[حامد نوار]

واعظم صفات الرجال إن جات في دينها
الدين لاغاب بعده كل شيءٍ يغيب

[حامد نوار]

ليااجتمعت ثنتين حاجة وشيمـة راس
وهـذي تنزلنـي وهـذيـك ترفعـنـي

رفعت النظر والله عطاني نظر واحساس
وهي ميزه في كـل الاحـوال تنفعنـي

وانا لو بدت لي حاجة عندبعض النـاس
اريد الكـلام وعـزة النفـس تمنعنـي

[حامد نوار]

من لا اعتبرني ليا من جيت ما اعتبره
هاذي طبوعي وهاذي كلمة السانـي

جربت في الوقت لين اخذت لي خبره
من دور عوج السنين اللـي تحدانـي

[حامد نوار]

انا ليا ضاقت عليه تفرجت
يرزقني اللي ماتعدد فضايله
يرزقني رزاق الحيايا بحجرها
لاخايلت برق ولاهيب حايله

[حامد نوار]

الاجواد ون قاربتهم ماتملهم
والانذال ون قاربتهم عفت مابها
الاجواد ون قالوا حديث وفوا به
والانذال منطوق الحكايا اكذابها
الاجواد مثل العد من ورده ارتوى
والانذال لاتسقي ولاينسقا بها

[حامد نوار]

العشرة اللي ماتوثق على ساس
تطيح لو صارت حصون طويله
صبرت صبر صابني منه وسواس
صبر له النفس العزيزة ذليله
من يتبع المقفي مرده للافلاس
مثل الذي بالقيض يدفق صميله

[حامد نوار]

لا تشتري ميزان توزن به الناس
الناس ما ميزانهـا إلا الشدايـد
عند الشدايد كل مخلوق ينقـاس
وترجع الكفات لأهـل العوايـد

[مغروره وعنيده]

كنا بلا جنحان و اليوم طرنا
و أثر السماء يا صاحبي برد و غبار

ياما حلمنـا نكبر و من كبرنـا
صارت أعز أحلامنا نرجع صغار

[حامد نوار]

- مغنيني الله عـن غثـا الفزعة من كفوف البخيـل
......................ماني بحاجة .. دلة المنّـه .. ولا فنجـــــالها

- مانجبر اللي مايبـي الجلسـه و نفسـه بالرحيـل
...............نـاسٍ تعاف اوصالنا .. مانكتلف .. لوصــالها

[حامد نوار]

آلغنـآهـ الديـن وآلـعـز . . في طـول الـذرآع
.........................وآلكـرم ومجـآنب آللي على النـمه مـويـق