذي لك غفوة وان شاء الله تشوفين رؤيا

وتشوفين الرمعة تنوقز قدام عيونك ومايحتاج فاتح يفسرها

بانتظارك