| لطلب خدمة التعبير الهاتفي فضلا ابعث رسال لرقم الجوال:0568849911,أخي الزائر / أختي الزائرة مرحبا بكم في موقع بشارة خير ولتفسير أحلامكم نرجو اطلاعكم على المواضيع التالية:,منتدى التعبير المجاني بموقع د/ فهد بن سعود العصيمي,تفعيل خدمة الدعم الهاتفي (رسائل واتس أب) وإشتراك الدعم (الماسي), |
 |
| الدكتور فهد بن سعود العصيمي |
 |
| اللهم ارحمهما واغفر لهما واجعل مثواهما الجنة |
 |
  |
| صاحب السمو الملكي الأمير فيصل بن عبدالرحمن بن عبدالعزيز حفظه الله ورعاه |
 |
 |
||
 |
 |
 |
 |
 |
 |
 |
 |
مساحة إعلانيه |
| لطلب خدمة التعبير الهاتفي فضلا ابعث رسال لرقم الجوال:0568849911,أخي الزائر / أختي الزائرة مرحبا بكم في موقع بشارة خير ولتفسير أحلامكم نرجو اطلاعكم على المواضيع التالية:,منتدى التعبير المجاني بموقع د/ فهد بن سعود العصيمي,تفعيل خدمة الدعم الهاتفي (رسائل واتس أب) وإشتراك الدعم (الماسي), |
|
|
أدوات الموضوع | انواع عرض الموضوع |
|
|
مشب رذااذ المطــر،، حـيّــاكم يــالأجاويـــد ...!!!
  صبحكم الله بالخير .. 7 7 7 و مساكم بمثله .... لا دار الفنجال بوسط الرجال المناعير واستوى الكيف الكيف الاشقر وانعدل خوى الراس تزين السوالف اللي بها يتعطر حاضرنا ومقبل ايامنا؟! من هالمشب ادعي كل راعي علم غانم ياخذ له فنجال من دلال الغلا ويقدع من التراحيب صافي خلاصها...! ولأجل كذا قال الشاعر علي بن معطش البيشي " ياما حلا شوف النشاما على الضو .......... ويجاذبـون السالفـه والقصـيـدة في جال طعس ٍ كف عنه المطرتـو ........... ريح الشمطري والخزامـى تزيـدة في ليلةً نصف الشهر مااحسن الجو ............ السمر يبرق صايـراً لـه وقيـدة ودلال رسلاناً على الجـال ركـو ............ ريح البهار مـع العويـدي فريـدة واخيل من قبلـه بروقـاً مـع نـو ............ نسناسهـا خـلا حياتـي سعـيـدة جمعة قروم ٍ مادخـل بينهـم بـو ............ علم المراجل كـل منهـم يجيـــدة مافيهم اللي قال يافـلان قـم سـو ............ اطلب وتلقـى كـل شي ٍ تريـدة تفرح اذا شفت الرجاجيـل فـزو ............ كلن على النوماس يسبـق حديـدة هذا ولد عمـاً وهـذا ولـد خـو ............. وهـذا ولد خـال ٍ وهـذا عضيـدة شوف النشاما يشرح البال والجـو .............. ينسيك هم ٍ فـي خيالـك تعيـدة وسلامتكم يالربع....... فيكون هذا المجلس عامر ان شاء الله بتواجدكم من سوالف وقصيد وعلم ٍ غانم ماياتي بوه إلا النشامى عريبين الأنساب اللي لهم بالنفس كل حشمة وتقدير وما ننسى نقول إن البنيات لازم لهن حضور ،، مو راعية المشب منهن .... فحيّاكم الله ،، والمجلس مجلسكم ينتظر مشاركاتكم بوه.... ..  أختـــــــكم رذوذه ..
|
"
|
|
هلا رذاذ المطر ...
أول شي تسلم يمينك على الأبيات ... ثاني شي جعله مشب عامر إن شاء الله وانا أول الضيوف يالله ياراعية المشب قهويني  الله يوفقك رذاذ ودووم يكون مشبك عـاااامــر 
|
|
|
يالله حي شوق تبوك,,,وأهل تبوك كلهم ,,, سمّي تقهوي ,,, ودونك هالفنجال ,,,  شوق تبوك,,,يسعد بكِ راااعي المشب قبل دلاله,, مير إننا ماخذينا منك لا سالفة ولا قصيدة ،، نبي الكل هنا يقول ماعندوه من القصيد والقصص لاجل الكل يستفيد ويعرف عن ماضي اجدادنا الأصيل وخصوصاً عن تراث شبة الجزيرة وأنا من عندي إبشروا بقصص وسوالف أهل الشمال ,,,,اللي أعرفه  لاجل الكلام يصير بوه اخذ وعطا إن كان بالنهار ولا كانت تعليلة بها الليل ,,, وسسلامتك.
|
|
|
بعد ماحمسنا القهوة يالنشامى ،، دربه على النجر اللي يسمعه كل سمّاع
لأجل الكل يدري إن مجلسنا إمشّرع للقروم شرواكم ,, ووقت ماجهزت جهزنا الدلة وفاحت ريحة الهيل والبن والشمطري ،، اللي ريحه على جمر الغضا يفضح السوق واللي راح تدور على أعضاء العصيمي عالين الشان ،، غالين الأثمان ...  وهذا فنجال شمالي من بن اليمن ؟! اسمعوا هالسالفة .... في المجالس انتشر أن دغيّم الظلماوي هو اللي يعرف القهوة الصافية.. أو اللي فيها..فيضرب فيه المثل فإذا انتقد شخص قهوة قالوا(لو إنك دغيم)... والصحيح أن دغيم مشهور بأن قهوته جاهزة 24 ساعة...وأما اللي يحرك كافة الحواس ويعرف جودة القهوة ..فهو علوش بن ظويهر...من عنزة...والأبيات هي الحكم... حضر (علوش) إلى مجلس ابن رشيد في (حائل) وبوجود جمع كبيييركعادة شمر في الكرم.. ويوم أداروا الفناجين على الحضور ووصل فنجان (علوش) ورفعه يبي يشرب.. وشغل حواسه..عرف إن القهوة فيها شئ ..وعلى غفلة من الجميع..نثر فنجانه مير الأمير شافه قال له : ماشربت قهوتنا ياعلوش..؟؟!!قال : ماأشتهيتها.. .(مايبي يقول إن قهوتك فيها شئ)...يوم ألح عليه الأمير قال : القهوة صايدة..!! قال وش فيها..؟؟ قال فيها طعم (أبوالعوف) حشرة صغييييرة...بعدها طلب إحضار ( الملقمة).. اللي يوخذ منها القهوة للدلال... ويوم بحثوا..فعلاً لقواالحشرة...!!! وحتى يتأكد الأمير من قدرة علوش قال له خلك ضيف عندنا كم يوم ..حتى يختبر حواسه... في القهوة.. . جلس عندهم وكل ماحطوا شئ مع القهوة عرفه....حتى حطوا مع الهيل قشر مسواك.... قال له الأمير : قهوتنا فيها شئ.؟؟...قال : كأن فيها طعم (أراك)..... فأعجب بقدرته الأمير وقال له : كل ماشفت القمر مثل الباكورة في الغرب وجهك وأشوف.... عاد كان في المجلس شاعر (ذويبي) هو اللي أثبت القصة (والشعر ديوان العرب) يقول الشاعر : تستاهل الكيف الحمر يابن وايل * * * * * * * * أنت الذي تستاهل الكيف كلّـه ياللي نقدته وسط ديوان حايـل * * * * * * * لولاك ياعلّوش مااحد ٍ فطن لـــه ياابن ظويهر مابها قول قايـل * * * * * * * تستاهل الفنجال لاحـان حــلّـه ربعك بني وايل مجاز القبايـل * * * * * * * *أهل الجموع الطايله والمضلـه زبن الدخيل اللي توطاه طايـل * * * * * * * *الجمع دونه والرّمك مردف ٍ له وسلامتكم ,!
|
|
|
ولأجل كذا قال الشاعر علي بن معطش البيشي "
[SIZE=5][color=#008000]ياما حلا شوف النشاما على الضو .......... ويجاذبـون السالفـه والقصـيـدة جمعة قروم ٍ مادخـل بينهـم بـو ............ علم المراجل كـل منهـم يجيـــدة مافيهم اللي قال يافـلان قـم سـو ............ اطلب وتلقـى كـل شي ٍ تريـدة اختيار موفق للشعر والشاعر والتراث الأصيل بارك الله فيك أخت رذاذ
|
|
|
حي الله رذاذ وضيوف المشب
وأسمعوا القصه والقصيده عدوان بن راشد غلب طابع الحكمه على أغلب قصائده وكان له أخ متزوج وله ولد اسمه جريس ،، وشاءت الأقدار أن يموت أخوه في إحدى هالمعارك ،، ولأجل كذا تزوج حرمته لأجل إبن أخيه جريس مايتربى عند رجال ٍ غريب فعمه أولافيه وهذي قصيدة قاله الهربيد بجريس بناخيه يومنه كبر ما بره ولا عامله بإحسان مثل مهو متوقع ؟  ياجريس يامشكاي شاكن واشكيـك اشوفها من يم الأصحـاب ضاقـه ياجريس أخذت أمك على شان تاليك ما معجبن زينه ولا هـي عشاقـه عمك ولو بي تنشده كـان ينبيـك وش حق من رباك طفـل حواقـه ياما علـى متنـي تعقبـت بيديـك تنقل كمـا تنقـل خطـاة العلاقـه ويامـا بعـدلات الشبايـا نعشيـك وأعطيك مع زود الخزيـزة لحاقـه لما الذي بدقون ربعك ظهـر فيـك وأظن فـي نيـت اللحـى افتراقـه واليوم أشوفك يوم كبرت علابيـك جمعت مع خبـث الطبايـع نزاقـه ياصار بالدنيـا صديقـك مجافيـك ما من ورى عوج النصايب صداقه ياجريس مالي بالادانـي واقاصيـك لأهل فوقـي محـزم مـن دقاقـه سبع العود ياجريس خلـن اخليـك ياجريس ما بعيال الاخـوان فاقـه تيس يحطـه وال الاقـدار بيديـك أحلى من الشرشوح عند الرفاقـه
|
|
|
حياك الله ,,أخوي ششافي الشكري ..لمرورك الراااااااااائع...
وهذاا فنجاااالك ,,,, حي الله الجميـــــــــــــــــــــــع,,, 
|
|
|
 ودونكم الفنجال ياعشير ين النشامىىىى ،، من قهوة ٍ مهيلة ما تسوّت إلا لكم " تسمعون اكيد عن البصري الوضيحي وهذا الرجال إخيذه بالغزل حتى ان اشتهر امره بالجزيرة كله يقولك يوم كبر بالسن وحب انه يتوب طلب من ولده الحج ويوم حج وهو بالطواف شاف بنت بن ربيعان...يوم جاء بصري يبي يقبل الحجر الاسود يامار بنت بن ربيعان قريبه له وهو(.............)بدال الحجر قالت بنت بن ربيعان " ياملا العمى انشالله حج يالشايب حج ... فقصد قصيده عقبه يقول: التايه اللي جـاب بصـري يقنـه * * * * * * * * * * جد د جروح العُوّد و العُوّد قاضي جينـا نحـب ونطلـب الله جنـه * * * * * * * * * * * * جنة نعيمٍ يـوم يابـس الحاضـي ياليت كانـت حبتـي فـي معنـه * * * * * * * * * * يوم العيون عن الخوامل غواضي يامن يعاوني على وصـف كنـه * * * * * * * * * * *اشقح شقاح ولاهـقٍ بالبياضـي و الخد ذابـوح القلـوب المرنـه * * * * * * * * * * * *براق مزنٍ لاعـج ألـون ياضـي ياليت لو سني على وقـم سنـه * * * * * * * * * * *بايام ما بينـي وبينـه بغاضـي واين انت يا مشفي على طردهنه * * * * * * * * * انا طويت ارشاي واقفيت قاضـي أحدٍ يطيـح بنـار وأحـدٍ بجنـه * * * * * * * * * وترى الحظيظ اللي له الرب راضي هم زين فطن أنه حاج .... ويوم رجع لربعه قالو وش سويت بالحج يابصري قال: ياليتنـا مـن حجنـا سالمينـا * * * * * * * * * * كان الذنوب اللي علينا خفيفـات رحنا نبي نخفف ذنـوب علينـا * * * * * * * * * * وجينا وعليها كثرها عشر مرات
|
|
|
ماشاء الله ... الله يجعل المجلس عامر بأهله ...
وخذوا سالفه اليوم  واحد تعوّد أن يخرج من بلدته , بسيارته متوجها الى منطقة بعيدة لمتابعة وإنجاز أموره التجارية . وكان في منتصف الطريق تقريبا يمر ببلدة صغيرة بها محطة بنزين وبعض المحلات , ليملاء سيارته بالوقود ويعرج على المحلات ليشتري بعض الأشياء التي قد يحتاجها ففي أحد المرات وهو متوجه للمحلات شاهد مجموعة من الرجال يحملون نعشا لمتوفى , فنزل من سيارته دون تفكير ومشى في جنازة هذا الميت. وكان يحمل النعش سبعة من الرجال , وهو ثامنهم , فلما وضعوا النعش على الأرض وبدءوا يصلون على الميت ...... وصاحبنا واقف يصلي على الميت معهم , حانت منه التفاته نحو الميت الذي انكشف الغطاء عن وجهه فاذا بالميت يخرج لسانه ويغمز بعينه!!!! فترك صاحبنا الصلاة وفر هاربا إلى سيارته لا يلتفت إلى خلفه ..فلما أدار محرك السيارة وتحرك من مكانه .. فإذا به يرى الميت مقبل يركض باتجاهه , فجن جنونه وضغط على دعسة البنزين فاسرع كالصاروخ مبتعدا هاربا بعيدا عن هذه البلدة . وكان فيما بعد , ولاشهر عده كلما جاء هذا الطريق لا يتوقف في هذه البلده . ولم يجد تفسيرا لما راى وحدث!!! .. ولم يخبر احد ا بما حدث فهو غير مصدق فكيف يضمن ان يصدقه الأخرون ؟! .. واخفى الامر حتى لايكون موضع سخريه . وبعد أشهر ... بينما هو على عادته مارا بهذا الطريق اضطر للتوقف عند هذه البلدة بسبب نفاذ خزان الوقود حيث لم يكن اخذا حيطته . فتوقف وهو وجل خائف , يتلفت يمينا ويسارا . وفجاة ....وفجاة ..اذا برجل يضع يده على كتفه ! ...فلما التفت فاذا به وجها لوجه امام الرجل الميت الذي صلى عليه قبل عدة أشهر فأخذته المفاجاة لبرهة وجمد في مكانه , ثم حاول ان يهرب الا ان الرجل الميت تمسك به جيدا وهو يقول: يا ابن الحلال اذكر الله اركد ابي اعلمك السالفه ! وبين الرعده وشيئ من الهدوء والاطمانان بسبب لهجة الرجل الهادئه . فحكى الرجل الحكاية الغريبة قائلا: يا خوي انا رجل نظول , اصيب الناس بالعين , عاد جماعتي زهقوا مني ومن فعايلي كل يوم سادحلي واحد صاكه بعين , قالوا نبي نصلي عليك صلاة الميت , لانه يقولون ان النظول اذا صليت عليه صلاة الميت يبطل مفعوله العين للناس , وانا قلت لجماعتي اللي تبون سووه , واللي شفتهم كانوا عيال عمي وجماعتي , مكفنيني وشاليني في نعش . وانا يوم شفتك معهم عرفت انك على نيتك اتحسب اني ميت , فقلت امزح معك طلعت لك لساني وغمزت لك , ويوم شفتك هربت , قلت الرجال الحقه لايستخف , وركضت وراك أبي أعلمك لكنك ركبت السيارة وانحشت ..!!
|
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| .©. تحــت المطــر .©. | الزاهرة | منتدى للصور والديكور و تأثيث المنزل | 19 | 2007-12-14 5:11 PM |