[Nesma32]

معليش بنات ترى صرت اطلع بدون ما اسجل خروج عشان كذا تفكرون اني موجوده ^ ^

[شيخة قحطان]

المشاركة الأصلية كتبت بواسطة زينة الحلوة شوفي يالقلبي أمس وأنا أصلي تذكرت شغله تسبب هالشغلات محد يعرفها إلا طب العرب وكنتي على بالي طول الليل طبعا خواتي السعوديات يعرفونه وهو له إسمين إللي أعرفهم ( الفكك أي الفجج أو الفري) يكون بالراس يقسون الراس ويشفونه كم سانتي مفتوح ويجبرونه بصبخه هذا أولا ثانيا في شي إسمه مشع يكون في المعده مايعرفونه الأطباء هذا يكون مثل عرج ناقز هم يعرفونه مجرد مايعالجونك بلحظتها سبحان الله تروح الأعراض وعوار الراس وتنفتح شهيتكوتخف اللوعه

السـلآم عليكم معليش أختي على التدخل بس أنا تجيني نفس أعراضها أذا ممكن يالغاليه تدليني على وحده تعالج بس تكون ثقه ياليت ياقلبي لأني تعبت ماأكل شيء ألا تلوع كبدي وأحس بشبع فظيع وعوآر في الرآس ,,
أذا ممكن يالغآليه .. وأكون شآكره لك ولكل من يرد علي ..

[حنان العالم]

وش اقرا وش اخلي
اقسم بالله جدتي تزوجت قبل كم سنة وعمرها 50 سنه
واحسن مني ومنك

[زينة الحلوة]

المشاركة الأصلية كتبت بواسطة شيخة قحطان السـلآم عليكم معليش أختي على التدخل بس أنا تجيني نفس أعراضها أذا ممكن يالغاليه تدليني على وحده تعالج بس تكون ثقه ياليت ياقلبي لأني تعبت ماأكل شيء ألا تلوع كبدي وأحس بشبع فظيع وعوآر في الرآس ,, أذا ممكن يالغآليه .. وأكون شآكره لك ولكل من يرد علي ..

وعليكم السلام ورحمة الله وبركاته
والله ياأختي ماأعرف أحد لأأني أنا مو سعوديه
بس إسألي الحريم الكبار وهم يعرفون
الله يرفع عنك يارب

[مارية2000]

.......................................

ربي اني لما أنزلت إليّ من خيرٍ فقير ..

[وسن11]

المشاركة الأصلية كتبت بواسطة مارية2000 آآآه يا بنااات .. اليوم صديقاتي نغزوني بالكلام .. كلامهم كان يقول اني ناحستهم و ناحسة الغرفة بوجودي فيها .. تدرون ليش ؟؟! لأني بكل بساطة و بدون ذنب عاااااااانس و كلهم متزوجات رديت البيت .. تمت اختي تنغزني بالكلام .. و تقول ان المطلقة أهون من العانس .. و ان العانس وضعها جدًا صعب .. و المجتمع يرفضها .. و تلومني ليش ما أقبل الأصغر مني حتى لو بست او سبع او عشر سنوات !! و الله اني ياسّة أصيح و دموعي على خدي .. محّد حاس فيني و لا حد يحترم مشاعري .. انزين أنا شو ذنبي ؟ شو أقدر أسوّي و ما سوّيت ؟؟ و الله العظيم حتى خادم كنت بتزوجه ،، حتى مكتب خطابة كان عندي استعداد أسجّل فيه .. بس عشان أهلي ما يتفشّلون من عنوستي .. بسوّي أي شي الا اني أتزوج ياهل أصغر عني .. ما أقدر مابا و الله صعب علييه .. لا حول و لا قوة الا بالله .. يارب أموت و افتك من هالعذاب .. و الله ان الموت أرحملي .. *

يا حياتي ياقلبي علييييك قولي الحمد الله انك بعافيتك وصحتك ماعليك من كلام احد هذا مو ذنبنا ان نصيبنا تاخر هذه حكمه ربك ياقلبي الناس تبي تتكلم من اليوم لباكر حتى لو تزوجتي
ماراح يسكتون لان الناس ماعندهم شغله الا قيل والقال اما الاهل للاسف مايعرفون هذا الشي يكسر البنت من الداخل المفروض هم الي يخلونه واثقه من نفسها ويرفعون معنوياتها ما يكون هم والزمن عليها بس يا اختي صدقيني رحمه الله اكبر من كل شي ماتدرين بغمضت عين يبدل الله من حال الى حال مالنا الا الصبر ولا تنسين ان الله مع الصابرين ودائما كرري قول (ولسوف يعطيك ربك فترضى ) خليك واثقه من كرم ربك ورحمته عليك ماتضيق الا لتفرج
اسال الله الحي القيوم الواحد الاحد الفرد الصمد الذي تجلت رحمته في جميع مخلوقاته والذي رزق مريم بعيسى من غير زوجوبشر زكريا بيحيا اساله برحمته وعظمته ان يكرمك الزوج الصالح الطيب الحنون العازب الهين اللين اللي يخاف الله فيك ويعوضك عن ايام الحرمان وان يجعل حياتك يارب من اجمل التوقعات وان يكرمك بالحياه الكريمه التي كانت بين امنا عائشه رضي الله عنها ونبينا محمد صلى الله عليه وسلم في المحبه والود والموده وحسن المعامله ويفرح قلبك قريب يارب بخبر خطوبتك وتفرحينا معاك يارب ويرزقك ذريه طيبه تقر عينك يا رحمن
يارب اعطها ولا تحرمها وييسر امورها المتعسره يارب قل لـ امنياتها كوني فتحقق باذنك

[وسن11]

السلام عليكم ورحمة الله وبركاته

مساء الخير على الجميع اخباركم

[مارية2000]

المشاركة الأصلية كتبت بواسطة وسن11 يا حياتي ياقلبي علييييك قولي الحمد الله انك بعافيتك وصحتك ماعليك من كلام احد هذا مو ذنبنا ان نصيبنا تاخر هذه حكمه ربك ياقلبي الناس تبي تتكلم من اليوم لباكر حتى لو تزوجتي ماراح يسكتون لان الناس ماعندهم شغله الا قيل والقال اما الاهل للاسف مايعرفون هذا الشي يكسر البنت من الداخل المفروض هم الي يخلونه واثقه من نفسها ويرفعون معنوياتها ما يكون هم والزمن عليها بس يا اختي صدقيني رحمه الله اكبر من كل شي ماتدرين بغمضت عين يبدل الله من حال الى حال مالنا الا الصبر ولا تنسين ان الله مع الصابرين ودائما كرري قول (ولسوف يعطيك ربك فترضى ) خليك واثقه من كرم ربك ورحمته عليك ماتضيق الا لتفرج اسال الله الحي القيوم الواحد الاحد الفرد الصمد الذي تجلت رحمته في جميع مخلوقاته والذي رزق مريم بعيسى من غير زوجوبشر زكريا بيحيا اساله برحمته وعظمته ان يكرمك الزوج الصالح الطيب الحنون العازب الهين اللين اللي يخاف الله فيك ويعوضك عن ايام الحرمان وان يجعل حياتك يارب من اجمل التوقعات وان يكرمك بالحياه الكريمه التي كانت بين امنا عائشه رضي الله عنها ونبينا محمد صلى الله عليه وسلم في المحبه والود والموده وحسن المعامله ويفرح قلبك قريب يارب بخبر خطوبتك وتفرحينا معاك يارب ويرزقك ذريه طيبه تقر عينك يا رحمن يارب اعطها ولا تحرمها وييسر امورها المتعسره يارب قل لـ امنياتها كوني فتحقق باذنك

لا اله الا الله .. مشكورة اخت وسن على دعواتج الطيبة ..

يختي اللي يستويلي من دوس لمشاعري و مقابلة احساني لهم بالاساءة و الاهانة شي مب طبيعي ..

أنا لو كنت انسانة مب زينة أو أخلاقي سيئة أو أتعامل مع غيري بعدم احترام .. بقولج أستاهل اللي اييني منهم ..
لكن بالعكس .. أنا أحب كل الناس و الحمد لله مافي قلبي شي و أعاملهم بكل احترام و ادب و حب و احاسب على كلامي عسب ما أجرح حد .. و مكافأتي انهم يجرحوني و يهينوني بكل وقاحة ..!

شو أكثر من انهم يكرمونج في الطابور و يعطونج هدية فقط لأنج عانس ..! >> بذمتج .. هذا تكريم و الا تحطيم ؟؟؟!
الهدية بفرها في الزبالة .. ماباها .. لأني بكل بساطة ما أقبل هدية شفقة من حد *

أستغفر الله العظيم .. ياارب سامحني ..

دعواتج لي بظهر الغيب .. و الله يرزقني و يرزقج و يرزق جميع بنات المنتدى بالأزواج الصالحين عاجلًا غير آجل يااارب .

[ربيع الحلم]

السلام عليكم ورحمة الله وبركاته

كيفكم

[شيخة قحطان]

المشاركة الأصلية كتبت بواسطة زينة الحلوة وعليكم السلام ورحمة الله وبركاته والله ياأختي ماأعرف أحد لأأني أنا مو سعوديه بس إسألي الحريم الكبار وهم يعرفون الله يرفع عنك يارب

المشكـله مآعندي آحد كبير أعرفه جدآتي الله يرحمــهن أبغى وحـده معروفه ,,
مش مهم شكرآ على ردك يآقمر ...