[سيدة الذوق]

إنتهينا !
زمن يضحك علينا!
لا بكينا
والوداع اللي دريت إنه نصيبي
يا حبيبي ..
مو بدينا
ما علينا
أدري ظروفك قوية يا حبيبي
يا حبيبي..
وأكثر اللي بفقده كلمة حبيبي
كانت شفاهك تهجاها علي كانت قصيده
مب جديده
بس ما مرت علينا...


الغدير
مصدر هدير الماء...نشف
الزفير
صوتي وأنا أتنفس ..وقف
وضاعت أنفاسي ما بين الريح
واللي صار
صرت قاسي

صرت أصب أحلامي الحلوة
بكاسي
وأكسره
صرت أخاف اتذكره
وقبل ميلاد الظروف اللي حصلت لك
بعت ناسي
صرت مثلك
صرت قاسي
ما أحس برقة القمرا.. وهي تضوي جبينك
أو احس برقة القمرا.. ولا أدري وينك
يا حبيبي
ظنك الدنيا تنسينا بعضنا؟!
لك معي بأكثر تفاصيلي ملامح
إمسح أبياتي من الدنيا
وأنا والله مسامح
من زمان
أتخيل إحساسي وانا اوعدك
راحل .. للحنين
لآخر حدود المدينة والسواحل
لسنين
اللي مثل جسمي وأنا ناحل
حبيبي .. يا حبيبي ...يا حبيبي
يا أعز إنسان يطغي وأنا
راضي عليه
ليه أحس إنك تحاول من زمان
وآخر أيامك قدرت
لين بان!!
نظرة الواقع بعينك
صورتي وآنا أدور عنك وينك ؟
قلي بس وش صار فينا
وين آثار البكا بخدودنا
وين حلفك لي
اذا طاري على الهجران على طاري
ما تصد!!!
تحكي أعذارك
انا والله مسامح
ما علينا
يمكن العشق القديم يظل فينا
أو يموت ليا بكينا
المهم
إنا انتهينا...
والزمن يضحك
على باقي حكينا
والوداع اللي دريت إنه
نصيبي
يا حبيبي مو بدينا ...