[دار سلوى]

السلام عليكم

هذا حلو اسويه بين فترة وثانية سهل وسريع ...

المقادير :
1 علبة نستله حليب مكثف محلى
1 علبة عجينة سنبلة .. الطويلة ( سويتز)
1 علبه جبن كيري الجرة الحجم الوسط ..

2 م سكر
2 م دارسين / قرفة

فستق للتزيين (اختياري)

الطريقة


اول شي تحطين علبه النستله .. بحمام ماي (او جدر متروس ماي اهم شي العلبه كلها مغمورة بالماي)

وتخلينها عالنار اقل شي ساعتين (عشان السكر يتكرمل)

هذي اول خطوة وخلال هالساعتين سوي كالتالي :

شرايح السمبوسه افرديها .. وقصيها من النص ..

وادهنيها بجبنه كيري بس مو وايد تحطين جبن .. ولفيها نفس شكل الزقاير

واقليها ... وطلعيها على الورق الماص للدهون ..

على ما تبرد .. جيبي علبة النستله ..

افتحيها .. وابدي غمسي اصابع السمبوسة فيها ..بس مو تغمسينها كلها ..يعني ثلث الاصبع ..

وصفيها على صينية التقديم ..وعقبها

حطي السكر والدارسين بالخلاطه مالت الابهارات .. لين يصير ناعم ..
هژںه¸


وبعدين رشي السكر والدارسين فوق الاصابع بدون مبالغه ..

وبعدها اطحني الفستق طحن خفيف ..مانبيه يصير ناعم ..

ورشيه فوق الاصباع كخطوة اخيرة


وبالهنا والشفا ^_^

ملاحظه : تقدرين تخزنين نص كميه الاصابع بعد ما تدهنينيها بالجبن بالفريزر وتخزنينها وتقلينها وقت مايجون الضيوف