[حامد نوار]

ستين دقه بحسبة عقرب الساعه
تعني دقيقه بعلم الوقت وحسـابـه

لكنها عـام عنـد أشخـاص ملتاعـه
المغترب و الحزين و فاقد أحبابه

[حامد نوار]

غلات الانسان من مكنون أطباعه
ماهي من القرب ولا هي من المنظر

كم مبعد(ن) صورته بالعين لمـّـاعه
وكم من قريب(ن) كأنه شي لا يذكر

[حامد نوار]

بعض الرجال تبيض الوجه لاجات
وبعض الرجال يزيد غبنك بهمه
واللي عرفته من كثر هالكتابات
أحد ٍ يجي لأبوه وأحد على أمه

[حامد نوار]

‏الناس ماهي سوا فيما يكن الضمير
كلٍ يحاول يحقق مقصدٍ يقصده
أحدٍ ينوي بخير وفي مباديه خير
واحدٍ ياويلك لو إن العافيه في يده

[حامد نوار]

بعض العرب يسوى من الناس مليون
حطه على يمناك لاحتجت حــــاجه

وبعض العرب ودك تحطه بكرتون
وتكتب على الكرتون يوجد دجاجه

[حامد نوار]

يالله أنا طالبك من خير هالساعه
عطفك ولطفك وعن تقصيرنا ترضى


وتشرح لنا صدورنا بالذكر والطاعه
وان ترحم ألميتين وتشفي المرضى

[حامد نوار]

من طاب فعله شاع ذكره مع الناس
والا الردي ماله مع الناس طاري


بنك الردي معروف تاليه الافلاس
وبنك المراجل طول عمره تجاري

[حامد نوار]

يعيش هذا الدين وتموت الأقزام
وتحيا القلوب الطاهرات الجريحة


إن كان ما افخر باانتمائي للإسلام
يالله عســــاها ماتجــــود القريحة

[حامد نوار]

من ظلمة القبر ياربي تنجيني
في يوم ماينفع الا خير الاعمالي

ومادامني حي ياربي تعافيني
العافيه ماهي بتشرا باالاموالي

[حامد نوار]

أنا كذا من يوم ربي خلقني
اعشق ثقة نفسي واحب التواضع

متواضع / لكن، عزتي علمتني
لو يخضعون الناس ماني بخآضع