[lبو lحمد]

يامرحبا فيك
وصح لسانك

[خلوووود الخالد]

المشاركة الأصلية كتبت بواسطة الصريــح السلام عليكم و رحمة الله و بركاته يسعدني و يشرفني انضمامي لمنتدى بشارة خير و جزا الله القائمين على هذا المنتدى خير الجزاء و على رأسهم الدكتور فهد العصيمي . و بصراحة اليوم جايب لكم أبيات كتبتها بعد قصة طريفة و قصيرة بعد أن تواصلت مع إدارة المنتدى طالبا منهم مكالمة الدكتور فهد العصيمي فحصل نقاش حول كيفية و طريقة التواصل مع الدكتور ثم اتصل بي الدكتور فهد و سألني عن الجدل قائلا هل الطريقة صعبة إلى هذه الدرجة و قال ممازحا ( و الا الشح بالمال ) فقلت لا و الله يا دكتور كل ما بالأمر أنني حريص على أن أكلمك شخصيا و لذلك ربما أكثرت الاستفسارات ، المهم قال تفضل وش حلمك و أخبرته بحلمين و فسرهما جزاه الله خير و لا قصر قال تراه مجاني لكنني أصريت و حولت المبلغ و تواصلت مع إدارة المنتدى أخبرهم أن فيه جزئية لم أذكرها فهل أستطيع الاتصال بالدكتور فقال الذي رد علي ( اسمح لي الآن ما فيه مجال ) فكتبت الأبيات التالية من باب التوضيح : مسموح و مجمّل و وافي و مشكور .... و العـــذر منكـم كـان منـي خطيّــة و سلم على الدكتور من بال مسرور .... و قل له ترى اللي صار من حسن نية الشاهد الله ما حصل نقص و قصور ...... منــا و منكــم يا رجـــال الحميــة و ليـا دفعت المــال مــاني بمقهــور ...... و لا شلت و الله هــمّ دنيــاً دنيــّة بالشـح و التقصيـر ماني بمخبــور ...... و الحمـــد للخـــلاق رب البريــّــة و الاختلاف يصيـر و العلـم مـأثـور ...... لكـنْ مــا يفســد للمـــودة قضيـــة و أبو سعود إنسان فاهم و دكتور ...... و أكيــد مــا يحتــاج منـا وصيـــة و سلامتكم و أتمنى أن تحوز على رضاكم و استحسانكم .

/

يا مرحبا ترحيبة البدو بحضور
الضيف لا جاهم و ردّ التحَـيّة

يا مرحبا والبيت عامر و ممطور
و اللي صريح القول حيٍّاه حيّه

في موقع التعبير وبشارة النور
مَنارة التعليم و المنْهَـجِيٍة .

سياسة الدكتور فيها لها دور
دور الريادة واصبَحَتْ مرجعيّة.!

وانت ( الصريح ) القول ماجيتنا زور
تِبْشِر ( بشارة خير ) با اصدّق هويّـة.


🌷🌷
/

[الدكتور فهد بن سعود العصيمي]

حمي الوطيس وزانت الردية، وهيضتني فزعة ربعي فقلت:

ماني احمد الناصر ولابندر سرور
لكن يعجبني الوفا والوفيّة
دامه يشم الريح ياناس هالكور
بتشوف موقعنا ولا فيه زيه
ما اخاف من فتان وعيون وسبور
وين الثرى ياناس وين الثرّية
يا خلود يا مقباس ياغيوم وزهور
ما به خوي إلا بفزعة خويه

[غيوم ممطره]

صح لسانك د/فهدالعصيمي
ما به خوي إلا بفزعة خويه
.....
انا اشهد والشاهد الله,قول قيمه ومأثـور
والأفعال به,نرفع لجلها سلام وتحـيّة.

قصدناك وهالمكان وطن,بيت معمـور
نسكن ويّـاالأحلام,مجّـان,ذهب وماسيّه.

[مها]

المشاركة الأصلية كتبت بواسطة الدكتور فهد بن سعود العصيمي حمي الوطيس وزانت الردية، وهيضتني فزعة ربعي فقلت: ما به خوي إلا بفزعة خويه

ماشاء الله تبارك الله
صح لسانك وبدنك والدنا الفاضل تابعنا بصمت وسررنا جداً👍🏻
تسلم ويسلم من شارك معك في الموضوع👍🏻

[زهووور؛؛]

صح لسانك : د / فهد العصيمي

ماني بشاعره وللشعر وزن وبحور
كلماتي مباشره ع الصوره الحيه
الله يعزك ويديم بيتك المعمور
ويخسيء الفتان والحاسد والهمجيه

[خلوووود الخالد]

المشاركة الأصلية كتبت بواسطة الدكتور فهد بن سعود العصيمي حمي الوطيس وزانت الردية، وهيضتني فزعة ربعي فقلت: ماني احمد الناصر ولابندر سرور لكن يعجبني الوفا والوفيّة دامه يشم الريح ياناس هالكور بتشوف موقعنا ولا فيه زيه ما اخاف من فتان وعيون وسبور وين الثرى ياناس وين الثرّية يا خلود يا مقباس ياغيوم وزهور ما به خوي إلا بفزعة خويه

/
قالوا قديما يحفظ الشعر فـ صدور
كل العرب.. وارواحهم فيه حيّه

الشعر ديوان العرب فيه مذكور
تاريخهم و اشعارهم مَـلْحَميّة

و مازال حتى اليوم للشعر دستور
الشعر منظومة قيّم مَعرفيٍة

و يتَرْجم افكار الملايين وشعور
أرواح تلقى فالشعر جاذبية

و هنا الصريح اللي بدا الشعر مشكور
وقدّم لنا ورد الشِعر مـزهَـرية


تعبير صادق جاوبه فيه دكتور :
فهد العصيمي و استلمها هدية

جاوب نداه و ردد الشعر جمهور
المنتدى في أُمـسِـية شَـاعريّة.

🌷🌷
/

[الدكتور فهد بن سعود العصيمي]

قالوا قديما يحفظ الشعر فـ صدور
كل العرب.. وارواحهم فيه حيّه

الشعر ديوان العرب فيه مذكور
تاريخهم و اشعارهم مَـلْحَميّة

و مازال حتى اليوم للشعر دستور
الشعر منظومة قيّم مَعرفيٍة

و يتَرْجم افكار الملايين وشعور
أرواح تلقى فالشعر جاذبية

و هنا الصريح اللي بدا الشعر مشكور
وقدّم لنا ورد الشِعر مـزهَـرية


تعبير صادق جاوبه فيه دكتور :
فهد العصيمي و استلمها هدية

جاوب نداه و ردد الشعر جمهور
المنتدى في أُمـسِـية شَـاعريّة.

صح لسانك يا شاعرتنا :


جيت المرابع واثره اليوم ممطور
يا زين رعاده وبرقه ورِيّه
وانا حلفت وحلفي اليوم مبرور
ان واحدٍ يسوى ثلاثين زيه
ومن تكبر قالوا الناس مكبور
وانعم بمن خلى التواضع هوية
تبي الصراحة صار بالبعض خابور
بعثت له من جيشنا أقوى سِريّة
حنا نحك العود بالعود ويثور
عودٍ وطيبٍ واللحن سامرية

[مها]

المشاركة الأصلية كتبت بواسطة الدكتور فهد بن سعود العصيمي وانا حلفت وحلفي اليوم مبرور ان واحدٍ يسوى ثلاثين زيه ومن تكبر قالوا الناس مكبور وانعم بمن خلى التواضع هوية

صح لسانك والدنا الفاضل
بيتين تسوى قصيدة 👍🏻

[مها]

المشاركة الأصلية كتبت بواسطة خلوووود الخالد و يتَرْجم افكار الملايين وشعور أرواح تلقى فالشعر جاذبية

صح لسانك شاعرتنا الغالية
صدقتِ الشعر مرآة الشاعر
شكرا خلوووود🌹