[مهندس أحـمـد]

المشاركة الأصلية كتبت بواسطة يآرآ [hide][hide] ربي يبقيك أخوي عآآآآآآبر .. مشكور هذآ من طيب أصلك .. فعلا الاهم من الاستغفار وغيره من الطآعات التقرب إلى الله وبعدها بتجيك التيآسير والفرج بإذن الله .. والله حآجتين اتعجب منها وبآلذات من بنآت جنسي ..دائمآ يسألون عن الاستغفار وسورة البقره بنية الزوآج؟؟؟ وقبل مآيطبقون الاستغفآآر وتلاوة سورة البقره اهم شرط عندهم هل وحده فيكم جربتها وتزوجت ..؟؟؟؟ وين اليقين وحسن الظن بالله ..؟؟ >>احزن على حآلنا والله .. أسأل الله ان يرزقنآ اليقين التآم وحسن الظن في الله الموقف الاول حدث لي بالضبط الاسبوع المآضي .. انا (واعوذبالله من كلمة أنآ ) إنسآنه اخآف من شي اسمه مستشفى واكررهه لدرجة اني اتعب واتحمل واصبر ولااروح المستشفى وفي حيآة والدي رحمه الله وأسكنه فسيح جنآته كآن إذا شآفني مرررا تعبانه ورآفضه اروح بالهواش بالغصب اروح وهذه السنه صرت اتعب واحيآن اضطر اروح لهم ..المهم فأذكر قبل كم شهر عبرت لي رؤيآ انه محتآجه مستشفى للكشف ..الخ انا طنشت وترددت من خوفي كل شهر اقول اللي بعده ...وفي شهر شعبآن عبرت لي رؤيآ ومن رموزها عرفت اني اخاف من المستشفى وان الطبيب رآح يستخدم ادوات الكشف ..الخ المهم تزداد الالام معي بالاخير اضطريت اني ارآجع في بدايه رمضآن رحت المستوصف رقمي كآن في الاخير انتظرت تقريبآ سآعتين فقلت استغلها في الاستغفاااار ..دخلت عن الطبيبه عملت كشف حسيت معآلم وجهها مآتطمن بعد مآخلصت اعطتني نتيجة الفحص خفت الا صآعقه وربي بس في نفس الوقت احس اني مرتآآحه وانشرآح في صدري ..قبل مآأطلع قآلت رآجعيني بعد أسبوع ..بعدها سآفرت مكه قبل يومين رجعت لهآ ..نفس الشي العآرض زآد شوي ولله الحمد واعطتني تحويل لمستشفى حكومي ..بالامس رحت لهم وكنت على بآل ماانتظر استغفر وبعدهاجآء الطبيب للكشف ونفس الكلام والتشخيص وقآلها بآلعآمي يدي تحكني على المشرط >> قآل عندك حلين بعد الله العمليه او الابر ..انا قريت عن العآرض كثير قلت الابر مو زينه قالت فعلا مثل ماقلتي مو زينه ..اختي بحكم انها ممرضه وبنفس القسم كآنت عندي ..قالت فكرري ..قال عمومآ انا بأحولك على استشآري بيقول لك نفس الشي ...أخوي عآرض على طول ..الاهل بين معآرض ومنصدم وانا اقول الحمدلله على كل حآآل ..وأيقنت بعد الله سبب الرآحه والانشرآح الاستغفار .. رغم طبيعتي غير لو على حالي اول الان قلق أرق خوف ...الخ ولله الحمد على كل حآآآآل .. الموقف الثاني بعيد عن الاستغفار لكن لو تسمح لي أذكره .. ايام كنت في الكليه في احدى المستويآت توفى والدي الله يرحمه قدمت اعتذآر ...بعدها بشهرين تقريبآآ بدأ الترم اللي بعده ورجعت ..كآنت نفسيآتي أقل من الصفر ..تخصصي شوي صعب كله حسآآبآآآآآآآت ..يبيله عقل نظيف وكآنت الاستآذه شديده حيييل ..فأنآ أحضر عندها مجرد انسآنه جآلسه على كرسي ..ومآأستوعب معها ..وماده تخصص يعني فيها معدل فيها احمل مواد وتأخير أترآم ..المهم جآء الاختبآآر الاول كآن من 25 ..أسئله صعبه اغلب القاعه تشتكي انا كلمة مآحليت قليله ..بعد فتره كنت اتمشى مع وحده من صديقاتي وقآبلت الاستاذه وقآمت تعاتبها على الاسئله والاختبآآر انتبهت لي قالت صح انتي ليه درجتك وآطيه وانتي شآطره >>>من فين جابتها وربي ماادري وانا من جنبها ..قلت ليه كم قآلت 10 ..وربي من وقتها وانا شلت هم الماده ..وهددتنا بالاختبآر الثاني والنهائي قالت تشوفون ايش بيجيكم ..الاختبار الثاني من 25 ...ووقتها مااعرف درجتي ..جاء النهائي ولعبت بطريقة الاسئله ماده كلها عملي مسآئل الحآصل مسئله وحده والباقي نظري ومآحليت ويعلم الله بحالتي خوووف قلق انام واصحى وخوف احمل الماده ...مالي الا ان اتقرب لله ..وقتها الله يغفر لي اجهل بالدين كثير الاستغفار وغيره ..فكنت حيلتي بر الوالده ..ارتب لها البيت اي شي تطلبه ركض ..رضا الله من رضآ الوالدين كنت مااسمع احد من اللي حولي عطشآن ركض اجيب له مويه بنية الصدقه ..كلها وادعي ربي في بعض اعمالي ينجحي ولو مقبول رآضيه ..النهااااائي كان صدمه مثل ماهددت المااده عملي والاسئله كلها نظرررررريه ..مآفيه الا مسأله وحده والباقي من بين السطوور ..والمفروض كل الاسئله مسآئل .. بعد الاختبآآرات وانا نفسيتي صفر من هم هالماده ...وانا وربي متاكده درجاتي مآتشفع لي ابداا ...في النهايه نجحت مقبووول ولله الحمد..كيف جبت درجات النجآح ماادري ولله الحمد..كثير حملوا المااده ..وبدون مبالغه مااتوقع جآء عدد الطالبات 10 اللي جآبوا +Aوفي النهايه نخلص لله ونتقرب لله بآلطاعات تتيسر أمورها بإذن الله .. دعواتكم لي بآلشفآء والفرررررررج .. أعتذر على الاطاله اخوي عآآآآبر سبيل ..[/COLOR][/SIZE]

أسأل الله أن يشفيكِ شفاءً لا يغادر سقما أبدا

بارك الله فيكِ ونفع بكِ أختي / يآرآ , قصصك مؤثرة وفعلا تحمل عظة وعبرة , فأسأل الله ان يجعلها في موازين حسناتك .

رحِم الله والدك وأسكنه الفردوس الاعلى من الجنة .

بالنسبة للمستشفى والخوف منه , لا تجعلي الخوف يكون سبب في تفاقم المشكلة لديكِ توكّلي على الله واعلمي أن الشفاء بيده وما المستشفى إلّا سبب , فلا تهملي صحتكِ بداعي الخوف .

كل التقدير والاحترام لكِ على المشاركة المثرية والجميلة

وفقكِ الله وزادكِ برًا بوالدتك .