[بقلبي نار]

سلام عليكم ورحمة الله وبركاته..
اتيت الى هذا المنتدى بعد يأس وحاله نفسيه مؤلمه عساي ان اجد حلآ لمشكلتي ..

انا امرأه على عتبة الثلاثين اخطو..احب التفائل والمرح والنجاح والدخول بمشاريع تجاريه ناجحه والحمدلله..متزوجه ولدي 3 وردات جميلات انجبتهن خلال عشر سنوات من زواجي
..عشت حياتي سعيده جدآ رغم تدخلات ام زوجي المزعجه والمؤلمه جدآ والتي تكاد تطرحني بالمشفى من شدة الألم.. الا ان حبي لزوجي كان سلاح لي بأن انسى واتجنب كل ماحصل ويحصل..
كل هذا وقد كان قبل ستة اشهر من الان(سأكمل بالعاميه ليسهل علي سردها)
فكرت بمشروع ناجح والحمدلله شهد نجاحه على حياتي الاثر القوي من تحسن اوضاعي الماديه
ولكن لألأاسف هذا الشي اغضب اهل زوجي كثير وخلوني العدو لهم رغم والله اني كنت ادور رضاهم
الى ان بدى مشروعي في تدهور ونصحوني بقرأة سورة البقره لأبعاد ان كان هناك شي من الحسد
وفعلآ.....
ابتديت اقرأ سورة البقره و والله الذي لا اله الا اهو اني اشعلت نار لا اعرف مصدرها .
طردوني من البيت اللي كنت اسكن معهم فيه..ظلموني في شرفي ..تركو كل قرايبهم اللي يحبوني ولله الحمد و وصلت لدرجه ان طردو ابو زوجي من البيت اللي كان يحترمني وصبرررررت وطلعت وسكنت بعيد وضميت بناتي وزوجي وابو زوجي معي وكنت اضن اني عشت بخير..

واستمريت بالقرأه ويعلم الله اني كنت اتعب كثير بالقرأه وتحملت حتى لدرجة ان عملي تدهور والموظفات اللي فيه في تدهور ونفور من المكان..حزنت واستمريت بالقرأه الا ان صاااااااااااارت الطااااااامه الكبرى
زوجي يهتم فيني كثير ويحبني وكل كلمه حلوه منه اسمعها وهذا اللي مصبرني
زوجي انسان يخاف الله كثير ولسانه رطب ب ذكر الله ..
زوجي انسان محدود العلاقات ..زوجي من عمله الى مزرعته الى البيت...
ابد ابد ابــــــــــــــــــــدا والله ماضن والا اشك فيه الا ان جا يوم لاحضت اذا رن جواله يتهرب مني ..؟؟
وكنت احط الف عذر..
صار صامت ويخاف من زعلي كثير..صار اهتمامه فيني اكثر لدرجه دعتني احاول ابحث سر التغيير
بحثت بجواله وهو نايم طبعأ جواله ابو لمبه لا واتس ولاغيره
بحثت وولقيت له مكالمه لرقم ضل معه ساعتين ونص متواصله بالليل وقت عمله
انصدمت وحفظت الرقم وجسمي يرتعش
شنو بشوف ولا منو راح يرد علي...اتصلت واتصلت ومحد يرد
طلعت اسم الرقم من احد البرامج طلع لي اسم بنت
انتظرته حد مايصحى وسالته من صاحب الرقم هذا وارررررتبك وعلى طول زعل ليش احوس بجواله...؟؟ضقطت عليه والبدايه كذب علي واخرها اعتــــــــــــرف
بنــــــــــــت اتسلى معهـــــــــــــا
ماقدرت حتى اكتم دموعي ...ناضرته وبكى وبحراره انا اسف وسامحيني ....ااااساااااااااامح......؟؟؟!!!!
..زوجي كان سلاحي اللي اتحدى به وكسرني
انا عندي خير كثير وهو انسان متوسط الحال عمري ماحسسته بشي بل العكس اشتريت له اغلى الهدايا واحسن السيارات واحسن المدن اسفره لأني اعشقه وبجنون ويستااااااااااهل بنظري كان ...كنت اتمنى يبادلني الهدايا الا ان بخله يمنعه واعذره بألف عذر
رميت قلبي وجهزت شنطتي وضميت بناتي وبكيييييييييييت بحرقه وخااصه على بنتي الصغيره ..وتركت البيت وساااافرت والله ثم والله اني بالسياره مدري وين اروح..
ماكنت اتكلم لأهلي عن اي شي لزوجي ومخليته انسان كبير بعينهم من حبي له ويحترمونه...رحت لمنطقة اهلي لكن ماقدرت انزل عندهم رحت لأقرب صديقه عندي
وصلت على الليل وحاولت انام طبعآ ماقدرت..حاولت اتصل على البنت حد ما ازعجبتها ابي اعرف وش تبي من زوجي
ابي الاقي عذر اسامح فيه زوجي لخيانته لي
ابي اي شي المهم ارتاح
كلمتها وياريتني ماكلمتها بعد الحاح اعترفت لي انها نامت معه بالمزرعه يوم سألتها لييييييش ..؟؟قالت ترا زوجك يحبك جدآ بس انتي تعرفين الشيطان كيف يلعب بعقل الرجال وتراه معه جوال ثاني واغلب محادثتنا على الواتس...
انسانه غير محترمه ابدأ متزوجه وتنام مع اي رجال بمبالغ ..لكن مع زوجي كانت علاقة حب لألأاسف واتهت بما حرم الله وزوجي هو اللي رايح لها مو هي..
طعني وقتلني واستغفلني ودفن كل فرحه بحياتي
جا يراضيني بعد ما اتصلت عليه وحفلته يقول الصدق طلع كل كلام البنت صح
حاول يعتذر ويحلف لكن وييين وانا وين
انتهيت ودخلت المستشفى من الصدمه ومر 3 ايام ما انام الا بمهدئ
دمرني ودمر كل فرحه بحياتي ..حسيت اني كبرت الف سنه قدام
طلبت الطلاق وبعزم من كثر الوجع اللي صابني والله ماقدر وقتها حتى اتكلم بحرف
..انا انسانه احب واحترم ابو زوجي بشكل كبير سافر زوجي لي للمستفى وجاب ابوه معه نقطة ضعفي
.شفت ابوه وبكيت بحرقه وصار يمسح دموعي بشماغه ويقول امسحيها بوجهي يابنتي وربي مامنك قصور..طبعآ زوجي ماشفته لأني وقتها منهاره
...بعد اسبوع كلمت زوجي عشان البنات وانجبرت ارضى ارجع بشروط برضو عشان البنات
حلف لي انه راح يتغير
حلف انه راح يتوب حلف بكل شي كنت اتمناه منه راح يصير..ولأني اكتشفت اني حامل للاسف....
رجعت وحجزت لي معه لمكه بنية التوبه له وعشان قلبي يرتاح لأني انسانه امشي بروح ميته
كرهته كرهته كرهته بمعنى الكلمه كرهت اسمع صوته وحتى اني اشوف زوله تعبت اسأله يدور لي عذر لخيانته يحلف اني ماقصرت معه بشي ويحط عذره انه شيطان لعب عليه
لكن مهما قال وربي ما اصدقه ومرت 6 شهور وانا وربي ما انام الا بتعب والشك ذبحني وتعبانه كثير وعايشه حياتي بتقلبات مزاجيه وبكل لحضه اتذكر خيانته
واموت لاطلعت معه بمكان عام ونظراته للبنات اللي صارت تهلكني وتذكرني بكل شي...
رغم انه حلف لي ويناظر البنات....وينكر...


الان انسانه منتهيه مريضه اكره زوجي بشكل كبير وامثل عليه اني نسيت
تعبت افكر وش مخليني اصبر غير البنات تعبت من ظلم اهله
تعبت افكر ليش خاني وايش اللي ينقصني بعينه ؟؟وليش الدنيا انقلبت علي فوق تحت وليش صارت حياتي جحيم
وهل برجع انا لحياتي اعييييييييييييش...؟؟؟؟!!!!


اسفه من كل قلب على الاطاله لكن اتمنى الاقي جواب شافي

[البارقه 2009]

وعليكم السلام ورحمة الله وبركاته
اسئل الله أن يصلح حالكم إن مع العسر يسرا إن مع العسر يسرا
المؤمن يبتلى أحيانا اصبري واحتسبي
والتجئي الى الله في هذه الايام الفضيله بإن يبدل حالك واكثري من الصلاة والعباده
ليس لدي خلفيه كافيه لافيدك وأوجهك انصحك بأن تبحثي مثل هذه المواضيع للاستاذه الفاضله
( ا. عائشه الحكمي ) هذي الشخصيه الفريده أكن لها التقدير والاحترام رغم عدم معرفتي لشخصها الكريم أحب اقرأ لمواضيعها كثيرا لانها تقف على السطور لو يسمح ل
اعطيتك الرابط بالرغم أنه ليس منتدى أخشى أنه ممنوع أنت أبحثي لها اجابات جميله جدا ورائعه ومميزه دائما
بارك الله فيها وسددها

[نوف احمد]

الله يعينك ويصبرك

[راسيل الجزائر]

السلام عليكم ورحمة الله وبركاته انت حاولي تعرفي شيء لي خلاه يخونك وابدئي حياتك علاباك اختي راه الشيطان لي يتمسخر بيك باش تعيشي حيات تعب وشقاء انت ابدئي حياتك من جديد وادعي ربي ربي يسعدك ويالف قلوبكم اهم شيء انكما تصرحان بيعضكما وتعرفي الشيء لي خلاه يعمل كدا واعملي المستحيل لكسبه اولا هو جنتك وتاني حاجة اولادك فجاهدي فيهم ربي ان شاء الله يسعدك ويهنيك في دنيا واخرة وربي يهديه ويغفر له ويحقق لك ما تتمنين هو صعيبة الموقف بصح مع الوقت وتغير تنساي كل شيء المهم انت تسعي لكسبه باي طريقة وتحقق له ما يرغب في كل شيء يصير هو شبعان ما يبالي بنساء لا في العمل ولا في الشارع لانك ملئتي عينه ان شاء الله تكوني فهمتي قصدي وما تخلي الشيطان يدخل بيناتكم ويسرب اليالس لحياتك اختي العزيزة

[ادووولي]

حسبي الله ونعم الوكيل على كل خائن وخائنة للزوجية والمسؤولية
نفس حال اامي ولا نعلم ماذا نفعل
واهل ابي يصدقونه ويقفون مع اخيهم
واهل امي خذلوها ويكرهوها اصلا

لكن سلاح الدعاء اقووووووى ونرى رؤى تبشرنا بالنصر

الله يجبر بخاطرك وخاطرنا
ويكفر عنا خطايانا
ويربط ع قلوبنا
ويعوضنا دنيا واخره بكرمه وفضله

[lulu-jeddah]

اعانك الله اختي

[بقلبي نار]

الله يجزاكم الجنه ع كل حرف تكتبوه لمواساتي
بالصدفه اكتشفت ان فيه شخص بالمنتدى يشكي من خيانة زوجته لكنها والله اخف وارحم من نار خيانة زوجي وقرأت جميع ردود المشتركين واللي فيها احاول اطفي حرقتي وقهري
الحمدلله ع كل حال يارب ترحمني وتصبر قلبي

[فرقاطه]

والهمك الصبر

الحياه تفرض على الانسان ظروف

لا مجال الى ان يتقبلها ويحاول ضبط نفسه وتدارك الامر واصلاحه

و يكون ذلك باللجو الى الله اولا واخيرا

انتى والحمد لله طلعتي انسانه مؤمنه وعندك قدر ايماني بالله ما شاء الله استطعت فيه ان ترجعي الى زوجك

كل انسان مبتلى في حياته ويختلف الابتلاء من شخص الى شخص وعلى حسب درجاته الإيمانية

احمدي الله انك اكتشفتي الموضوع

واحمدي الله انها جائت على كذا ولم يتطور الامر

زوجك يحبك والحمد لله ودليل هذا جاء من خوفه وتغير في معاملته قبل ان تعرفي

واعتذاره لكي ومحاولته تدارك الامر وانقاذ موقفه وووعدك انه سيتغير

هناك من يتعمد الخيانه فقط عندا وتعنتا واستكبارا

لكن يبدو لي انه ضعف او انه احس بالاهمال

لا تغضبي من كلامي يا اختي انصحك فقط يجب ان نضع كل الاسباب

وعليك ان تكتشفي و تعرفي هذا الشي ليس بالقوه

بل بالملاحاظه وبالذكاء وكل شي بالتدرج حاولي ان تعرفي السبب

وعليه نبدا في الاصلاح

[بقلبي نار]

المشاركة الأصلية كتبت بواسطة فرقاطه والهمك الصبر الحياه تفرض على الانسان ظروف لا مجال الى ان يتقبلها ويحاول ضبط نفسه وتدارك الامر واصلاحه و يكون ذلك باللجو الى الله اولا واخيرا انتى والحمد لله طلعتي انسانه مؤمنه وعندك قدر ايماني بالله ما شاء الله استطعت فيه ان ترجعي الى زوجك كل انسان مبتلى في حياته ويختلف الابتلاء من شخص الى شخص وعلى حسب درجاته الإيمانية احمدي الله انك اكتشفتي الموضوع واحمدي الله انها جائت على كذا ولم يتطور الامر زوجك يحبك والحمد لله ودليل هذا جاء من خوفه وتغير في معاملته قبل ان تعرفي واعتذاره لكي ومحاولته تدارك الامر وانقاذ موقفه وووعدك انه سيتغير هناك من يتعمد الخيانه فقط عندا وتعنتا واستكبارا لكن يبدو لي انه ضعف او انه احس بالاهمال لا تغضبي من كلامي يا اختي انصحك فقط يجب ان نضع كل الاسباب وعليك ان تكتشفي و تعرفي هذا الشي ليس بالقوه بل بالملاحاظه وبالذكاء وكل شي بالتدرج حاولي ان تعرفي السبب وعليه نبدا في الاصلاح

الله يجزاك خير ع كل حرف كتبتيه حسيت به مدى اهتمامك...والحمدلله ع كل حال لكن انتي قلتي احمدي الله انها جائت على كذا ولم يتطور الحال..ِِ!!اشد من هذا التطور اللي زوجي وصل الى زنا فيها؟؟؟
اعتذر و وعدني انه سيتغير لكن مازال ينظر للبنات بشقف ...!!اين التغييير ..؟؟فأول الزنى نظره
فعلآ هو ضعف كثير وبكى كثير لحضة كشفي لخيانته ولكن طنت لي كانت اشد واقسى من اني ارحمه..ورغم هذا رحمت بناتي ورجمت قلبي ورجعت منهاره تعبانه كثير..
مستحيل يتكلم ويقول ايش السبب ..الا مره قالها انشفلتي عني واحس انه كذاب لأني كنت معه وقريبه...واماالمراقبه مازلت اراقب حتى اعرف سبب خيانته...
يارب لك الحمد والشكر كما ينبغي لجلال وجهك وعظيم سلطانك والحمدلله على كل حال وشاكره لك تفاعلك معي اثلج الله صدرك بطاعته ورضاه

[الطائر الأبيض]

السلام عليكم ورحمة الله و بركاته
اختي .. ادعيله بالهدايه .. و إلجئي لربك .. وحده بيده ملكوت كل شيء .. و استخيري الله و استغفريه و اذكريه كثيرا .. عسى الله يقدر لك ما هو الاصلح لك و لبيتك