[عبق الأمل]

اوف اوف وربي مبدعه رحوووووووووووووله وين هالابداعات منحاشه منا انا اموووووووووووت في شي اسمه قصص وروايات لكن اكثر الروايات تجيب الهم
قصتك آبداع
طبعا انا جيت متاخره منشان القى الاجزآء قدآمي كآمله
الجزء الثآلث خيآآآآآآآآآل

[زهور..]

واصلي ابداعاتك
لو تحطين اكثر من جزء
موفق بإذن الله ... لك مني أجمل تحية .

[رحلة زمن]

[QUOTE=رحلة زمن;2952278]الجزء الرابع والأخييييير
في الصباح عند علي وشوق
علي : صباح الخير
شوق : صباح النور
شوق حست بألم ومسكت بطنهاوصرخت آه هنا خاف علي وقالها: شوق بسم الله عليك وش فيك
شوق بألم :أحس بألم شوي
علي :قومي أوديك للمستشفى
شوق : لا أنا برتاح وأنت رح لشغلك
علي : أنتي صاحيه أخليك بهذه الحاله
شوق وهي تتوجع من الألم بس مابينت لعلي
: أنا بخير بس أبي أرتاح وأصير أحسن وأذا حسيت بشي أتصلت فيك
علي : وعد
شوق : وعد
هنا ناظره نظره حب وحنان وقام وراح لشغله
عند هند وفي مجلس الرجاجيل
ياعمي: أنا جيت اطلب يدبنتك هند
أبو راشد : بس أنا معطيها لرجال ثاني
طارق : أنا أولى من الغريب
تدري أني عم العيال
ومافيه أحد يخاف على زوجة اخوي وعياله كثري
ابو راشد وجلس يفكر شوي وبعدين قال : يصير خير أن شاء الله بشاور البنت وأردلك
هنا ابتسم طارق وعرف أن خطتهم نجحت
كان طارق متفق مع خال وهند أنه يتزوجها وينقذها من سيف
وهو بيتركها لحالها بس مجرد اسم أنها متزوجه
طلع ابو راشد بيسأل هند وش رايها
هند كانت جالسه في الصاله مع أمها وكانت تبكي حتى وأن كان هي موافقه على خطة طارق بس كان بداخلها حب وحنين لفيصل
جاء ابوها وقال : يابنيتي هذا طارق عم عيالك جانا اليوم ويبي يتزوجك وش رايك
هند ناظرت أبوها والدموع بعيونها وماقدرت تقول أنها موافقه تحس أنها تخون فيصل بموافقتها
ابو راشد بصوت مرتفع : هند أختارين بين طارق أو سيف
تأكدت هند أنه مافيه مفر
قالت : لايبه أب ب ب بي طاااارق
ابو راشد : مبروك يابنيتي وراح يبشر طارق بموافقه هند
أماهند جلست تبكي بحرقه وألم وتقول بنفسها إي مبروك يبه أنت ماتدري أنك دفنتني بالحيا
ابو راشد : مبروك ياولدي هند موافقه
طارق : وهو عارف سبب موافقتها قال : الله يبارك فيك يابو راشد من غير فرحه
ابوراشد : هايولدي طارق أنا أبيك تتزوج بنتي قبل ماأرجع لديرتي عشان اطمن أن بنتي بأيدي أمينه
طارق :أن شاء الأسبوع الجاي أذا ماعندك مانع
ابو راشد : تم الاسبوع الجاي
وطلع طارق وهو يفكر بحاله وحال هند وهل ماسواه صح
او غلط
نرجع لشروق بعد ماطلع علي من عندها تمددت على السرير ونامت بس ماطولت بنومها صحاها ألم فظيع ببطنها وصارت تتوجع وتتحمل بس ماقدرت تتحمل أكثر
جت بتدق على علي بس خافت يسرع بالسياره فهونت ودقت
على سامي
سامي : هلا والله باخت....
سامي: شوق وشفيك
شوق : إلحقني ياسامي شكلي بولد
سامي : يالله أنا بالطريق جاي
وسكر سامي وهو يدعي ربه بأن يحفظ شوق هي أخته الوحيده ويغليها حيل
وصل سامي لشوق وهي تعبانه حيل
وقال لها :
بقول لعلي
شوق بسرعه:
لا لا تقوله خلها مفاجأه له
سامي : على راحتك
وأخذها للمستشفى وطول الطريق كانت شوق تحس بالآلام فظيعه وكانت تحس بأنها راح تفقد طفلها بأي لحظه
دخلو المستشفي وفحصوها وعلى طول قال الدكتور دخلوها غرفة العمليات حالتها خطره هنا خاف سامي وكان بيدق على علي بس تذكر كلام شوق وهون
سامي وهو ينتظر عند غرفة العمليات ومضى عشر دقايق طلع بسرعه الدكتور وكان وجهه مرتبك وشاحب خاف سامي
الدكتور : أنت وش تصير للمريضه
سامي : أخوها
الدكتور : أجل وين زوجها
سامي : ما قلنا له هو في الشغل
الدكتور: لازم يجي بسرعه عشان يوقع على الورقه
سامي : إي ورقه
الدكتور ونزل رأسه:
ورقة أنه يختار بين حياة زوجته أوولده
سامي ويصرخ : لا تقولها يادكتور ليش نقدهم
الدكتور : المريضه فقدت دم كثير وتعب قلبها وأثر هذا على الطفل فلازم نختار واحد ننقذه
سامي وبدون شعور :
أكيد شوق
الدكتور: للأسف زوجها هو الوحيد يحق له الأختيار
اتصل سامي بسرعه على علي
علي : هلا بالنسيب
سامي وبصوت باكي : إلحق يا
علي
علي : سامي وشفيك تبكي
سامي : شوق
علي ومن سمع اسم شوق ودق قلبه بقوه
علي: وشفيها شوق تكلم ياسامي
سامي: أنا وشوق بالمستشفى
شوق شووو...
قاطعه علي : تكلم شوق وشفيها ولا قولي أنتم بأي مستشفي
سامي : تعال بسرعه لأن شوق
احتمال تمووو
علي : لا لا مستحيل أنا جايكم بسرعه
هنا طار عقل علي وركب سيارته بسرعه جنونيه لازم يلحق على شوق لازم مايفقدها
مستحيل يعيش بدون شوق
وهو يفكر ويسوق بسرعه
فجأه بيب بييي .........
عند سامي
الدكتور : بسرعه وين زوحها حالت المريضه ساءت
سامي: أدق عليه بس جواله مغلق الله يستر
الدكتور : أجل بنسوي إللي نقدر عليه ودخل غرفة العمليات بسرعه
وطول بغرفة العمليات وسامي بين نارين نار أخته ونار صديقه وأخوه وش فيه مايرد
وبعد فتره طويله طلعت الممرضه وركض لها سامي
وقالت : مبروك بابا ماما فيه ولد كويس
سامي : وماما ايش صار كان عنده أمل
بس هنا الدكتور ومن ملامح وجهه عرف
سامي : لا تقول لي صح
الدكتور: هذا قضاء وقدر ياأخ سامي عظم الله أجرك
سامي وانهار تمام وجلس يبكي على أخته الوحيده وكيف يخبر أمه وأبوه وعل....
هنا صار فيه المستشفى إزاعاج
ودوشه وعرف أن فيه حادث صار وهو بيطلع شاف أحد ممدد على السرير كأنه عرفه
قرب علي وهو مو مصدق
ع ع ع عل.... علي
لا علي لا وصار يهز بعلي
ويقول : لاتموت ياعلي تكفى طلبتك ياعلي تكفي لاتروح مع شوق وتخلوني
علي جالك ولد ياعلي قوم ياعلي وسلم عليه ودخل سامي بحاله هستريه واظطرو أنه يعطونه إبره عشان يهدى
ودخلو علي غرفة العمليات
في هذه الوقت كانت هند جالسه بغرفتها وعندها خالد
خالد: يمه طيب ليش وافقتي وأنتي رافضه عمي طارق
هند: يمه خالد أنت عارف أني ماوافقت على عمك إلا عشان ماأتزوج سيف
وثانيا يكون هذا مجرد عقد لا له علي حقوق ولا لي عليه شي بس عشان يرحني من سالفت الزواج هذه وأعيش مرتاحه
وعمك وافق
خالد : بس يمه أنا أشوفك دمعتك على خدك دوم ودايم سرحانه
هند : غصب علي يمه
خالد : تدرين مابقى على زواجك من عمي سوى يومين
هند الله يعين ياولدي
في المستشفي طلع علي من غرفة العمليات بعد ما عالجو ه
وحطوه في غرفه مستقله
وكان مابعد صحى من البنج
دخل عليه سامي في الليل
وكان تعبان حيل من بعد وفاة أخته و العزاء
ناظر فيه سامي : وقال ياترى
وش بتسوي ياعلي يوم تدري أه شوق ماتت وتركت لك ولد
كح علي وصحى وعلى طول قرب منه سامي وقال : الحمد لله على سلامتك
ناظر فيه علي باستغراب وقال : الله يسلمك
سامي ومايدري وش يقول يعلمه بوفاةشوق ولا بس يبشره بأن جاه ولد أو يأجلها لبكره
سامي: عساك بخير الحين
علي ومايعرف من هذا الشخص واهتمامه به
قال : الحمد لله بس حاس بشوية صداع

[رحلة زمن]

[QUOTE=رحلة زمن;2952278]الجزء الرابع والأخييييير

هون سامي وما قاله وفي نفسه كان يسأل غريبه ماسأل عن شوق
يمكن عاشانه توه ماصحصح
قال له سامي: اجل مع السلامه
علي : مع السلامه
علي جلس شوي ودخل عليه الكتور وقال له : الحمد لله على سلامتك اخ علي
ناظر فيه علي
وقال:منو علي
الدكتور ومستغرب :انت علي
علي : بس اسمي فيصل
هنا انصدم الدكتور من كلامه وقال :معقوله رجعت لك الذاكره
فيصل:اي ذاكره
قال الدكتور :سبحان الله شكل رجعت لك الذاكره وكنا فاقدين الامل
فيصل:وش السالفه دكتور
الدكتور : لاذي سالفه طويله وبكرهلازم نسوي لك اشعه هلى المخ عندك
فيصل :بس احس مافيني شيء
الدكتور: لا بس عشان نطمن عليك اكثر
فيصل: يصير خير
وطلع الدكتور من عند فيصل وجلس يفكر ليش هند ماجت لي للحين وحتى راشد ماسأل معقوله مايدرون اني سويت حادث
وجاء الصباح وقبل الزواج بيوم
ام راشد: صباح الخير يابنيتي
هند :هلا يمه صباح النور
او راشد: تعالي يمه افطري
هند: لايمه مالي نفس
ام راشد: مايصير يمه من امس وما كليتي شئ
وبكره زواجك لازم تاكلين
هند وتضايقت من طاري الزواج :يمه مالي نفس لاجعت اكلت
ام راشد: بكيفك ياهند
اتصل طارق على خالد
خالد: هلا بعمي زوج أمي
طارق ويضحك: هلا بولدي خالد
اخبارك واخبار الاهل
خالد: اها قلي من الاول وش اخبارامك بدال الف والدوارن
طارق : عمى بعينك ماقصدي شئ
خالد :عارف ماقصدك شئ بس حبيت اقول انهم بخير ويسلمون عليك
طارق :صدق والله
هنا مات ضحك خالد على عمه : وتقول ماقصدت شئ
طارق : الشره مو عليك علي انا ومتصل واشوف وش محتاجين عشان بكره
خالد: لا لا يامعود لا تزعل كلنا بخير ومو قاصر علينا شئ
طارق: الا بجد خالد امك بعهالا عند رايه ما تراجعت
خالدوبصوت جدي: لا صح انها متضايقه وطول الوقت سرحانه بس تقول هذا اهون من اتزوج رجال غصب علي واظلمه معي
وعمك عارف كل شئ وهذذا مريحني
طارق يصير خير أن شاء اللهوبسوي اللي تبيه ويريحها
اجل مع السلامه
خالد:مع السلامه
نرجع للمستشعى واجرى فيصل الفحوصات وكانت سليمه
ةحكى الكتور لفيصل كل شئ من ان سامي هو اللي انقذه وانه فقد الذاكره وان سامي اخذه معه للبيت حتى الحادث الاخير وكيف رجعت له الذاكره فقد الذاكره
فيصل ومو مستوعب اللي يقوله الدكتور معقوله فقدت الذاكره ثمان سنين وانا غايب عن هند وعيالي
معقوله ماسالو عني او بلغو عني
الدكتور :لا تنسى انت بمنطقه وهم بمكان اخر
ودخل سامي بعد ماسأل الممرضه عن علي
وقالت انه عند الدكتور
فتح باب الغرفه سامي وقال:السلام عليكم
الدكتور وفيصل {اي علي}وعليك السلام ورحمة الله وبركاته
سامي :ها بشر دكتور اشوف علي بخير
الدكتور: اكيد بخير استاذا فيصل
سامي : لا انا قصدي علي هذا واشر عليه
عرف فيصل ان هذا سامي اللي انقذ حياته
الدكتور : تفضل اخ سامي واحكي لك الحكايه وقال لسامي وش صار لعلي البارح يوم طلع من عنده واليوم وانه رجعت له الذاكره وانه نسى حياته معه ومايذكرها
سامي وفتح عيونه على الاخر وقال :يعني الحين مايذكرني
مايذكر زوجته شوق ,مايذكر وانها كانت حامل وجابت له ولد, مايذكر ايام كنا نطلع سوى ونضحك سوى , مايذكر ايام كنا نأكل سوى
مايذكر اني وظفته عند ابوي ,واني انا بفسي زوجته أختي
يعني انا يادكتور فقدت اعز ناس على قلبي أخوي واختي
لا مستحيل يصير هذا الشي وقام الدكتور وهاه وذكره بالله وانه قادر على كل شي
وفيصل وهو يسمع كل كلمه قالها سامي ويفكر معقوله كلامه صدق انه صديقه وزوجه اخته وجابت له ولد ,معقوله نسى حبه لهند ووعده لها
وهدا سامي وحكى لفيصل كل شى حتى وفاة اخته وهو صار عليه حادث فيصل : معقوله يادكتور مااتذكر حياتي هذه
الدكتور :هذا طبيعي ويصير
وانتهى الاحداث وطلع فيصل مع سامي وأخذه لامه وابوه
وجكى لامه وابوه كل شئ
ام سامي وهي جاسه تبكي : الحمدلله على سلامتك ياولدي وشوق الله عوضنا بولد من ريحتها
ابو سامي وكان زعلان ومتضايق : الحمد لله على سلامتك ياولدي
والله يؤدك لاهلك سالم
قيصل : والله ماادري وش اقول لكم اللي سويتوه معي دين فرقبتي وماادري كيف ارده لكم
ابو سامي : العوض عند الله وانا ابوك وسوينا الا الواجب
وكنا تبي تاخذ ولدك معك مانقدر نردك
هنا تدخلت ام سامي وقالت : لا ياولدي لاتحرمني من ضنى بنتي
فيصل ماقدر يقول الا: لا ياعمه ولد بنتك انتي بتربينه عندك وانا بين كل فتره بازوره هذا أقل شئ ارد به جميلكم
ابو سامي: ماقصرت ياولدي وتأكد انا بنحافظ عليه
وبعد ماتغدو وجاء العصر طلع سامي وفيصل وراحو يحجزون طائره على ديرة فيصل وما رجعو الا متأخر بالليل ونامو

يوم الزواج...............................

جاء وقت المغرب وبداالخوف عند هند وصارت ترجف وفي مجلس الرجال ابو راشد وراشد وطارق و خالد واثنين من جيرانهم شهود على الزواج
ابو راشد : مبروك ياولدي ياطارق
هنا يسهبل خالد على جده ويقول : خله ياجدي يملك ثم قله مبروك
الجد : ان شاء الله بيملك وياخذها
طارق وهو متوتر :يصير خير
وقاموا وراحو يصلون العشاء ورجعوا وجاء المملك واخذ موافقة طارق
والشهود
وعطو خالد الدفت عشان توقع أمه وراح خالد ودق جوال طارق وشاف رقم غريب وطلع برا يكلم عن الازعاج

جاء خالد والابتسامه شاقه وجهه ودخل على امه وكانت عندها جدته وأخته غلا
قال خالد : يمه وقعي
وهند من يوم قالوقعي الا وقامت ترجف بقوه وتبكي وتشاهق خاف خالد على امه وحط الدفتر وقال لها :يمه بسم الله عليك وشفيك
وهند ماتتكلم بس تبكي وتقول تكفى يمه خالد ماأبي اتزج ابوس يدك يمه ماأبي
وعصب خالد وقال بأذن الله محد يغصبك على شئ وراسي يشم الهواء وطلع من عند أمه
ونادى جده بمقلط الرجاجيل وقال لجده كل شئ
والجد منسمع أنها رفضت طارق وجن جنونه كيف تكسر كلمته وتفشله عند الرجال
خالد وبصوت حاسم : أسمع ياجد امي اغلى عندي من الدنيا كلها
واستنجدت بي وانا مستحيل اخليها تسوي شئ غصب عنها واذا كان على عمي ,عمي عارف البير وغطاه وماهو زعلان
دخل طارق على كلام خالد وقال
وانا معك يابن اخوي بس أعذرني ابزوج أمك واحد ثاني وهو يضحك و
مسحيل بترفضه أمك
خالد والجد ومستغربين من كلام طارق ومن هو:
طارق ويفتح الباب على الاخر ويقول تفضل يافيصل
ودخل فيصل
خالد ومن شاف أبوه وصرخ بأعلى صوته : يبه لا لا ابوي مات وراح لعمه مصدوم ويبكي ويقوله
عمي هذا ابوي صح,عمي تكفى لاتكذب علي هذا ابوي عمي هذا ابوي او لا تكفى عمي طلبتك
طارق ورحم حالة خالد قال له : لاياخالد هاذ ابوك فيصل وما كمل طارقكلامه وركض بسرعه لابوه وحظنه بقوه وكل واحد يضم الثاني ويبكي حتى طارق بكى من الموقف والجد لرغم شدته وحزمه الاان هناك مواقف تجبر الرجل على البكاء
وبعد ما خلصو دموع خالد وعند ابوه قلي يبه وش صار لك وغبت عنا كل هذه الفتره
تدخل طارق وقال بعدين يقولكم
الا فيصلوهو يغمز له ماودك تشوف أمك والاهل
وضحك فيصل وعرف قصد أخوه :الاودي ومشتاق لهم بالحيل
طارق خذ الدفتر وقل لامك توقع هالمره أحسن لها
واخذ الدفتر خالد وهو مقرر ينفذ الخطه
ودخل على امه وهو زعلان
وشافته هند زعلان وقالت: جدكرفض يمه صح
وجلست تبكي وخالد ماسك ضحكته على حال امه
وقال بصوت حازم : يمه لا جدي ماقال شئ بس بس
هند : بس سنو
خالد ورحم حال امه وقال
بس عمي طارق يوم درى بالسالفه عصب وصارخ علينا وقال ياتختار بيني اوبين............
هند وبدأت تخاف :بين من
إلا وفتح باب الغرفه
وصوت رجولي او انا
هند وام راشد فتحو عيونهم على الاخر وما صدقو اللي شافوه
هند وبدت تصيح بقوه :فييي..ي...يصل
ام راشد وهي اسواء حال من هند : انت ولدي فيصل صح
وراح فيصل عند أمه وباس رأسه ويدينها ويقول : ايه يمه انا ولدك فيصل ما غيره
وظمته امه وهي تبكي : وينك يمه تركتنا واختفيت
طارق رفع راسه وقال : يمه هذه سالفه طويله وجت ركض غلا وهي تبكي وتسلم على ابوها وهند مازالت واقفه وتبكي
سلم فيصل على غلا
وخالد حتى بهالمواقف ماترك لقافته وقال : بتوقعين يمه على زواجك من فيصل ولا لا
وقام فيصل وراح لعند هند وباس راسه وقال : أكيد بتوافق وغمز لهند
وهند ماتتكلم بس دموع وهزت هند راسها بموافقه وحظنت وظمت فيصل وهي تبكي وحظنها فيصل وقال يهمس بأذنها : خلااااااص كفايه دموع ياهند أنا هنا

انتهههههههههههههههههههههت القصه واتمنى انها اعجبتك
وهذه بقلمي
حقوق الطبع محفوظه لرحلةزمن
ومراح اسامح احد ينسبها لنفسه

ودمتم مع خالص ودي

[ســـانـــدي ^_^]

انا اول من شفت الحلقه الأخيره راااحت على البنات هههههههه


والله روووعه وتأثرت معهم كنت خايفه لا تتزوج هنــد ويرجع فيصل وهي متزوجه ,,



وسبحان الله الأقدار وقضاء الله وما يحكم به ويقضي به فيه خير كثيررر لنا ربنا علام الغيوب مدبر الأمور سبحانه ,,

استنتجت هذه الفائده من القصه لما ماتت شوق ..

قال تعالى ( إن مع العسر يسراً )

وتذكرت الأيه هذي مع موقف هند الأخير ,,


لا إله إلا الله ,,,

مبدعه بقلمك الأكثر من الرائـع ,,

تسلم يدك رحووله ,,

وبإنتظار جديد قلمك وبكل شوق ^__^

لكِ مني ارق تحيه ,,

محبتكـ في الله ســـانـــدي ^__^

[ريحانة الوجود]

نهاية مؤثرة رحوولة تسلم يدكِ موقف صعب يوم ماتذكر حياته الثانية مع شوق
والله الحياة فيها مثل هذة القصة وتصير

[رحلة زمن]

سوسو وامونه مشكورات على الكلام الحلو
والله الفضل بعد الله لكن والتشجيع الذي وجدته منكم فجزاكم الله كل خيرا

[نورحرم حسين1]

شـكــ وبارك الله فيك ـــرا لك ... لك مني أجمل تحية .

[وجدااااان]

نهاية رائعة ومؤثرة ومفرحة

رحلة زمن استمتعت بكل ما خطته لنا اناملك ،،،
كلمة مبدعة قليلة بحقك اللهم صل على النبي

يعطيك العافية حبيبتي

بإنتظار اصداراتك القادمة (^_^)

[رجيتك ربي ~]

بـدآية مـوفقـةة ,
أنتظـر آلبـآقـي :)