[ورد الريـاض]

المشاركة الأصلية كتبت بواسطة خلوووود الخالد / ‏ ذا منتدانا كلنا تحت ظِلّه.. يا ما تفيينا ظلاله و نغليه. به ذكريات و كل مافيه كلّه يشدّنا نرجع و نحيي لياليه لا ما نضيّع دربه اللي ندلّه مفتوح بابه لو نغيب و نخليه نرجع نِحِـنْ و عمرنا ما نمّله عهدٍ علينا بين غالي و غاليه. ‏ 🌿** 🌿** 🌿 / .

الله عليك ياخوختي ،، حبيت الأبيات 😍 أقوى لايـك ❤


..

[خلوووود الخالد]

المشاركة الأصلية كتبت بواسطة ورد الريـاض الله عليك ياخوختي ،، حبيت الأبيات 😍 أقوى لايـك ❤ ..

/
‏🌹🌹🌹

محبتك عندي عن الناس تَفْرِقٰ
يا ورد ياللي عطرك الورد فوّاح

صداقتك ماهي بروقٍ وتَبْرِق
ثم يتلاشى برقها عقب ما لاح !!

الا صداقة روح في روح تغرق
في بحرها اللي ما تلاعب به رياح

وجهك على دنياي بالنور يشرق
و يضحك لوجهي كل ما شفته ارتاح

لون الغرق في فن ( بيكاسو ) ازرق
و انتِ البياض اللي به المعتم انزاح.

خلوووود الخالد

🕊️🕊️🕊️🕊️

.

[الحالم 1]

للـصـبـح لـذه فـي عـيـون العـصـافـيـر
.. لالاذت اجنحها هبايب مع النور

غرد بلحنه في نخيل و غيادير
.. والماي غارق من لحن سيد النور

مايلت طرقا من عنان المضامير
.. مهرة ترف حمت على حم مجرور

غرتها مالت في ثنينُ محاذير
.. اذنين شالو للمعاليق مزهور

سلهامه يهز الرموش المسايير
.. ولنبض قلبً هزها اول الفور

تحن الارض لضربها بالمحافير
.. لاهزت اكتاف ولعب ذيل مذيور

طاح السحاب لخطوها له عواثير
.. واخضر غصنً شافه الرمش مفتور









\

[ورد الريـاض]

المشاركة الأصلية كتبت بواسطة خلوووود الخالد / ‏🌹🌹🌹 محبتك عندي عن الناس تَفْرِقٰ يا ورد ياللي عطرك الورد فوّاح صداقتك ماهي بروقٍ وتَبْرِق ثم يتلاشى برقها عقب ما لاح !! الا صداقة روح في روح تغرق في بحرها اللي ما تلاعب به رياح وجهك على دنياي بالنور يشرق و يضحك لوجهي كل ما شفته ارتاح لون الغرق في فن ( بيكاسو ) ازرق و انتِ البياض اللي به المعتم انزاح. 🕊🕊🕊🕊 .

الا صداقة روح في روح تغرق
في بحرها اللي ما تلاعب به رياح
:
يسلم قلبك واحساسك ياخلود ، شعور عميق متبادل ..

🌷

[خلوووود الخالد]

/

فوق الجدار اللي بقت به مسامير :
لوحة غروب و ظل شجرة مع طيور

علقت صوتي للمسا و المسايير
اللي بكوا من وحشة الدرب و الدور

الصمت حارس و المسافة دياجير
و العابرين ظلال في صحصح النور

لوحّت للغيمة على صفحة البير
و رَد الظما دلوه وهو خالي شعور !!

خلوووود الخالد

//

.

[الحالم 1]

برقً من المنشا وانا اشوفه ابرق
.. هز السواكن رعدها وارجف الساح

عذب السحايب تجمع الليل تفرق
.. ظلما تراكم مزنها باازرق وشاح

بيتين تمطر في بحرها وتغرق
.. يادلو فيها من ثنياه طفاح

بين الحنايا جال للصبح يشرق
.. قطر الندى صبحك على خد تفاح









\

[هدى وهداية]

‏العمر بالتجربة ماهو بزود السنين
‏وش فايدة عمره اللي مامعه تجربة
‏
يمكن يفيدك صغير السن عقله رزين
‏والعود يمكن يضيع الحق لا مر به

تفنى الليالي ويتعلم معاها الفطين
الجاهل يعدها والعاقل تدربه

اللي سلا راح فيها لاسفل السافلين
واللي رقا من عيون الغيم بتشربه

حتى ولو عذربوبه معشر التايهين
هو فوق مايسمع اللي تحت لاعذربه

قدامه الجدي يتمرجح على الفرقدين
والشهب تضرب ف راس ابليس ماتضربه

والحزن باب من الاقدار له درفتين
مهما تسكر تجيك الريح وتسربه

اللي رضا بالقدر يصمد مع الصامدين
وحزام صبره ف وجه المعضله يكربه

واللي رضخ للحزن بيضل عمره حزين
لو يسمع إيقاع ابو رايش فلا يطربه

[غيوم ممطره]

‌‎ما كان هجراً و لا كِبراً و ليس أذى
أستغفر الله هل أقوى فأؤذيكِ؟

كانت ظُروفاً ثِقالاً لو علِمتِ بها
تبكي عليّ كما أبكي و أُبكيكِ.

[خلوووود الخالد]

المشاركة الأصلية كتبت بواسطة الحالم 1 برقً من المنشا وانا اشوفه ابرق .. هز السواكن رعدها وارجف الساح عذب السحايب تجمع الليل تفرق .. ظلما تراكم مزنها باازرق وشاح بيتين تمطر في بحرها وتغرق .. يادلو فيها من ثنياه طفاح بين الحنايا جال للصبح يشرق .. قطر الندى صبحك على خد تفاح \

//

عذب السحايب تجمع الليل تفرق
.. ظلما تراكم مزنها باازرق وشاح


أبيات توشحَت بالجزالة والقوة في الوصف و الرصف.
صح لسانك.
مشاركات قيّمة تثري منتدى الشعر

//

.

[الحالم 1]

المشاركة الأصلية كتبت بواسطة خلوووود الخالد // عذب السحايب تجمع الليل تفرق .. ظلما تراكم مزنها باازرق وشاح أبيات توشحَت بالجزالة والقوة في الوصف و الرصف. صح لسانك. مشاركات قيّمة تثري منتدى الشعر // .

صح قليبك
بعض من كلك وقليل مما عندك @>>-