[حامد نوار]

الكريم يتعذر من وجيه الكرام
واللئيم يتمادى لأن طبعه لئيم

ماتشع النجوم الا يموت الظلام
شع يانجمي العالي وشق العتيم

[حامد نوار]

إن القُلوبَ إذا طَوَت أَسرارَها
أَبدَت لَكَ الَأسرارَ مِنها الَأوجُهُ

[حامد نوار]

‏كل ما نشوف اللي تكبر علي الغير
نلقى التواضع من صفاة الرجوله

ترى التواضع من صفاة المناعير
ولا العفن يكبر علي عفون حوله

[حامد نوار]

لا صار قلبك مثل وضع الفنادق
تستقبل الضيفان من باب الإعجاب
ابشر برشاش وعشرة بنادق
مقتول و التهمه منافق و كذاب

[حامد نوار]

الآدمي تكشف مع الوقت خافيـه
ويبين لك طيب الرجل من خماله
لا طالت الخوه ظهر كل ما فيـه
وعرفت دقه وقتها مـن جلالـه
أما طلع خويـك اللـي تخاويـه
والا سمحت وقلت مالي ومالـه
وأنا أقول لطيـب الفعـل لبيـه
واشوم عن راع الردى والنذالـه
الطيّب أشفق له وأحبه وأراعيـه
وافخر بعرفه كل ما جـا مجالـه
وأما الردي والنذل والله ما صافيه
سلالة يـا شينهـا مـن سلالـه

[حامد نوار]

وبيـض الليالـي ترفـع القـصـر وبـنـاه
ولايــنــفــع الـمـحــتــاج مــــــد الـبـخـيــلــي


وسـود الليالـي تقطـع الحـبـل ورشــاه
جــــرفٍ هــيــال ولا تــحــب الجـمـيـلـي


ومـــن طــــاح للـرجـلـيـن كــــلٍ تــوطــاه
والـنــاس مـاتـرحـم ضـعـيـف وهـبـيـلـي


ولا الـــبـــشـــركـــلٍ يــــمــــدلــــك يــــمــــنـــــاه
لاصــار يبـغـا مــن وراهـــا حصـيـلـي

[حامد نوار]

تنبت على كفوف الكريم السنابل ٠٠
وتموت في كف الردي مـدّة الطيب ..!
قل للذي لا مـــد ، يبغـى مـقـابل ٠٠
مالك لوا .. والجوع مايذبح الذيب ...!

[حامد نوار]

كل ما ضاقت مساليك الحياه
مالقيت اطيب من علاج السجود

يالله اجعلني من اصحاب الصلاه
قبل تجعلني من أصحاب اللحود

[حامد نوار]

عسى الله يعين اللي عليه الهموم وفود
ترزم على صدره وضحكته تغشاها

كفيلٍ بها من يقسم الجود بالموجود
وقال اصبروا والعبد يجهل خفاياها

[حامد نوار]

للقمة العليا على الدنيا شروط
يلقى بها الفاشل على نفسه حرج
لاكثروا اعدائك فلا ترضى بالسقوط
اصنع من العدوان ل القمة درج