[حامد نوار]

لا جاك الرفيق اللي تحطه على يمناك
وشكى لك من همومٍ على القلب مندفعة


تجمّل معه تراه لولا الغلا ما جاك
هذا واجب الرفقة وذي حزة النفعة

[حامد نوار]

الغُربَه اللي وَسط الآغرآب / عآدي
و الغُربَه اللي بين نآسك أليمَه

[حامد نوار]

ثنتين خذها معك حكمه طول العمر
وصى عليها الحكيم لطيب مفعولها

لاتمدح العود لين يحط فوق الجمر
ولاتمدح الناس حتى تظهر فعولها"

[حامد نوار]

لا ترجّى الناس رجواهم مذله
ولا يهمونك ترى عمرك قصير
يفضحونك لا لقوا عليك زله
ويحسدونك لا دروا إنك بخير"

[حامد نوار]

يـاللي تـعصّب خل عنك الرذيله
هـذي رذيـله سنّـها جنـد الاشـرار
فيـه الأمـور اللي لفتـنـا دخـيـلـه
سـب وشتـايـم قـولـهم قـول فجّـار
كن العـقــول من التعصّب ثميله
فقد الوعي يجعل من الرجل جزّار
يجعل من عقـول الاوادم هبـيـله
ويـصيـر في كل الميـاديـن ثـرثـار
العـشـق للنـادي فـلا فيـه حيــلـه
بـس الأدب يبـقى لنا رمز وشعـار
والا مـديــحك بالأهل والقـبـيـلـه
يـبـقى حدود الدين لاتـشـعل النـار
الله خـلـقـنــا للامــور الجــميـلـه
لاجل العباده والفعل فعـل الاخيـار
نـطـلـب إلـه الكون جنّـه ظليــله
مـاي ولبن ومن الشهد سيل وانهار

[حامد نوار]

ترى التشكي للمخاليق يشــــــنـاك
يحط من قدرك ويفـرح مــعــاديـك

وكـثر التـشره يجعـل الناس تجـفاك
ولا عــاد تلـقى بيـنهـم من يخـاويك"

[حامد نوار]

ان خفت ضعف اخاف من ضعف [ الايمان ]
وان عفت حمل اعاف حمل [ الجمايل ]
ما اضمي على الساحل ولو كنت [ عطشان ]
لو مركبي تابوت والموج [ هايل ]
اغرق شهيد ارحم من اموت عطشان

[حامد نوار]

طق يامطر وآنزل على الأرض رحمة
وآشرح صدور اللي من الهم شابوا

ويارب مع كل دعوه ، وكل كلمه
تسقي ( قبور ) اللي عن العين غابوا"

[هديل35]

الله خلق لي نفس تسمو عن البوح
ماهيب اذا ضاقت من الهم باحت..!


بعض الجروح اتجي لك شوي وتروح
وبعض الجروح ان جات ماعاد راحت..!!

[هديل35]

كانت صغار بيوتنا بس السعه وسط الصدور
واليوم نسكن فـ السعه بصدور مافيها سعه