[مي العصيمي]

نواعم وش فيك ليش قهرتك

وما عاش من قهرك

لاني لاني كنت شاكه فيها ولازم اتاكد تيب انتي لو مكاني وش بتسوين ؟؟؟

[خلود ام جود]

الله يعينك ياأختي أنتي سوي اللي عليك وأنصحيها مره أخيره وقولي لها قصص عن المعاكسات أو أهدي لها شريط يتكلم عن أخطار المعاكسات والماسنجروغيره وذكريها بمستقبلها وبأهلها لو صار شي لاسمح الله وش بيكون فيهم وأصبري عليها شوي وأذا ماتغيرت نصيحه أتركيها وأقطعي العلاقه لكن أستمري بالدعاء لها في ظهر الغيب وأنتي سويتي اللي عليك والله يهديها ويهدي الجميع

[رسمتكـ حلمـ حايلي]

الله يعين الجميع ..
انصحيها واعطيها مهله ..
بعدين لازم تقولين لأهلها..

[نواعم 14]

المشاركة الأصلية كتبت بواسطة مي العصيمي نواعم وش فيك ليش قهرتك

المشاركة الأصلية كتبت بواسطة مي العصيمي وما عاش من قهرك لاني لاني كنت شاكه فيها ولازم اتاكد تيب انتي لو مكاني وش بتسوين ؟؟؟

لو كنت مكانك ... وفعلا كنت مكانك
مريت بنفس الشعور والظروف بل أعظم من مشكلتك
أول شي حبيت أعرف الحقيقة
وبنفس الوقت ما أبي أغضب ربي لذا فكرة التجسس شلتها من راسي نهائي
وبعدين صرت مفتحه عيوني واذاني كنت عارفة انها في يوم من الايام راح يزل لسانها بكلمة تدينها او بمكالمه او بتصرفات غير طبيعية من غير ما اتدخل
ودعيت الله انه يعيني ما ابي اظلمها وبنفس الوقت ما ابي مصاحبتها اذا ثبت انها كذا
والحمد لله رأيتها بأم عيني وهي تكلم
فنصحتها وطبعا كنت بموقف قوي وهي بموقف ضعيف لانها ما تقدر تنكر شي
ثم تركتها للأبد
الله يوفقك

بهذه الطريقة تخرجين من حياتها وانتي غير ندمانه

اما من نصحك تخبري أهلها فأقولك مرة ثانية استري على ما ستر الله

وعلى فكرة صديقتك تعلم ان ما تفعله حرام وانه سيودي بها الى التهلكة والفضيحه ولكن هواها يملي لها ما تفعل فتطيعه ...
لذا ان اردتي نصحها ادخلي من باب هي غافلة عنه
باب ان الله يمهل ولا يهمل
اذكري لها نهاية كل من مشى بهذا الطريق

[ام البراء*]

عزيزتي الله يعينك صعب الموقف انا مع اختي ام ولد وبنت لازم تخبري امك وبعدين تحكي معها عشان تتوب ولو مانفع خبري امها
وخافي على نفسك كلنا ولايا الله يستر على جميع المسلمات
وانا مو مع نواعم 14 ابداااااااااا
لانها كان ممكن تجرك وراها ولا يجيكي مشاكل منها بدون علم منك وانت بحسن نية واثقة فيها
واستغفري عن تجسسك عليها وادعيلها كثير وحاولي تبعدي عنها

[ذكريات الطفوله]

اذا كانت من النوع اللين اللي يخاف من التهديد وش بيصير من هالعلاقات انصحيها
اما إذا كانت عنيده وراسها يابس
نصيحتي اتركيها لان راح تجرك معها او تتورطين بمشاكلها
الله يهديها

[قطراات الندى]

مـــي الغاليـــة //

الله يبارك فيك ولا يحرمك الأجر

خذي هالنصيحة وهي نصيحة سيد البشر

عليه أفضل السلام ,,

لا تكوني شديدة فتكسري ولا تكوني لينة فتعصري ,,

تصرفك إلى ألحين صح ومااشية تماام ’,,

ورجــاءاً لا تتركينها أبداً خليك حذرة منها ومن فترة لفترة

إتصلي وتطمني عليها ولا تسألينها أبداً عن علاقتها بالشااب

وهيا مع الأيام بتفقد سؤالك وبتنحرج من نفسها وبتصير تحبك

وتفضفض لك وإن شاء الله مع الأيام بتتوب وترجع لرشدها ,,

وخليك حبوبة عندها ولا تهدديها مثل ماقالوا الأخواات >> ترى العناد

والقوة عمرها ما تنفع ,,

صديقتي مرتااحة لك ولأمانتك >> فليش إنتي تخربي على نفسك

وتهربي صديقتك منك ,,

خليك حكيمة وكلميها بود وحب وبين فترة وفترة زوريها وإنتبهي ليكون

في شـــاب وتصرف أهلها بك ( إستغفر الله من الظن السئ >> لكن الحذر واجب )

وكمان أحكي لها عن قصة بنت تورطت مع شاااب مع كل زيارة تحكي لها >>

وبرضوا أهدي لها كتااب عن >> التائبااات من المعاكسااات ,,

الله يبارك فيك ويهدي صديقتك يا رب ,,

ولك تحيـــاااتي //

قطــراات الــنـــدى ..

ممكن سؤال لو تكرمتي

_ إنتي من الرياااض وتخرجتي من

مدرسة التحفيظ الخامسة ,,

شكيت إنك زميلتي ..

* . *

[أمة اللـه]

شوفي اختي الكريمة

لابغيتي تنصحينها .. لاتنصحينها بعصبية وصراخ

انصحيها بهدوء .. حسسيها انج فعلا خايفة عليها

وانتبهي اختي انج تتأثرين فيها وتجرج معاها

بما إن عندج نت دوري في النت عن محاضرات عن هالموضوع

ترا المحاضرات فيها قصص واقعية مأساوية

خليها تسمع لها وتتأثر بها وتتعض

ولاتهملينها من ناحيية الدعاء

دايما ادعي ربج انه يهديها ويبعدها عن هالطريج

اللي ما راح تكون نهايته إلا مخزية

[المنهر]

الله يعطيك العافيه اختي مي ,راي ان تنصحينها مره اخيره وتذكرينها باالله ومن ترك شيء لله عوضه
ويكون كلامك لين وقوليلها راح تخربين سمعت اهلك وشرفك
واقنيعها ان هاؤلاء الشباب مستحيل اجي واحد ويدق باب اهلها ويطلبها لانهم كذابين بس يبي يوهمها انه يحبهاوبيتزوجها واذا جاء الصدق مافي شيء بيقول مدامها كلمتني اكيد انها كلمت قبلي ناس كثيرين
وبعدها خلي علاقتك معها جدا سطحيه وحاولي تتجنبينها عشان ماتأذيك ولاتنسبن الدعاء لها
الله يسر لك امرك ويكتب اجرك....

[اللهم انت ربي]

أتركيها أحسن هالاشكال ينخاف منها

وأدعي لها بالهدايه