[رحلة زمن]

المرسل : رحلة زمن
المرسل إليه : الفجر
نص الرساله :
لي قلب ما يدري وش الحــب لــــولاك
ولي عين يغنيها وجودك عن النـــور

لك وسط قلبي حب وأشواق وامـــلاك
ما فيه أحد قبلك بنا بقلبــي قصــــور

يفـــداك يا سيـد المزاييـن يفــــــداك
قلب تعلـــق فيك مـا رد لـي شـــــور

ما لـــوم شعر ما كمل فـي مزايــــاك
وبيت تعذر عن وصايفــك معــــذور

لك بسمة لأرسلتهـــا مـن شفايـــــاك
تجبر بها الخاطــر ليا صار مكســــور

ولك ضحكـــة لا وخرت عن ثنايــــــاك
تسحـر بها قلب من العام مسحــــور

ولك نظرة لا صوتت للغــــلا جـــــــاك
لو دونك جبال ومسافـــات وبحــــور

اللي مـدح لو قال ما قال ما اوفــــاك
واللي تكلم فيك مسكيـن مقهــــور

للحاسـد اللـي بالغـــــــرور يتبـــــــلاك
اضحك وقل من حقي اصير مغــرور

وجدي على حطة يمينــــي بيمنــــــاك
وجد الضرير اللي يبي شوفـة النـــور

أفرح بصوتك وانتظــــر واتحــــراك
فرحة ربيع بآخر الوســـم ممطــــور

ما تدري إني منتظر يوم لقيــــاك
دقايقي ساعــات وايامــــي شهــــور

يمكن يجي لي يوم واترك وانسـاك
الا بيـــوم كـل مـا حولــــي قبــــور