[رحلة زمن]

يبه أسمح لي برثيك وأنت تحت التراب
يبه أسمح لي أخرج آهات بصدري مكبوته
يبه من غبت عن عيني وأنا ماذقت طعم السعاده
يبه من بعدك حالي لايسر لاصديق ولا عدو
يبه بنتك مها أختلف بها الحال
صارت جسد بلا روح ، حياتها بلا طعم
يبه بنتك ذاقت الضيم والجور من الأقراب
يبه بنتك دموعها ماوقفت من رحيلك
يبه أتذكر جلستي معاك
سواليفك ضحكتك مزحك
يبه أتذكر يوم تكون تعبان والمرض هد حيلك تدعي لي برضاك علي
يبه أتذكر لمستي ليديك وجسدك الطاهر
يبه أسمع صوتك يناديني بكل حال
يبه حتى عكازتك وسبحتك وشماغك ودهن العود عندي بدولابي
يبه كل شي حولي فقدتك بيتك، غرفتك ،وكل جدار وزاويه في بيتنا تبكيك
راديوك اشعارك قناة الساحه ومحاوره الشعار فقدتك يبه
يبه ليتني مثل العشماوي وابن جدلان
كان سيرت القصيد وروضت الحروف لأجل أرثيك بالشعر يبه
يبه ، حتى كلمة يبه تبكيك
يبه بنتك ،دلوعتك ، حبيتك تغير بها الحال
فقدتك الضحكه وغابت البسمه من شفاتها
يبه بنتك تبكيك في كل وقت وبكل حال