[قلم الخواطر]

والله لو انا بدالك اسويها لأني أعاني من نفس المشكلة بس اهلي ماهم راضين
استخيري وتوكلي على ربنا والخيرة في مايختاره الله وإذا شفتي انه في عراقيل ومعوقات في طريقك بطلي واذا تيسرلك الامر سيري
وربنا يوفقك .
بس حابه اعرف في اي مستشفى بيعملو ا عمليات التجميل يعني ايش هو افضل مستشفى
وكم يوم نجلس في المستشفى
وأقل تكلفه للعملية بكم ومين افضل استشاري يعمل العمليات
لو اي وحده تعرف تجاوب
والله يوفقكم
وشكرا على الموضوع الطيب

[نـاظِـره]

أطرحي إستفسارك على أحد الفقهاء المعروفين
بصراحة تغريني عمليات التجميل بس إلى حد معقول بس خايفة من ربي
وفي نفس الوقت تخوف
بس دائما أقول اللهم صغرني في عيني وكبرني في أعين الناس
اللهم ارزقنا القناعة وأعنا على طاعتك وإبعدنا عما يغضبك
ومن ترك شيئا لله عوضه الله خيراً
الله يكتب لك الخيرة أختي ويرزقك بما يسرك

[ريييييم]

اقتنعتي دحين طيب الله يوفقك وتقومي بالسلامه وما تنسين طمنيني عليك انا متابعه موضوعك اذا قررتي تسوي العمليه عطينا خبر ودعواتي لك

[الورود الناعسه]

استخيري والخيره فيما اختار الله

والله يوفقك ياعسل

[سُـــــــــــرى]

استفتي الفقهاء في أمرك غاليتي، وأدعو الله لك بالخيرة والتيسير

[الحااان]

موفق بإذن الله ... لك مني أجمل تحية .

[عيون علياء]

المشاركة الأصلية كتبت بواسطة قلم الخواطر والله لو انا بدالك اسويها لأني أعاني من نفس المشكلة بس اهلي ماهم راضين استخيري وتوكلي على ربنا والخيرة في مايختاره الله وإذا شفتي انه في عراقيل ومعوقات في طريقك بطلي واذا تيسرلك الامر سيري وربنا يوفقك . بس حابه اعرف في اي مستشفى بيعملو ا عمليات التجميل يعني ايش هو افضل مستشفى وكم يوم نجلس في المستشفى وأقل تكلفه للعملية بكم ومين افضل استشاري يعمل العمليات لو اي وحده تعرف تجاوب والله يوفقكم وشكرا على الموضوع الطيب

اولا اشكركم جميعا على مروركم والله اجاباتكم ريحتني تسلمون جميعا....مادامكم متابعين لحالتي انا بأقولكم بالتفصيل طبعا انا من جده والسالفه بدأت من زمان وانا اعاني عشان كدا لما قررت اسوي عمليه رحت مستشفى الملك فهد بجده وكشف عليه الدكتور لكن وقتها قالي انا ما اعمل عمليات تجميل ولااغير بخلقة الله ,لكن اعمل عمليات تصحيح او ادا كان عند الشخص مشاكل تنفس,,فسبحان الله شوفو كيف القدر انا جيت اعمل تجميل للأنف من الخارج وهو رفض لكن بعد الكشف اكتشف ان عندي انحراف في الحاجز الانفي عشان كدا التنفس صعب,,, فشوفو عظمة الله سبحانه انا جايه اتجمل واحل عقدتي ولكن طلع ان عندي مشكله اهم وهي ضيق التنفس,, المهم وقتها قرر عمليه اليوم الثاني طبعا ببلاش بدون فلوس لان المستشفى حكومي وطبعا مو تجميل من الخارج بل تصحيح من الداخل,,بعدين سويتها وكمان وضع لي غضروف في الانف وقالي حاولي لمدة اسبوعين ماتسجدي على الارض وتضغطي على الانف ولكن صلي واسجدي لكن مثل صلاة المريض يعني بس اثني للسجودفقط,المهم بعد الاسبوعين بصراحه اشتقت للسجود على الارض في صلاتي وصرت اسجد وطبعا تعرفون ان من مواضع السجود الانف وانا من النوع اللي اطول في السجود,,فطبعا اللي صار انه مع كثرت السجود انحرف الغضروف وصار مايل على الانف يعني ولا كأني عملت عمليه,,وآخر شي قلت يابنت مالك إلا عملية تجميل تصحح كل العيوب وهدا اللي صار رحت عند عيادات الدكتور بشاره البزره للتجميل بجده وطبعا كشفت عليه الدكتوره زي ماقلتلكم وقالت لي احنا عمليات التجميل تتفاوت في الاسعار عندنا على حسب حالة الشخص يعني في 9000 وفي 10000 و12 و14 لكن لانك انتي عامله عمليه سابقه فاشله يعني سعرك غالي 15000 لاننا حنعمل تجميل وتصحيح لعمليه سابقه,,طبعا انا ماقررت اروح للعياده هادي إلا بعد ماشفت النتائج على بعض اللي عملوها من جماعتنا وكانت ناجحه ميه في المئه يعني طلعو يجننو ولا كان فيها اي نوع من المبالغه,,آه نسيت اقولكم لما كشفت عليه الدكتوره قالتلي كيف حيكون انفي بعد العمليه لانها صورتني وحطت الصوره على الكمبيوتر وعدلوها وقالو هادا قبل وبعد,وانا قلت لها انا ابغى عمليه لتحسين الانف مو تشويهه يعني ماابغى بعد العمليه اكتشف ان انفي طلع نفس انف مايكل جاكسون, ابغى شي يناسب وجهي قالت لاتخافي احنا مركزنا مشهور ودكتور التجميل بشاره البزره مشهور عالميا...وها انا اجمع المبلغ عشان اسوي العمليه وارتاح مع العلم اني جمعت 10000 ريال وكان قبل يمكن اسبوعين في اكتتابات في شركات تأمين وكان بإمكاني اكتتب لكن الحمدلله ما اكتتبت لأنها تأمين ويقولو انها حرام عشان كدا قلت والله ما احط فلوسي في شي حرام عشان تكثر وبعدين ربي مايبارك لي في العمليه واتشوه عشان كدا خليتها على ربي بالتساهيل ,,اللي خلاني اجمع 10000 يخليني بإدن الله اجمع الباقي....دعواتكم وطبعا راح اوافيكم بالتطورات الجايه....(عبود سليم طش ام طش ,,,آسفه اقصد محدثتكم وبالاصح كاتبتكم عيون علياء ,من داخل منتديات الدكتور فهد العصيمي,جده .....)

[خلووووود الخالد]

: عزيزتي الله يكتب لك الخير لكن صدقيني ما أعتقد معاناتك بسبب أنفك لكن بسبب نظرتك او بالأصح نظرة الآخرين لأنفك ! فأصبح هاجس لديك وأن الآخرين ينظرون اليك من خلال أنفك لا من خلال محاسنك الأخرى وروحك ! انا لا أقول لاتعملي العملية إن كانت مباحة وتريحك فلا حرج وإذا كان أنفك سبب معاناتك فلا يعني أن من أنفها جميل هو سبب سعادتها وسبحان الله لا أدري كل من عملت عمليات تجميل يتضح بها شيء غير طبيعي وهذا نراه في كثير من الممثلات ..! ووالله العافية هي الجمال الحقيقي ! انفي والحمدلله شكلا جميل ، ومع ذلك أعاني داخليا من جفاف في الأنف والجيوب الأنفية مما يتسبب لي بصدآآآآآآع رهيب لا يطااااق !وهو معاناة حقيقية والله مع اني استخدمت كثير من الأدوية لكن سبحان الله . أخبرك بهذا لأنه قد يكون أنفك مقبول او حتى جميل ومع ذلك تعانين !!!! فالجمال الحقيقي هو جمال تمتعك بروح راضية و وواثقة . لكن يبدو أنك مستعده ومقتنعه للذلك ادعو لك بالتوفيق والسلامة ولكن ان لم يحصل او تأخر فلا تجعليه سبب معاناتك . حفظك الله :

[سُـــــــــــرى]

الله يوفقك أختي وأهم شيء زي ماقالت أختي خلود العافية والصحة
أنا لدي أنف جميل ولله الحمد لكني أعاني مشاكل بالتنفس
النفس والهواء الذي لانعيش بدونه أنا أتنفسه بصعوبة !
احمدي الله على العافية وأسأليه دائماً الشكر عليها فلله الحمد في الأولى والآخرة وأسأله لك التوفيق والتيسير ...

[نبع الوفاء1]

غاليتي اهم شي أستفتي شيخ في هذا الشيئ

وأستخيري

أسال الله لك سعادة الدارين