[راس الحكمه مخافه الله]

كمان اليويتوب المقاطع ماتشتغل عندي
وحذفت انترنت الاكس بلورر7 وحملت9

وعيامايشتغل خوساره

[راغب الخير]

المشاركة الأصلية كتبت بواسطة راس الحكمه مخافه الله كمان اليويتوب المقاطع ماتشتغل عندي وحذفت انترنت الاكس بلورر7 وحملت9 وعيامايشتغل خوساره

تأكدي اختي كان عندك مشغل الفلاش Flash player

روحي لوحة التحكم Control Panel بعدين البرامج او ازلة واضافة البرامج ان كان في اكس بي وشوفي اللسته موجود فيها Flash player?

وفي كلا الحالتين يمكن يكون فيه خطأ ما مثل ماحصل لي سابقاً فاحذفيه وان كان موموجود خير وبركه

في الاخير ادخلي قوقل واكتبي
Download flash player

اول رابط يفتح معك ادخليه بتلقين كلمة Download Now او شيء من هالقبيل المهم حمليه وبعدها صكي المتصفح وافتحيه وجربي

وبالتوفيق


اما بالنسبة لاختي صاحبة الموضوع هل الفورمات اللي عملتيه تم تقسيم مساحة الجهاز من جديد ؟ وهل الجهاز قديم مره وتم تركيب عليه نظام حديث جداً زي ويندوز 7؟

احتمال يكون عندك فايروس ماراح بعد الفورمات لان لازم يعيد تقسيم المساحة عشان يروح

تحياتي للجميع

[نسمة سحر]

همس الخفوق انتي تأمري أمر

وللعلم انا ليس لدي خبرة
لكن توجد الكثيــــــر من الحلول مجرد انك تبحثي عن مشكلتلك
..............................

الاخت رأس الحكمة مخافة الله ،، الصراحة لا أعرف ولم افهم سؤالك ؟ أي صفحات تقصدين ؟


اكتبي مشكلتلك بمحرك البحث قوقل وستجدين المشكلة والحلول لها
....................


تحياتي

[همس الخفوووق]

الله يجزاك خير أخوي وشلون يعيد المساحه ؟؟؟ ترى أنا ماأعرف اسوي فورمات أخوي اللي سواها ورجع الجهاز كأنه جديد

وجهازي موقديم مره له 8 شهور

الله يسعدك ساعدني إذا تقدر

[راغب الخير]

اذا يميدك اسأليه قولي له "انت قسمت مساحة درايفرات السي والدي من جديد؟" يعني عطيت درايفر الC او الD مساحه مختلفة عن السابقه ؟ او لا اذا قال لا احتمال يكون عندك فايروس ما انحذف من النظام القديم ياتخلينه يعيد الفورمات مع تقسيم جديد للمساحة او يبيلك احد شاطر يعرف يتعامل مع الفيروسات ويكتشفها وطبعاً هذي قصة تطووووول

هذا طبعاً ان كانت المشكلة فايروس

[همس الخفوووق]

سألت اخوي يقول ماقسم ولا عمل اي شيء
طيب ياأخوي انا عندي برنامج مكافح الفايروسات النورتون ولونه أخضر يعني مافي فايروسات
لأن لو كان في فايروسات على ماأعتقد يصير لونه أحمر

[همس الخفوووق]

طيب يااخوي في أحدى الأخوات نصحتني انزل برنامج سي كلينر قالت أنه يساعد في تسريع الجهاز
تنصحني أنزله ؟؟
أخاف اسوي شيء ويخرب الجهاز

[راغب الخير]

دامه ما قسم يمكن احتمال يكون فيه فايروس قديم والعادة كل ماطول كل ماخلى الجهاز يهنق

بعض الفيروسات عنيده جداً وصعب التعامل معها اخر مره صابني فايروس جلست ثلاث ايام متبهذل احاول اشيله ومابقى طريقة ماطبقتها في الاخير فتح الله علي وسهل الامر

بس شوفي اختي اول شي برنامج الفايروس اياً كان لازم يتحدث باستمرار لانه ينزل جدول او قاعدة بيانات فيها احدث الفيروسات الجديده وبعد ماتحدثينه فيه خيار يخليك تعملين فحص كامل وعميق للجهاز غالباً مايكون اسمه بالانجليزي Full scan او Deep Scan حاولي تعمليه وراح ياخذ وقت حسب مساحة جهازك ان كانت كبيره بيطول معك ممكن يوصل حدود الساعه او يمكن اقل يعتمد على مساحة الهاردسك عندك

فيه بعض الفيروسات او ممكن تسميها دوده او تروجان اوقات ماتنكشف ببرنامج الفيروسات لحاله تحتاجين برنامج ثاني ويبي لها شوي واحد فاهم بالبرامج والحماية في عندك برنامجين حاولي تنزلينهم من النت واحد اسمه Spybot وهذا يكتشف برامج التجسس او Dr.Web واعملي فحص فيهم وشوفي وش يطلع معك

ان اكتشفتي انه فيه فايروس اعيدي الفحص اكثر من مره بعد ماتتخلصين منه عشان تتأكدين

اذا مانفعت معك هالخطوات اعتقد انك محتاجه تتخلصين من ملفات مؤقته في جهازك واذا طبقتي الخطوات اللي فوق ولا جابت نتيجه ننتقل للي بعده

اللي بيعمله لك برنامج السي كلينر نقدر نطبقه يدوياً خطوه بخطوه افضل منها تتعلمين ومنها تكونين متأكده ماتختارين شي يجيب العيد عموماً جهازك جايب العيد ومامن حسوفه لو صار له شي هو خربان خربان

[همس الخفوووق]

اوكي اخوي الله يجزاك خير ماقصرت ربي يسعدك

إن شاء الله بكره أطبق هذي الخطوات واشوف النتايج
الحين بطلع تعبت عيوني من الكمبيوتر
من الساعه 1 الظهر وانا جالسه احاول ألقى حل مع هالجهاز

[راغب الخير]

بالتوفيق ان شاء الله وان واجهتك مشكلة في ايجاد اي شي من اللي ذكرت لك فوق تفضلي بالسؤال

وفيه حل سريع وخفيف خذي الجهاز اي محل كمبيوتر قولي له ابي فورمات كامل مع اعادة تقسيم للهاردسك والمفروض انه يزين معك