[خلوووود الخالد]

المشاركة الأصلية كتبت بواسطة ابو انس العصيمي1 له وقفة ن فوق الرجوم و مغارة بين الكواكب و النجوم و اعاجيب صح لسانك يا اختنا لحر يا الاجواد تكفيه إشارة والناس قد تخطي وأحيانا تصيب أنت عماد بموقعي وافتخاره لزم علي أخدمك يا ام المواجيب وصح السانك د فهد

/

صح بدنك أخي ابو انس
تشزفت بمرورك هنا وتعليقك






🌷🌷
/

[خلوووود الخالد]

المشاركة الأصلية كتبت بواسطة زهووور؛؛ له وقفة ن فوق الرجوم و مغارة بين الكواكب و النجوم و اعاجيب صح لسانك .. ياخلوود حفظ الله والدنا الفاضل د/ فهد وجزاه الله عنا خيرالجزاء

/

صح بدنك.. زهووور
شكرا لمروك هنا و تعليقك




🌷🌷
/

[الدكتور فهد بن سعود العصيمي]

مع صوت المطر على رياضنا واقترانه بجمال الردود
والجمال المصاحب للمعنى والمبنى قلت:
دايم تراي أسعى وأدوّر دِوارة
للي سواتك صيدهم بالمخاليب
شيهانة دايم على رآس قارة
أزروا عليها جموع جوها خطاطيب
يا مرحبا باللي يشعلل وجاره
بعد أمطرت والسيل شق الميازيب
يسقي ضمى عشب ويكثر خضارة
يالله عساها تزود كل المياسيب

[ورد الريـاض]

/
/


ماهذا الجمال أيها الشعراء
اليوم يوم مميز ! أجواء جميلة قصائد وأبيات تنطق بالروعة
أنا اليوم محظوظة ومحفوفة بهالة من الجمال المتدفق من حولي
سأعود لاتأمل تلك الأبيات واحلق معها في سماء الشاعرية والإنتشاء .

شكراً لكما .
🌺

..

[خلوووود الخالد]

المشاركة الأصلية كتبت بواسطة الدكتور فهد بن سعود العصيمي مع صوت المطر على رياضنا واقترانه بجمال الردود والجمال المصاحب للمعنى والمبنى قلت: دايم تراي أسعى وأدوّر دِوارة للي سواتك صيدهم بالمخاليب شيهانة دايم على رآس قارة أزروا عليها جموع جوها خطاطيب يا مرحبا باللي يشعلل وجاره بعد أمطرت والسيل شق الميازيب يسقي ضمى عشب ويكثر خضارة يالله عساها تزود كل المياسيب

/
عندما ينبع الجمال من الروح و العين الناظرة لا ترى الا جمالا،،،
غمرتنا بجمال ما رأيت فاكتست ابياتك بجمال ارتبكت امامه اللغة و وقفت طويلا تنتظر كي تستعيد توازنها ولو قليلا :



منكم تعلمنا فنون الصقارة
يا شيخنا من دون ندخل كتاتيب

حلمك و علمك و الوفا و الإدارة
منها تخرجنا بحنكة و تدريب

والله لو بكتب ( بيوتي ) عمارة
بيت ٍ باثر بيت ٍ باثر بيت ترتيب

ما توفي حقوق الوفا و الامارة
يا امير من بيت الحسب و المواجيب.








🌷🌷
/

[الدكتور فهد بن سعود العصيمي]

يا سلام على فنون الكلام:
أنت ترا ال(حافز) وأنت ال (جدارة)
صيدك يجي (طازج) ولا هوب(تعليب)
مثل الذهب قد زان بعد انصهاره
ولوما حصل مسموح من دون تثريب
تمت وخلي الان نسدل ستارة
والشمس زالت والقمر بعدها يغيب

[Smo Athat]

يعني نطلع ما نشارك !!!!

مافي مكان لنا هنا ... مع التقاء الأدباء !


ماشاء الله تبارك الرحمن الله يجزيك خير أختي خلود يستاهل الدكتور فهد

[مها]

ما شاء الله تبارك الله
للشعر بحور لقد أبحرنا معكم اليوم إلى بحور اعذب الشعر الجميل،، ياليته يطول شوي👏
تابعناكم بكل سرور الف شكر لكم🌹.

[مراقب في الموقع]

والله كلام كبار و حلوووو وليته يطول وفعلا الاستاذه خلود شيهانه وصيدها من السمان وانت يا شيخ فهد لماح وتعرفها وهي بالجو.

[ورد الريـاض]

المشاركة الأصلية كتبت بواسطة الدكتور فهد بن سعود العصيمي يا سلام على فنون الكلام: أنت ترا ال(حافز) وأنت ال (جدارة) صيدك يجي (طازج) ولا هوب(تعليب) مثل الذهب قد زان بعد انصهاره ولوما حصل مسموح من دون تثريب تمت وخلي الان نسدل ستارة والشمس زالت والقمر بعدها يغيب

:
:

الله على الإبداع والفن يادكتور فهد ! أعجبني
توظيفك لحافز وجدارة في البيت ( روعة ).

/
/

تمت وخلي الان نسدل ستارة
والشمس زالت والقمر بعدها يغيب !!

بيت شاعري وبه نغم موسيقي ، هكذا اراه ،، راق لي جداً .

🌺

..