[بوادر الخير]

السلام عليكم ورحمه الله وبركاته

بما اني ارتحت كثير للمنتدى واحس فيه ناس فاهمه وعاقله لاني نزلته في منتدى ثاني ومااحس اعطوني نصيحه صاحيه الا زادوا الطين بله
حبيت اطرح عليكم
مشكله صديقتي
وياليت فيه احد يقدر يعطيني حل ولو ماقدر ياليت يرد بدعوه تشرح الصدر

نخوووش في المشكله

صديقتي الله يصلحها كانت قبل سنتين مدمنه شات
وكانت شخصيتها ولد تقول ماتبغى الرجال يتكلمون معها والبنات في الشات مايبغون الا العيال
مستحيل يكلمون بنات { تبون الصراحه ماصدقتها ودخلت الشات اشوف اذا في بنت بتكلمني
والله ولا بنت عطتني وجهه كل الي عطوني وجهه عيال }
الموهم اهي صارت تصادق بنات وتضيفهم عندها بالمسن
وتتكلم معهم على انها ولد وطاح حظها بوحده الله لايبلانا مخفه ونشبه يالله لاتبلانا يارب
الموهم كل يوم سوالف على المسن
ويجلسون بالساعااااات وبعد فتره تبادلوا ارقام الجوالات
والبنت تبغى تسمع صوته تقوله كلمني وصديقتي صرفتها قالت انا حالف مااكلم بناات <<سوسه
والبنت صدقت وصارت تدق كل يوم والثاني وتجلس تبربر عليه وتقوله كلام والله قلة حياء ووقاحه
استحي اقوله هنااا والولد على الصااامت ولا كلمه حتى الضحكه يحبسها
واذا صديقتي مادخلت المسن ترسل له رسايل وينك حبيبي وحشتني
وترسل له ابيات شعريه غزليه
واذا جاء وقت الغداء ترسل له تغديت حبيبي كل زين وتغذا ترى قل الاكل مو زين لصحتك
وهكذا ..
وقوت العلاقه بينهم مررررره
والبنت المخدوعه مصدقه انه راح يخطبها ويتزوجها وكل يوم والثاني تقول متى نتزوج واذا تزوجنا نسوي كذا وكذا تخيلوا لدرجه صارت ترسله صور بنت اختها وصور ملابسها الداخليه وصورها بس تكون صورها مو واضحه مره
وصديقتي مأنبها ضميرها مررررره ومتحسفه وبالحسره قدرت اقنعها تقطع العلاقه معها
وقطعتها لمده تقريبا ثلاث شهور واول ماتركتها تكلمني وتصييييييييييح صياااح كان احد من اهلها ميت
ولا تاكل ولا تشرب ومقاطعه العالم واهلها للاسف مو دارين عنها
وبعد الانقطاع ابتعدت انا عنها بسبب الشهر الفضيل ماابغى اشغل عمري بغيرالعباده
اهي بهالفتره الي انقطعت فيها عن النت والتلفون اهي رجعت العلاقه مره ثانيه
وكل يوم انصحها بهالهداوه مانفع وحتى بالشده بعد مانفع
وتقول انتي ماتفهمين انا مااقدر اتركها احبها وتصرخ تقول احبها وارحمها وماابي اكسر خاطرها

والله انا متكدره علشانها وقلت لها اني راح اقطع علاقتي فيها لو ماتركت البنت في حالها
وبنفس الوقت ماابغى اتخلى عنها واهي بهذي الضروف
فنصيحتكم ومشورتكم وش رايكم في تصرفها اهو صح او غلط لانها تقول انها مو غلطانه
والله بداخلي كلام كثيرودي اقول بس كأني كثرت بربره
اشوف ردودكم ووجهه نضركم بهالموضوع

[ام خالد33]

بصراحه ما فهمت مرة تكتبين بصيغة المذكر ومرة بالمؤنث خليك واضحة عشان نقدر نساعدك
اعرف انك تتكلمين عن صديقتك وانها كانت مسويه نفسها ولد ودخلت المسنجر وتعرفت على بنات على اساس انها ولد وتعرفت على وحده نشبه زي ما تقولين وتقولين انها صرفتها وفي نفس الوقت تقولين ان الولد اي ولد
قصدك ان البنت النشبه هي ولد مو بنت ( الحقيقة ) ادعي لها بالهداية والامور هذي ما فيها مزح يجب فيها الحزم فعليك ابلاغ احد من اهلها ممن تثقين في ثباته وتصرفاته الر اشدة
والسلام عليكم

["*الكادي"*]

حاولي تردين صديقتك للحياه الواقعيه
وان الشات ليس حياه وصداقه
وبيني لها ربما تلك الفتاه غير صادقه او غير واضحه لانها لاتعرفها بالحقيقه فلربما تغشها وتخدعها وايضا انه لايجوز العلاقه غير السويه او المخالفه للفطره وان كانت مجرد محادثه وعبر النت
هذا مايحضرني لكن تعالي لها باللين وحاولي تشغليها عن التعلق بالنت والمسنجر
الصديق الصدوق من يقف مع صاحبه لايتركه واعانك الله وجعله في ميزان حسناتك

[بوادر الخير]

المشاركة الأصلية كتبت بواسطة ام خالد33 بصراحه ما فهمت مرة تكتبين بصيغة المذكر ومرة بالمؤنث خليك واضحة عشان نقدر نساعدك اعرف انك تتكلمين عن صديقتك وانها كانت مسويه نفسها ولد ودخلت المسنجر وتعرفت على بنات على اساس انها ولد وتعرفت على وحده نشبه زي ما تقولين وتقولين انها صرفتها وفي نفس الوقت تقولين ان الولد اي ولد قصدك ان البنت النشبه هي ولد مو بنت ( الحقيقة ) ادعي لها بالهداية والامور هذي ما فيها مزح يجب فيها الحزم فعليك ابلاغ احد من اهلها ممن تثقين في ثباته وتصرفاته الر اشدة والسلام عليكم

كنت حاسه ان كلامي مو واضح بس شسوي من الضيقه ماني عارفه وش اكتب ووشلون اوصل المشكله
كنت اقصد بالولد اهي صديقتي لان شخصيتها صايره شخصيه ولد لدرجه ان البنت الي تكلمها مصدقه وباصمه بالعشره انها ولد و مالاحظت على كلامها انها بنت
وقلت لصديقتي تلمح لها وتقولها (ان فيه وحده لعبت عليها بنت مثلها وسوت روحها ولد
وبعدين اعترفت لها انها بنت مو ولد فقالت صديقتي لها تخيلي اني بنت
) قالت البنت المخدوعه لالا انت مستحيل تكون بنت
هذي كيف تقدر صديقتي تتخلص منها
انا طفشت ومليت مالقيت حل

[بوادر الخير]

المشاركة الأصلية كتبت بواسطة "*الكادي"* حاولي تردين صديقتك للحياه الواقعيه وان الشات ليس حياه وصداقه وبيني لها ربما تلك الفتاه غير صادقه او غير واضحه لانها لاتعرفها بالحقيقه فلربما تغشها وتخدعها وايضا انه لايجوز العلاقه غير السويه او المخالفه للفطره وان كانت مجرد محادثه وعبر النت هذا مايحضرني لكن تعالي لها باللين وحاولي تشغليها عن التعلق بالنت والمسنجر الصديق الصدوق من يقف مع صاحبه لايتركه واعانك الله وجعله في ميزان حسناتك

والله انا مو هاين علي اخليها بهالوضع
بس شسوي مو راضيه تتركها وضروفي ماتسمح اني اكون معها طول الوقت
قلت لها تدخل دار تحفيظ تشغل وقتها والحمد الله دخلت التحفيظ
هي اليوم قالت انها تركتها وصارت البنت ترسل لها وينك ياحبيبي
ليه ماتدخل مسن انتظرك
وازعجت صديقتي بالرسايل وصديقتي متقطع قلبها ودها تقول لها انها بنت بس خايفه تدعي عليها
لان التلاعب بالمشاعر شي مو هيين
وشاكره لكم ردكم الله يسعد حياتكم يااارب
لاتنسونها من الدعوات ان الله يثبتها وتنسى هالبنت

[strange]

شوفي أختي أنا من رأي

إن صديقتك تقنع الأخت إنها راح تسافر وراح تتأخر سنتين أو 3

وتقنعها إنها تتقي الله وتشوف حياتها وإن إلي صار غلط

وخليها تغير رقم جوالها وتغير المسن بعد وخلاص

وكذه راح ترتاح

[بوادر الخير]

المشاركة الأصلية كتبت بواسطة strange شوفي أختي أنا من رأي إن صديقتك تقنع الأخت إنها راح تسافر وراح تتأخر سنتين أو 3 وتقنعها إنها تتقي الله وتشوف حياتها وإن إلي صار غلط وخليها تغير رقم جوالها وتغير المسن بعد وخلاص وكذه راح ترتاح

قد قلت لهاالكلام الي قلتي والله ماطاعت تقتنع تقول ان المخدوعه ماراح تصدق هالكلام
قلت لها بسوي روحي خوييك
واهي فعلا كانت دايمن تتكلم عني معها وتقول لها خويي المطوع ودائما ينصحني بس ماطاعت
مدري ليه اهي خايفه اني اكلمها
والله عجزت شاب شعر راسي منها اصييح دايمن بسببها ويتكدر خاطري واتنرفز كثير
والله ماخليت طريقه الا وقلت لها واهي تسدها في وجهي تقول لالا مايصلح وماهي مقتنعه
والله يصبرنييييييييييييييي
تكفووووووووووووووووووووون دعواتكم لاتنسوني واياها من الدعااااااااااااء تكفوووووووون
<<تصييييييييييييييييح

[الخيالة700]

السلام عليكم ورحمة الله وبركاته ........

نخش فيذا .........
أنها تقطع العلاقة فجأة صعبة عالبنت....................
أنها تكمل معها أصعب .....................
والموضوع بما انه كذبة يعني 100%لازم ينكشف
وانه ينكشف اليوم أحسن من بكرة ........فرضا البنت ترفض الخطاطيب عشان صديقتك..........
المهم أقول بوادر ماخطر على بالك تاخذين إيميلها وتدخلين معها جو وتقولين انه في وحدة تلعب وكذا ........
او تقولين انه في واحد يحبك((اقصد البنت))....... وتعطينها إيميل صديقتك عشان تتأكد أنه هو.......
يعني انك تقولين لها انها لعابه ومن ثم تتفقين معها انكم تقاطعونه وان اللي مثل كذا مالهم أمان و......
وعلى فكرة مش ضروري تدري صديقتك .....
(المفروض صديقتك تخاف من الله مش من دعاوي الناس)
وبعد المفروض انها ماتستقبل منها صور ........ولا صديقتك شكلها مصدقة انها ولد
والظاهر ان المشكلة في صديقتك
واذا كانت صديقتك تعرف اخبار البنت ممكن اذا جاها أحد تقولها هذا انا يالله وافقي ..............
مرة قريت قصة تشبه كذا .................
الله يصلح حالهم يارب ........

[ريماس محمد]

الصراحه الي تصير لك غلطانه بقوه لأنها تلعب بمشاعر الناس وبالأصل ليه تدخل الشات لأن الشات كله خراب مافيه شي زين
والبنت الي تعرفت عليها وحده ماتستحي على وجهها أستسلمت بسهوله وترسل صور أشياء مالها داعي
أنصحها انها تقطع العلاقه بها ولاتكلمها وتضغط على نفسها

[strange]

أختي أنا عندي حل آخر

أنا من رأي إنها تقطع علاقتها معها مثلا لشهر

وتغير جوالها

وبعد شهر

أحد يرسل رسالة للبنت تقول لها إن هذا الشخص توفي

أو إن صاحبتك تكون قوية وتعترف للبنت وتقلها

أنا وإنت كنا في خطأ ولازم نكون واضحين

وحتى بس تجبر البنت تقلها أنا مستعدة أقابلك

وسوي فيني إلي تبي يعني أضربيني أشتميني

أي شي بس حتى يرتاح ضميري

ومن رأي إنهم يضلوا أصحاب بس تبان الحقائق

وتتعاون هي وياها على الخير

وربي يهديهم جميعا