[غيوم ممطره]

العمر يسلب من الدنيا مزاياها
رغباتي تقل كل ما زادت سنيني !

اشياء .. يا كثرها كنت اتمناها
الحين ماعاد تسوى شي في عيني.

[الحالم 1]

مانيب يم الشعر يالشاعر الشعبي
.. يابتوع مش عارف ايه وشي مااعرفه

لاتستفز القصيد ولا ترفع بي
.. الشعر ماهوب مهنه لجل تحترفه

وانا من الناس ياسهلي وياصعبي
.. بحر تشوفه ولاتقدر على غرفه

مسكون بالشعر من راسي ليا كعبي
.. والشعر ملكي وكل الناس معترفه




...

[الحالم 1]

غباء الاشياء انها اشياء ماهمتك
.. مقدار قيمة جمال الشي رغبتك فيه











..

[الحالم 1]

خذ كل شي وعطاني خنجرًٍ من جفاه
.. توغلت في ضلوعي قفلتين وشبر

لو ما استباح العيون اللي بكت في رجاه
.. ما ضاق صدر الرياض وضاق صدر الخبر

أنا دخيلً على ربي وانا في حجاه
.. من كسرة الخاطر اللي لا انكسر ما جبر




..

[خلوووود الخالد]

لو للسحايب ياطويل الهدب سوق
شريت لك برقٍ رهيف وسحابة

هتانها ياصاحبي لو هطل فوق
اخْضّرت اطراف السما من عتابه..!


الصقر نايف .

[الحالم 1]

لو للقلوب اسواق بايع وسوام ..
.. ماابدلك وان جيتني ماشريتك

يفطر عليك القلب وان فارقك صام ..
.. والله لوانك شوك سدره كليتك

من صعب وصلك ما تهنيتك احلام ..
.. وان جابتك فزيت شوق ومحيتك

كن العيون من النظر عقبك ايتام ..
.. وكني ماريت الا انت من يوم ريتك


ابن فطيس محمد



..

[غيوم ممطره]

القلوب آسرار والدنيـا عـبر
والعمر لو طال تاليه الرحيل

والخواطر كسرها ماله جبر
لو يعيد الوقت ماضيه الجميل.

[الحالم 1]

شرط ان تشوفك فيه منتب حواليه
.. ويمكن تشوف ديار واماكن رعاه

وبتشوف جرحً فيه سكين راعيه
.. راح ونسى السكين والجرح ينخاه

وبتشوف حصنً عجب الاقدار سافيه
.. وبتشوف باقي بيت راعيه خلاه

لاتنزعج هذا هو القلب وباقيه
.. ولاتضايق من تصدع زواياه

الحلم ياتيني بزولك واراعيه
.. وفي كل حلم اقوم قبل اتحفاه


..

[خلوووود الخالد]

‏‏يومن أنه أقبل خدين الروح يومنه
وأقبلت اراعيه والقومه هي القومه

عفري هنف للضلوع وجالهن حنه
وأستانست له فياض القلب ورجومه

لبى جبينه لا أرتج الغطا كنه
برق يصب الرفيف بكبد ديمومه

ما أقول شفته وشفت البيض يتلنه
أقول شفته وشفت الشمس منجومه

مساعد الرشيدي

[خلوووود الخالد]

المشاركة الأصلية كتبت بواسطة الحالم 1 خذ كل شي وعطاني خنجرًٍ من جفاه .. توغلت في ضلوعي قفلتين وشبر لو ما استباح العيون اللي بكت في رجاه .. ما ضاق صدر الرياض وضاق صدر الخبر أنا دخيلً على ربي وانا في حجاه .. من كسرة الخاطر اللي لا انكسر ما جبر ..

أبيات موسومة بالجزالة، و انتقاءات تدل على ذاكرة شعرية غزيرة، و ذائقة فنيٍة و نقدية عالية الرهافة و الحساسية. و بديهة أدبية حاضرة.


هذا القسم يحتاج مثل هذا الحضور و التفاعل الكثيف نوعًا قبل كًمًا.
و نتمنى أن يكون مرآة فنية عاكسة لماهية المنتدى الجمالية التي ترتقي به.
فالأدب و الشعر انعكاس للروح و الجوهر و الجمال.