[حامد نوار]

صلّب على وجه المنافق مرتين

من شان يرجع في مكانه للوحل

كنز المراجل من كنوز الطيبين

الطيب قمة والردا ممشا سهـل

[حامد نوار]

ماله محل مع الرجال الفاهمين
لوغاب محدٍ عنه بغيابه سـأل
من فضل ربي للمراجل كاسبين
عن عالي القمه علمنا مانـزل

[حامد نوار]

الحق مايبغـى شهـادة شاهديـن
مثل البدر نص الشهر لامـا كمـل
الارض خصبة وازرعوا خوخا وتين
واللي يمـد الطيبـه ياخـذ دبـل

[حامد نوار]

اليا شهدتوا حق منتم خاسرين
الخاسر اللي بالشهاده ماعـدل
البذره الزينه تسـر الزارعيـن
من طلعها تجني على قول المثل

[حامد نوار]

اخذها نصيحة صادقة يا عزيز القـدر
عـداة الشريعـة يافتـى لا تواليهـا
وبعض المجالس مالها حل غير الهجر
حذاري تغرَك من فخامة مراكيهـا !!
ولا من تحدَاك الزمن بالظروف الكثر
تصَبر .. وروحك لا تكبَـر بلاويهـا
يضيع البنادم لا يأس في دروب العسر
وما فيه غير الياس الآنفس يدهويهـا
تحيزم بصبرك يافتى الجود لين اليسر
تجيبه سنين الصبر لو شاب راضيهـا

[حامد نوار]

سبحـان ربٍ يبعـث الحـي لامــات
ويدري عن اللي عامله في حياته
وسبحان ربٍ نطلبـه كـل الأوقـات
اللـي فـرج للعـبـد لحـظـة نجـاتـه
فـي لحظـةٍ فيهـا جميـع العلامـات
منها الرجل يبدي ويكتب وصاتـه
ماهي بلى ساعه ولاهي بساعـات
والمشكلـه لاقيـل مـن ويـن جاتـه
قلـه بعـد ماصـار يـقـرا التحـيـات
غصبٍ عليه أنها ولا أكمل صلاته

[حامد نوار]

كل العرب فالرخا عشره على عشره
كلً يقول الوفا عندي وانا الوافي"

ولاجاء نهار الشدايد ضاعت العشره
راحت علوم الوفا ارباع وانصافي"

[سجودقلب]

جزيت خيرا.. كثير
طرحت طرحا ..مثير
هناك شئ ...كثير
اسرار بين ..السطور

والحمد لله قلبـــي
ما يحمل الا البياض

[سجودقلب]

ما أحسن الصبر في الدنيا وأجمله
عند الإله وانجـاه مـن الجـزع
من شد بالصبر كفا عند مؤلمـة
ألوت يداه بحبـل غيـر منقطـع

[حامد نوار]

بعض البشر مثل النجوم المراهيش
انوارهم تزهي بالافراح بشه
افكارهم ري العقول المعاطيش
في الدين والدنيا للاخيار هشه
وبعض البشر عقله من التبن والخيش
لوزان شكله داخل الراس عشه