[هوازن]

المشاركة الأصلية كتبت بواسطة الابتسام بسم الله الرحمن الرحيم ما أجمل البر والجلوس فيه، ففيه تسمو النفس وتجود القريحة و يصفو البال ويسكن الخاطر، مكان رائع اخيتي هوازن، لكن اسمحي لي ماجادت قريحتي بشي الا الصمت والهدوء. بارك الله فيك اخيتي ولا حرمت الاجر والمثوبة، بإذنه تعالى.

و ما أجمل مرورك غاليتي الابتسام ..

الصمتُ أبلغ من الكلام أحيانا .. لذا ما أروع ماجادت به نفسك

أسأل الله تعالى أن يجمعنا على الخير دوما .. آمين .

[جوري الشرقية]

هبت هبوب الشمال تطلب أهلها،،،

في جلست سمر و السَّمر حطبها،،،

نارٍ تشعل المفتون في لهايبها،،،

تجمع اقلوبٍ على الطيب منبعها،،،

هيضتنا هالصورة يا هوازن ،،، ينفع الكورنيش

ما شاء الله تبارك الله ،،، دائماً إطلالتك رائعة ،،، أدام الله تألقكِ

[الفنان التشكيلي]

الله عليك هوازن
من قريت موضوعك حنيت للبر ودقيت لطمه
ولبست الطفيليه وانا اكتب لك
ذكرتني بخوالي
طبعا خوالي بدو عايشين في البر يشدون وينزلون ما يعرفون من المدن الا اساميها عندهم حلال ونووق وكل ما نزلوا قريب من الرياض رحت لهم قعت لي اسبوع اسبوعين غيرت جو وجددت النشاط وفرمت مخي
من نصبح الفجر نقوم نروح للوايت نتوضى نلقى عمود ثلج من البرد نازل من البزبوز نعبي التوانك ونحطها على جال الضو ونتوظى منها ونصلي الفجر همن نلقى الصبيان مجهزين القهوه والتمر نتقهوى
والحريم يجهزون القرص بالعسل والسمن بعد الفطور نروح للذود والغريب انهم يمشون حلفين اغلب الوقت وانا المسكين لابس شراب وجزمه الله يكرمكم وكل شوي اطلع الشوك من رجلي
طول اليوم وانا على هذا الحال
اللي بقوله علشان ما اطول عليكم
حياتهم يا زينها من حياه ما عندهم مشاغل الدنيا ولا عندهم سهم سابك ارتفع ولا سهم اللجين نزل طول يومه عباده وملاحق النياق
وسوالف وسعد صدر ووناسه وقصيد وتعرفون البدو دكاتره في التعليق على بعض ويالله من فضلك

ويسمون الانتر نت
عتر نت

[هوازن]

المشاركة الأصلية كتبت بواسطة fateh السلام عليكم ورحمة الله وبركاته يسرنا تلبية دعوة أختنا العزيزة هوازن.. وكم أتمنى أن تكون واقعا .. أجتمع فيه مع أخواتى فى الله العزيزات على نفسى .. أختى هوازن .. بارك الله لك وفيك.. دائما لك لمساتك الإبداعية الطبيعة ومناظر الطبيعة والتأمل فيها هى مستراح النفس الباحثة عن الصفاء والهدوء والسكينة وأنس يجمعها بخالق هذه الطبيعة.. أشكرك أختى هوازن جزيل الشكر على هذه الدعوة اللطيفة وكم تمنيت أن تكون حقيقة بصحبتكم.. أختك فتح

وعليكم السلام ورحمة الله وبركاتك ..

هلابك أختي الغالية .. فتح

نوتِ و شرفتِ الخيمة والموضوع ..

معك حق غاليتي .. ليتها حقيقة !!

نسأل الله تعالى أن يجمعنا في جنات الفردوس أجمعين .. فهي خير وأبقى .

[هوازن]

المشاركة الأصلية كتبت بواسطة من زمرة المتقين هلا فيك ياهوازن .. ويا أختي جينا نقضي الإجازة عندك ولالقينا من يضيفنا .. فـ دخيل الله لانبي هرفي معلق تسلخه هوازن .. ولا نبيها تنتف لنا ريش الحمام .. ولا ... ولا .. والهقوة إن اللي تود القطاوة ماوراها إلا الكابيتشينو .. مهب كذا .. والمهم .. أكرمك الله على كل حال .. والحين بهزع على أقسامي أشوف شغلي .. ولامن جت إجازة الربيع ربّعنا عندك .

هلابك يا غالية ..

أفااا .. مالقيتيني !!!!

أنا هنا وانا اختك .. مبتلشة - على رايك - بقطوتي !!









ومهما انشغلت برجعلكم و أكمل معكم بعون الله .. و بيحضر واجبكم

الذباااايح بتزهب لكم ..

لكن شكلك مستعجلة .. يمكن الصيد شدك .. و القنص ناداك ..







لا صدتِ .. تكفين احسبي لقطوتي حمامة .. من ايدينك غير !!

و للربيع فرج ورحمة .. انتظرك بجلسة غير طعم .

نورتِ الخيمة غاليتي .. من زمرة المتقين .

[شموخ الأمل]

السلام عليكم ورحمة الله
أسعد الله أيامك هوازن
طمنيني أخبار البر معاكم .. كيف الأجواء الشتوية ؟؟

شوفي هوازن صحيح أني جايه متأخرة
لكـن أكيـــد أريد السلاح المعلق بالخيمـــة >> تحب الرمايـة
مو للصيــد بس رزة سلاح مو أكثر
من فترة ما طلعت ارمي .. وشفت سلاحكم معلق اتحسفت عليــه
هاااا شرايك بتعطيني وإلا ..........

شرايك بالألوان

[الطير]

والله يا هوازن أنا من شفت هالخيمة ما خطر ببالي الا هالأبيات:


ياما حلا الفنجال مع سيحة البال

في مجلس ما فيه نفس ثقيله

هذا ولد عم وهذا ولد خال

وهذا رفيق ما لقينا مثيله ..

[هوازن]

المشاركة الأصلية كتبت بواسطة جوري الشرقية هبت هبوب الشمال تطلب أهلها،،، في جلست سمر و السَّمر حطبها،،، نارٍ تشعل المفتون في لهايبها،،، تجمع اقلوبٍ على الطيب منبعها،،، هيضتنا هالصورة يا هوازن ،،، ينفع الكورنيش ما شاء الله تبارك الله ،،، دائماً إطلالتك رائعة ،،، أدام الله تألقكِ

الله على الشرقية وريحة بحرهـا

هب الشوق يابنتها لليلها وسمرها

وعلى الشط يحلى مدها وجزرها

ذوقك ياجوري ذكرني بقمرهـا



نورتِ الموضوع بطلتكِ الرائعة غاليتي جوري الشرقية .. وينفع الكورنيش ومالنا عنه غنى .

[هوازن]

المشاركة الأصلية كتبت بواسطة الفنان التشكيلي الله عليك هوازن من قريت موضوعك حنيت للبر ودقيت لطمه ولبست الطفيليه وانا اكتب لك ذكرتني بخوالي طبعا خوالي بدو عايشين في البر يشدون وينزلون ما يعرفون من المدن الا اساميها عندهم حلال ونووق وكل ما نزلوا قريب من الرياض رحت لهم قعت لي اسبوع اسبوعين غيرت جو وجددت النشاط وفرمت مخي من نصبح الفجر نقوم نروح للوايت نتوضى نلقى عمود ثلج من البرد نازل من البزبوز نعبي التوانك ونحطها على جال الضو ونتوظى منها ونصلي الفجر همن نلقى الصبيان مجهزين القهوه والتمر نتقهوى والحريم يجهزون القرص بالعسل والسمن بعد الفطور نروح للذود والغريب انهم يمشون حلفين اغلب الوقت وانا المسكين لابس شراب وجزمه الله يكرمكم وكل شوي اطلع الشوك من رجلي طول اليوم وانا على هذا الحال اللي بقوله علشان ما اطول عليكم حياتهم يا زينها من حياه ما عندهم مشاغل الدنيا ولا عندهم سهم سابك ارتفع ولا سهم اللجين نزل طول يومه عباده وملاحق النياق وسوالف وسعد صدر ووناسه وقصيد وتعرفون البدو دكاتره في التعليق على بعض ويالله من فضلك ويسمون الانتر نت عتر نت

ماشاء الله على حضورك المميّز أخي الكريم .. الفنان التشكيلي

و وصفك بديع .. خليت الصورة متحرّكة في نظر القارئ ..

أسعدني مرورك .. وحيّاك الله .

[هوازن]

المشاركة الأصلية كتبت بواسطة شموخ الأمل السلام عليكم ورحمة الله أسعد الله أيامك هوازن طمنيني أخبار البر معاكم .. كيف الأجواء الشتوية ؟؟ شوفي هوازن صحيح أني جايه متأخرة لكـن أكيـــد أريد السلاح المعلق بالخيمـــة >> تحب الرمايـة مو للصيــد بس رزة سلاح مو أكثر من فترة ما طلعت ارمي .. وشفت سلاحكم معلق اتحسفت عليــه هاااا شرايك بتعطيني وإلا .......... شرايك بالألوان

يا زين المرور ويازين الألوان ..

وعليكم السلام ورحمة الله وبركاته

والله وانا اختك للحين الشتا ما جانا بقوة .. توه للحين رجل ورا ورجل قدام ..

شموخ ... الحين ما اعجبك في كل الخيمة إلا السلاح ؟!!

مالقيتي ترزين عمرك إلا بالسلاح !!!!

على كل حال على حسابك الخيمة وما فيها .. الظاهر بترافقين زمرة المتقين للصيد وتخلوني بلحالي !!!

مو مشكلة .. المهم يستانس ضيوفي و كلن يستمتع بوقته على طريقته ..

وياهلابك ياشموخ زاد نور الخيمة بحضورك غاليتي .