[صرخات انثى]

السلام عليكم ورحمه الله وبركاته

اناماادري من وين ابدا مشكلتي متزوجه من شهرين ونص وزوجي قبل الزواج كان انسان طيب وحنون ويحبني بجنووون وكان ينتظر الزواج بفارغ الصبر وتم الزواج بالرغم من المشاكل اللي مرينا فيها بس بعد الزواج تغير تغيير جذري في تعامله معاي صار قاسي ومايعجبه شي ابدا وصايرينام برى الغرفه لانه اذا نام جنبي حس بالم في اسفل الظهر وحراره واذا نام برى المكان اللي انافيه ماتجيه اي اعراض وصاير عصبي جدا ومايطيق يدي تجي على يده
وش مااسوي بالبيت مايعجبه كل شي موحلو ومومرتب وصاير حتى الاكل اللي اسويه مايعجبه بس جالسين بالبيت وصاير يبيني اروح لاهلي وانام عندهم يجيني باسلوب غير مباشر ولمارحت انام عند اهلي قلتله يومين وبس سوى من الحبه قبه وزعل وقال اجلسي ان شاء الله سنه والان لي شهر في بيت اهلي مايسأل عني ولايدري عني بالرغم انناتونا متزوجين ودايم كان يقولي انتي ماتثيرريني انتي مااحسك زوجه انتي زي اختي ودايم بكلامه يكرر كلمه اختي كثير وبعد مشكلته يسمع لامه كثير وامه ماتبيني يعني بس لانه هو يبيني وافقت ولاانا ماتحبني شخصيا
وبرضو فيه وحده من العايله كانت تبي تخطبني لولدها قالتلي بعد ماملكت على زوجي انو ترى بس بياخذك كذا وبيحط بالبيت مجرد تمثال لااكثر
وفعلا انافي بيتي مااحس ان لي وجود كل شي هو اللي يتحكم فيه حتى انه ماينام معاي ولاينام بالغرفه اللي انافيها الا يصحى تعباتن ومهدود حيله
وكان يحس بصعوبه في اتياني في بدايه الزواج وبعدها صار يتعب كثير وبطل من هذا الشي ويقول ان ظهره تعبان بس هو ينفر مني بشكل موطبيعي لدرجه انو يعصب ويتغير شكله اذا جت يدي على يده
اناتعبت من التفكير هل اللي هددتني هي مسويه سحر؟؟؟لاني بعد زواجي استمعت لرقيه ونمت وحلمت حلم وفسره لي الشيخ العصيمي انه سحر شربته او اكلته بس ربي نجاني منه
او هل السحر بزوجي لانه ماعاد يكن لي اي مشاعر مع انه بليله الزواج كان معاي انسان رومنسي جدا ولماصار الزواج(العرس)جاي انسان ثاني مااعرف ايش فيه ولاشي كان عصبي ومتنرفز من بعد ماتم فض البكاره صار يشك بعذريتي لانه كل مااتاني ينزل دم زي لمافضه اول مره وقلتله انامستعده اروح المستشفى ولماعصبت وقلتله بوصل الموضوع لاهلي هدا ونسى الموضوع كله
صاير ينتظر زله عشان الحق يصير معاه ويطلق وانا الصراحه ماعندي قدره على احتمال التغيير هذا ولااعيش بجو زي كذا يقولي انتي اناجايبك طبخ وغسيل وتنظيف وغير كذا مالك شي عندي
مع ان لي حقوق عليه ماينفذها ولايعطيني حتى مصروف
والهدايا اللي اجيبها له يقول لاهله انه هو اللي مشتريها
ودايم مطلعني بصوره موحلوه قدامهم انامااعرف ايش اسوي
بصراحه مره احترت اخاف اشكي لابوي واقوله السالفه ومايطلع فيه لاربط ولاشي وتكون تصرفاته من تاثير كلام امه بس انامااتوقع ان فيه رجال مايقدر يأتي زوجته الا اذا كان فيه شي قوي
وانا الحمدلله موناقصني شي بشهاده الجميع
ودايم يحاول يشككني بجمالي وبانوثتي واي شي اتكلم فيه مع امه ولااخته وامدحه فيه يجي من ثاني يوم هالشي متغير يغير اسللوبه باستمرار
مااعرف وش الموضوع بالظبط احترت كثير

بس ابي اعراض المربوط بشوف هالاعراض موجوده فيه ولالا او عطوني اي حل مره حالتي صعبه ومااعرف ايش اسوي حتى جلستي فبيت اهلي مشكله كل ماقلتله تعال يقول لا انا مشغول موفاضي
او مايرد لاعلى مكالمات ولا على رسايل ولا على شي
انا بجد احترت معاه كثير

انامادخلت بالتفاصيل كثير بس عطتكم رؤوس اقلام عن الوضع

ابي حل قبل لااخرب بيتي واسوي مشكله لاني احس اني اكرهه كثير ومااطيقه بالمره وناويه ع الطلاق باقرب فرصه بس اذا كان الوضع فيه سحر او مربوط اوعين بصبر واجري على الله سبحانه مايضيع حق احد
انتظر ردودكم باقرب فرصه
يارب تلقون لي حل

[ارض الحرمين]

اختى الله يعينك ويصبرك بس لازم تشرحين الوضع لاهلك
ولاتسكتين
الله واعلم بعطيك احتمالين
الاول احتمال فيه سحر اوعين والله اعلم
الثاني احتمال شخصيته ضعيفه عند امه وهي اللي توجهه حاولي تعرفي الاسباب من جميع النواحي حولي تطنشينه شوي
يمكن تعلقك فيه مره مو عاجبه

بس بالاخير لازم تشرحين الوضع لاهلك بس مو بتعصيب وتشكي كثير اشرحي بهدوء وان شاء الله تنحل مشاكلكم وتتوفقون

[أماني ثامر العنزي]

الله يعينك أختي أكثري من الدعاء والاستغفار وبتنحل المشكلة أن شاء الله .

[احلام السنين]

الله يفرج عليك يا اختي عليك بي الدعاء والصدقه

واذا كان تبي تعرفي انه سحر ورغم اني حاسه انه سحر لا ان عندنا محاضره في الجامعه
كانت عن السحر ذكرت ان في سحر التفرقه

يالغلا اقري البقره سبع ايام متواصله وشوفي الفرق اذا اتغير الوضع معانه سحر
والعلاج بي القران

والله يوفقك ويسخر لك زواجك

[صرخات انثى]

يعطيكم العافيه ع الردود بس لسه مالقيت الجواب الشافي
اتمنى موضوعي مايهمل لاني ماابغى المشاكل لاننا عايله وحده
ابي حل ابي اي شي ابي اعراض الربط عشان اشوف كلها فيه ولالا

[إلى القمه]

أسأل الله أن يصلح حالكــــــــم,,,
شكــــل بينكم سحــــر ,,, لأن مهما كان كره الأم والزوج يحب زوجته لا يمكن توصل لهذا الحد من الكراهيه والنفور ,,
أكثري من الاستغفار والدعاء,,واقرأي سورة البقره كل يوم لأن أخذها بركه وتركها حسره ولا تستطيعها البطله ,,, بوصية الحبيب لنا ,,,
أسأل الله أن يفرج همك..........

[صرخات انثى]

يعطيك العافيه بس كيف اتكلم لاهلي وربي استحي اتكلم وش اقول ابي احد يقولي كيف افاتح اهلي كيف افاتح اهله شلون بطريقه ماتجيب مشاكل

[دموع انسانه]

المشاركة الأصلية كتبت بواسطة صرخات انثى يعطيك العافيه بس كيف اتكلم لاهلي وربي استحي اتكلم وش اقول ابي احد يقولي كيف افاتح اهلي كيف افاتح اهله شلون بطريقه ماتجيب مشاكل

انا اقولك و على الله التكلان
اولاً : اجمعيهم الام و الاب و اشرحي ان زوجك تعبان فقط لا تقولي ما يبيني
و لا يحبني لالا لا تقولي كذا بس قولي زوجي تعبان و يحتاج الى رقية
ثانياً : اذا تبين تتأكدين انه مسحور روحي للعطار و اشتري [[ حلتيت ]]
بخري البيت ترى رائحتها تكرهها الجان اكيد بيسقط ع الارض اذا كان مسحور
او بيحصل له شي ضيقة نفس او بيزفر كثير
ثالثاً : اختي كل ابتلاء هو من الله سبحانه فسارعي بتوبة الى الله حافظي على صلاة الوتر آخر الليل و ادعي اللهم عافي زوجي من كل شيطان مريد و رده اللي رداً جميلا

[صرخات انثى]

يعطيك الف عافيه بس انا مو في بيتي الان ولااقدر ارجع كذا
وش الحل غير الحلتيت

[السبيعي123]

الجواب الشافي والله اعلم ::

1-يجب ان يعالج بالرقية الشرعية او انت تقرأين عليه كل يوم وتشوفين الاثار وتذكرينها في هذا الموقع المنتدى وان شاء الله مايقصرون معك المشرفين والدكتور فهد واستمري على ذلك 3 اسابيع وممكن تستخدمين وصفة الشيخ فهد بانتظام ودقة

2- اذا ماكان هناك تاثير او التاثيركان ضعيف فيجب ان يراجع دكتور نفسي او اخصائي نفسي ويشرح مشكلته للدكتور لان الموضوع قد يكون نفسيا فقط ويحتاج اعادة تاهيل للجنس عنده وجلسات علاج سلوكيه بدون الحاجة ابدا الى حبوب نفسية((هذا واقع كثير من الشباب اليوم المتزوجين حديثا))

اذا مانفع معه الحلين السابقين استخيري الله واطلب الطلاق فورا وبلا تردد والله يرزقك ويعوضك خيرا منه ’’’انتبهي واحذري من موضوع الانجاب في هذه الفترة((السنة الاولى))’’