[إني أخاف الله رب العآلمين]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
يشهد الله اني ما كتبت موضوعي في هاذا المنتدى الا لاني عارفه انكم ماراح تخذلوني بإذن الله فأنتم أخواني واخواتي في المنتدى مااريده منك سوى إستشاره فقط فلاتحرموني منها ولاتحرموا انفسكم الاجر العظيم فأنا في هم كبير وقلق ولا استطيع النوم من كثر التفكير وموضوعي هو كالتالي :

[إني أخاف الله رب العآلمين]

وهو اني مسجله في منتدى للوظائف وانا اتابع الوظائف في المنتدى بكل منطقه من اجل الحصول على وظيفه تناسبني وتناسب مؤهلاتي تفاجأت بيوم من الايام بشخص يرسل لي رساله خاصه مضمونهاهي كالتالي :
ماهي شهاداتك وماهي مؤهلاتك وماهي مهاراتك؟
فجاوبت على رسالته ويشهد الله اني ماتعديت حدودي معه وكل كلامي بارك الله فيك وجزاك الله خيرآ في البدايه كنت اظن انه مسؤل توظيف فلما سألته قال انا حالي حالك ابحث عن وظيفه لي ولكي فقلت جزاك الله خيرآ وكثر الله من امثالك اخي الفاضل ابحث عن نفسك وانا الله سوف يكتب رزقي وسوف ابحث فرد لي رساله فقال انا سوف ابحث لكي ولي في نفس الوقت وقال حديث الرسول عليه الصلاه والسلام حب لنفسك ماتحبيه لأخيك فصار يرسل لي روابط لمولقع توظيف لتقدم لهاذي الوظيفه ثم ارسل لي بريده الإلكتروني لكي ارسل سيرتي الذآتيه له حتى يقدمها في ملف لمكاتب التوظيف فقلت له لا جزاك الله خيرآ انا سوف ابحث لنفسي بارك الله بك ثم اصبح يرسل لي يسألني هل قدمت على وظيفه ام لا وارد عليه وكنت أسأله هل وجدت وظيفه بإذن الله فيرد علي لقد تقدمت لوظيفه فأسأل له التيسير في الامور فتفاجأت منه يسألني هل انا متزوجه ام لا ؟؟
فقلت لا لست متزوجه لماذا السؤال فرد علي بهاذا الجواب:
اسعد الله صباحك


سالت السوال
لانه انا حاب
املك وابي وحده تصبر معي سنتين او ثلاث وبعدها يكون الزواج
لانه ابى اكون نفسي شوي
وثاني شي كان حلم امي انها تشوفي وانا متزوج

وبصراحه ماابي امشي ورا الحرام
...
وصلى الله على محمد

فتفاجأت جدآ من طلبه...
فرديت عليه برساله طويله مضمونها اني لم اتعدى معه حدودي حتى يطلب مني هاذا الطلب ويشهد الله بأني لم افكر في زواج او منفعه شخصيه وكل رسائلي بخصوص الوظيفه فقط وطلبت منه ان يبحث من الاهل او الاقارب او اخوات اصحابه او يسأل امام مسجدوسوف يدله على فتاه خلوقه ومؤدبه ومحترمه تخاف الله في السر والعلن وتخاف الله في الحياة الزوجيه والحياة الاسريه وتمنت له الحياة السعيده وان يحقق الله مايتمناه ويكون خيرآ له في الدنيا والآخرة ..
فرد علي بهاذي الرساله :
الله يسعدك ويرزقك
بالعكس ماتعديتي بشي والعين ماتعلا على الحاجب فيك
الخير والبركه
وانا ماقلت لك اني ابى املك الا اني شفت فيك الخير والبركه
وبالنسبه لااهلي كلمتهم وقلت دورو لي وانا بدور

وحبيت اشوف هل بتقبلي فيني او لا
لااكثر ولا اقل وانا اخوك

واذا تعديت حدودي العذر والسموحه منك بس يعلم الله اني ودي بكل خير لك

واسف جدا اذا تسرعت بكلامي بس ماكنت ادري كيف اقولك قلت اقولك الي عندي واكون صادق معاك

وانتي استخيري الله واذا ارتحتي اعطيك رقم اختي ووتتفقون سوا واذا فيه نصيب الله بيكتبه لنا
والله ولي التوفيق.
هذا كل شئ ياشيخ وانا خائفه جدآ من هذا الامر لااريد إغضاب ربي لاني اخاف الله رب العالمييين ارجومنكم المشورة العاجله جزاكم الله خيرات الدنيا والاخرة اللهم آمييين ...

[إني أخاف الله رب العآلمين]

لا اله الا الله محمد رسول الله

[أٌميمه]

وعليكم السلام ورحمة الله وبركاته
استخيري اختي والله يكتب لك الي فيه خير ...
لا تستعجلي ابدا ...
انا عن نفسي اقولك لوصار لي كذا مراح اوافق ابدااااا لان هذي حياتك وفكري زين ...
واذا على الوظيفه والله شوفي ربي الي كاتبه لي هو الي فيه خير حتى لو ان شاء الله مااتوظفت مدري لو الوظيفه تكون شر لي وربي ماارادها
وحتى الزاواج لاتسعجلي فيه الله يرزقك ...
واحسبي اختي حساب لي اهلك واقاربك انا والله احكيلك شي واقعي حتى ماتندمي بعدين ...
لوكنت مكانك مراح ادخل نفس الموقع هذا ابدا حتى ماافتح على نفسي باب ...

وهذي نصيحتي لكي أختك طمووووح والله يرزقك بلي فيه خير لك ...

[إني أخاف الله رب العآلمين]

جزاك الله الجنه اختي وبارك الله فيك وكثر من أمثالك ردك أثلج صدري وشجعني أكثر الحمد الله والشكر لله ...

[نهـــــــــر الود]

وعليكم السلام ورحمة الله وبركاته ،
فرج الله همك اختي الكريمة ، سأعلق على موضوعك واتمنى ماتتضايقي من كلام اخت لكِ في الله :
عزيزتي هذا من كلامك عنه واضح انة يضحك عليك وتجرأ في كلامة فمن المفروض منك انتِ مافتحتي له المجال ورددتِ على رسائلة حتى وان كنتِ لم تتعدي حدودك
فقصدة التسلية من ذلك ويستدرجك حتى تتصلي على الرقم الذي ذكر انة لأختة ، نهائياً اختي لاتأخذي رقم منة ولاترسلي له اي رساله فإن فرضنا انة تم الزواج ستواجهي متاعب وشكوك أقلها كلمة منة ( أنا ماعرفتك إلا عن طريق النت ) ، نصيحة من أختك اتركي هذا الموقع وإذا رغبتِ في البحث عن وظيفة سجلي بمعرف غيرة ولاتثقي بأي رجل دخل من هذا الباب ، فتح الله عليك ابواب رزقة وأبعد عنكِ كل مكروة اللهم آآآمين ..

[إني أخاف الله رب العآلمين]

اسال الله ان يرزقككي ماتتمنيه يارب العالميييين ويجازيك بالاحسان احسانا اللهم اميييين الحمد الله كل رد يثلج صدري ويشجعني اكثر على الحمد الله والشكر لله ...

[بسمة أمل *]

وعليكم السلام ورحمة الله وبركاته

الله يفرج همك يارب ويرزقك بالزوج الصالح عاجلا غير اجل ,,

نصيحتي لكي ابتعدي عنه نهائيا فهذه حيلهم حسبي الله عليهم يتمسكنزن حتى يتمكنون ,,

اقطعي عنه كل شي ولا تردي عليه نهائيا ,,انتبهي على نفسك اختي الغاليه هذه حيلهم على الطاهرات العفيفات

[البارقه 2009]

مسددات أخواتي في رأيهن وأوافقهن في الرأي
فقط الخاص أغلقيه أو سجلي بعضويه أخرى (بيختبر شخصيتك ويجرب (لانه لايمكن أن يكون لقاء أولا لابد من سلام ثم كلام ثم موعد ثم لقاء فانتبهي لذالك وكوني حذره )
اصلا لاتردي اجعليها قاعده لك وين ماكنت لان إبليس لايأتي إلا باغوات متعدده حتى تنجرفي وانت لاتعلمين فكوني حذره في المرات القادمه لاتوضحي مثل هذه الامور الخاصه تستغلين والان البرامج كثيره مثل نبر بوك يدخل رقم الشخص ويكشف وغيرها الكثير
والباب الي يجيك منه ريح سده واستريح

[أٌميمه]

اوافق اخواتي الراي اختي ...
وبعد نصيحه لاترسلين سيرتك الذاتيه لي اي حد حتى لو كانت بنت انتي يش عرفكي انها بنت انتبهي واحذري ولا اي بريد اعتقد حتى في الواتس منتشر التي ترغب بالتوظيف ترسل سيرتها الذاتيه وحاطين ايميل لاتصدقين هذي الاشياء دائما خليك متابعه للصحف والخدمه اي خبر بتنزله تلاقيه
على موقعهم او في الصحف او انكي تبحثي انتي بنفسك تروحي تقدمي اوراقك للمدارس الخاصه بداية الترم غيره كله كذب في كذب يعرفون البنات يبحثون عن وظايف ويستغلونهم ...
وبعدين انا ماارتحت لكلامه لمنه قالك ارسلي على البريد شافك ماارسلتي جاك بطريقه ثانيه ..
ونفس الموقع لاتدخلين له بمعرفك يمكن يراسلك على اساس انه بنت بمعررف ثاني ولاتصدقين اي احد ...
وانتبهي الشيطان يجري في الانسان مجرى الدم الموقع احذفيه من راسك ولاتدخلينه ابدا ,,
واحنا والله ماكتبنا هذا الشي الامن خوفنا عليك وحتى لاتقعي فريسه وضحيه ...