[عبدالعزيز 6]

a7

.. كفاية دموع يا كويت ..

روحي رغمـ موتها .. بالحزنْ حسيتْ ..
فقيدكـ الغالي .. ذكراه بكل بيت ..
رحلْ .. و حُـبه الحقيقي كان الكويت ..
يكفي دموع و حزن .. تراني بالعَمل بَـدّيتْ ..
و هذاني مع وِصية الراحل وَصّيت ..
الكويت ... الكويت

.. كفاية دموع يا كويت ..

ترا فقيدكـ الغالي بترابكـ مدفون ..
و بهوى عشقكـ كان مجنون ..
يبيع الرخيص و الغالي .. مهما يكون ..
لأجل عيون الكويت .. كل شي يهون ..
زماننا يتباهي .. تبكون و تنسون ..!
و شلون ننسى أبونا الثاني بالكونْ ..!
و هو لنا القدوة بحب الكويت ..

.. كفاية دموع يا كويت ..

ترا الدنيا حياة و موت ..
عَجلة تمشي .. ما تسمَعْ صوتْ ..
حُـبكـ يـِبقى حتى لفات الفوت ..
فقيدكـ الغالي باقي حتى بَعد الموت ..
ادعي له يا كويت .. بالرحمة و الثـُبوتْ ..

.. كفاية دموع يا كويت ..


اللَّهُمَّ اغْفِرْ لَهُ ، وارْحمْهُ ، وعافِهِ ، واعْفُ عنْهُ ، وَأَكرِمْ نزُلَهُ ، وَوسِّعْ مُدْخَلَهُ واغْسِلْهُ بِالماءِ والثَّلْجِ والْبرَدِ ، ونَقِّه منَ الخَـطَايَا، كما نَقَّيْتَ الثَّوب الأبْيَضَ منَ الدَّنَس ، وَأَبْدِلْهُ دارا خيراً مِنْ دَارِه ، وَأَهْلاً خَيّراً منْ أهْلِهِ، وزَوْجاً خَيْراً منْ زَوْجِهِ ، وأدْخِلْه الجنَّةَ ، وَأَعِذْه منْ عَذَابِ القَبْرِ ، وَمِنْ عَذَابِ النَّار ..



صح لسااان شاعرها ولساانج


احتراماتي


اخوك في الله

عبدالعزيز

[@ حنين @]

أخي الكريم :
عبدالعزيز 6 .............

صح لسانك ولاهنت على الأبيات الجزلة ................


واستلم هذي الأبيات :....................

أي والله نبكي شيخنا عالي الشأن

ياعل عين(ن) مابكت للتعازير

دموعنا مانذرفها الا بوقت الأحزان

هلت دموع الشعب مثل الشخاتير

محبته ماهي دعايات وإعلان

لأبو مبارك حب فاق التصاوير

مرحوم يارمز التواضع والإحسان

وياعبدالعزيز صح لسانك في الأشعار ...................

سلامة من تابع .....................


أختكم في الله :

@ حنين @

[عبدالعزيز 6]

صح لسااانج ولا هنتي


حزني بقلبي والمدامع سكيــــبه
وزاد المواجع غربتي والليالي

الكل يبكي بالقصــــــايد حبيبــه
وانا حروفي تبكي افراق غالي

الايام طالت والليــــــالي غريبـــه
والوقت يمضي بالرجا والسؤالي

يالي خذيت العلم مني تجيــــــــبه
انشدك عود يرتقي للمعالي

اللي علومه سفــرةٍ مــاتعيـــــــبه
امن الرجال اللي تضد الرجالي

هو عزوتي وقت الهموم الصعيبــه
هو لابتي في محنتي واتكالي

من عقب ربٍ ما لنا فيه ريـــــــــبه
ربٍ تعلاّ فوق عرشه وعالي

يـــاابوي وينك لا تزيد المصيبه
يكفي همومي زادها ضعف حالي

[@ حنين @]

صح بدنك ...............

صح لسانك ولاهنت على هالأبيات الطيبة ..............

لي عودة ان شاء الله مع الشعر بس خلني أرتب أفكاري ..................


أختك في الله :

@ حنين @

[عبدالعزيز 6]

صح بدنج

ان شاء الله اكون موجود


لارا قلمج الذهبي

[@ حنين @]

وهذي ختااااااااااامية .................

عقـب ما ذاع الخبر في وفاة ابن صباح

جــابر الأحمد تبلعمت عنده واعتـزيت

واشتحن حالي وضاقت به اوساع الفياح

بيـن أصدق ما حصل أو أكذب ما قريت !!!

في صفاة الطـيب والمجد علقت الوشاح

وفي جميع الأرض مديت وأرضيت وعطيت

يرحم الله شيخنا والبقيه فالصباح

والقصايد ما توفي قدر منهو عنيت ................

وسلامتكم ................


أختكم في الله :

@ حنين @

[عبدالعزيز 6]

صح لساانج وقلبج

يوم سمعت الخبر صرت مصدوم
بنبأ وفاة جابر أمير القلوب

وعيني تدمع دموعها بأول اليوم
رافعن ايدي ادعي لله مطلوب

يالله ترحم فقيدنا جابر المرحوم
وتدخله جناتك يا فراج الكروب

يا جابر الخير انت بالقلب دوم
تجري بشرايني ودخلت بالقلوب

بختامها صلوا على نبينا المختوم
نبينا محمد نبي الله المحبوب


وسلامتكم


اختي حنين اشكرج على ما قدمتيه

سعت بمجاراتج


احتراماتي لج

عبدالعزيز

[@ حنين @]

صح بدنك ..............

وصح لسانك ولاهنت على الأبيات الجزلة ...................

سعيدة جدااااااااا في هذي المحاورة الشعرية معك ...................

a3


أختك في الله :

@ حنين @

[راجيه الفرج]

]

فراقك جرح قلبي

رحل نبض الوفا " فجأه "

وفجأه! كل شي مهموم ؟

ومن وجع الخبر .. صارت تنكس نفسها الأعلام !!

رحل جابر ؟!!

رحل والليل يتساءل .. بعد هاليوم؟!

صباحك كيف يا بلاد .. شعبها كلهم " أيتـــام" ؟؟

[عبدالعزيز 6]

a7

هذي ااخر قصيده قبل سفري الذي لا اعلم الى متى

حبيت ان تكووون في المرحوووم والمغفور له باذن الله الشيخ جابر

مارحت ياجابر لو رحت ... مارحت

مثلك مثل فهد ولـو مـات باقـي


ياموق كف الدمع لاهنت ... لاهنـت

ما طف دمع العيـن نـار احتراقـي


ويافـرح يامسكيـن والله تيتـمـت

سنتيـن مالـك والولايـف تلاقـي


وياعيد مـن كـل المزايـا تجـردت

سنتين مالك طعـم والقلـب ضاقـي


وياصبر تكفى طالبك.. لو تكرمت

تعّـال خفـف ضيقتـي واختنـاقـي


زاد الحزن ياصبر وينك .. تأخرت ؟

كنت أحسبك ياصبر للضيق واقي


وثرك على فقـد النشامـا تضايقـت

مثلك مثل غيـرك حزيـن ٍ وشاقـي


ياحزن من سنتين وشبك تحمست

سنتين مرن وانـت للـروح ساقـي


كانك سكنت القلـب ياحـزن أيقنـت

ان الغـلا مامـات يـوم الفـراقـي


وياموت مهما خذت غالين ماخـذت

حب ٍ غدى فالقلـب راقـي وراقـي


ان كان من روح النشامـا تمكنـت

يبقى الغلا موجـود والحـب باقـي
******************

رحم الله من رحلا عنا ونحن في غاية الحاجه لهم

لا أملك الا ان اقول

(اللهم انا رضينا عنهم فأرضى عنهم)

اخوكم في الله

عبدالعزيز