[خلووووود الخالد]

صباااااح / ظهرية / عصرية / مغربية .... الخير

بنااااات تخيلوا ان المنتدى عبارة عن مدرسة او معهد وانه اليوم اربعاء

ومالنا خلق في الحصص والجو غيم ومالنا خلق ندخل الاقسام

لامشرفين ولا اعضاء...نبي نوسع صدورنا فالحوش ( الساحة )

لكن الإدارة مشددة علينا وماعندها تهاون في اداء الواجبات

وكل وحدة من المشرفات تهايق مع دريشة قسمها ودها بالجو

والسوالف ...ومالها خلق تسوي مواضيع ولا تحط ردود ...

قمر الرياااااض محتاسة بالعلاقات العامة ، ورابطة راسها

بشيلتها ضاربها صداع من كثر ماتجيها شكاوي وتحاول

تحل المشاكل بين الاعضاء وتوفق بينهم ...

واكثر مامسبب لها مشاكل moon15 كل ساعه والثانية

طاقة لها عضو ولا حاذفته بقوطي ولا كابة عليه سطل مااا

من فوق السطح ....وقمر مالها شغلة الاتصايح

يامون انزلي ، ، يامون الله يهداك المنتدى كله سمع صياحي

موون 15 : مانيب نازلة ابتقعد لرفيعة الشان ليش تسرق

شباصاتي وتلطش موضوعي اللي تعبانه عليه لي اسبوع !

قمر الرياض : خلاص انتي انزلي وانا اخذ حقك من رفيعة الشان

واتفاهم معها...
موون 15 : لا والله وش قالوا لك بزر ماعرف آخذ حقي؟؟؟

قمر معصبة : موون اخزي الشيطان وانزلي تحسبين

ماوراي الا انتي وهوشاتك ؟

موون 15 : والله مانزل لين اخذ حقي منها

قمر الرياض : شوفي بتنزلين ولا ترى نستدعي ولي امرك امك

موون 15 : والله لو تستدعين الدفاع المدني ، ماني نازلة يعني

ماني نازلة ؟

خلوووود الخالد متأثره بالجو والغيم وقاعدة جنب الدريشة

داخله جو وتشرب كابتشينو تبي تكتب قصيدة

وماتدري وش هاللجة والصجة طيرت افكارها وعكرت

مزاجها ....

تهايق والا تشوف موون عالسطوح وتصايح على قمر الرياض

خلووووود : يالله صباح خير ...الواحد مايعرف يصف له بيتين

عند هالعالم ...!!!

وفجأة وهي منزعجة ماتسمع الا طربق طربق آي آي ياراسي

ولا المسكينة رفيعة الشان الدم يتقاطر من جبهتها وصياحها

يجيب اللي بالشارع ...

قمر الرياض متفشلة : يعني سويتيها يامووون هين هين

خلووود : ياساتر ياساتر

لا هالموقف بجد يستاهل نكتب فيه قصيدة <<<< لقت

شي يهيضها ....خخخخخ

شوي ولا الزاهرة ومها يتراكضون : خيرسلامات سلامات

رفيعة الشان : ياربي وش هالنجوووووم حنا بالليل ؟

الزاهرة : بسم الله عليك رفيعة ؟ أي ليل حنا ضحاوية

قريب الظهر

خلووود وهي تراقب الموقف ومنهمكة تبي تكتب فيه

قصيدة : لا لا يالزاهرة هذي نجوم الظهر اللي يقولونها ،

مسكينة من قو الضربة قامت تشوفها !!

الزاهرة معصبة : وانتي ماشاء الله دمك بارد وتشربين كابتشينو بعد

لا وتعلقين نجوم الظهر...قومي وانتي ماغير تمخطرين

في قسم الشعر ...ماعندك الا الحكي ...

غفا جاية ركض (تموت باللقافة ) خير خير وش صاير

قمر الرياض تحاول تلم الموضوع : خير خير ان شاء الله

انتي روحي بس ادخلي لك أي قسم تعلمي لك شي ينفعك..

غفا مو عاجبها الكلام : يااااربي صدق لاقالوا خير تعمل شرٍ

تلقى ....بتموت تعرف السالفة ...
ويتعاونون البنات ويشيلون رفيعة الشان قسم العلاقات

العامة ....قمر عندها عاد شنطة صغيرة حاطة فيها اسعافات اولية

(العدة حقتها ) متعودة على استقبال هالحالات ...
واكثرها سبب موون 15 هالمدلعة !!

خلووود وهم يشيلونها مستعجلين مايبون الإدارة

تدري بهالهوشة ..

لحظة يابنات ...لحظة شوي تكفووووون ...ابي اصور
الموقف بخيالي عشان انزل عليه قصيدة اليوم ...

الزاهرة تلفت حولها تدور شي بتحذفني فيه

واتدارك الموقف وانزل راسي تحت الدريشة ....

وللهوشة بقية ....

،
،
،
،
ملاحظة
( موون من يوم المصيبة اللي سوتها والفقشة اللي فقشتها محد شافها )

وجاري البحث عنها باقسام المنتدى ....

[ســـــامي العتيبي]

هههههههههههههههههههههههههههههههههههههههههههههههههه هههههههههههه
هههههههههههههههههههههههههههههههههههههههههههههههههه ههههههه
رهيبـــــــه ياخلود الله يسعدك اختي

[خلووووود الخالد]

المشاركة الأصلية كتبت بواسطة ســـــامي العتيبي هههههههههههههههههههههههههههههههههههههههههههههههههه هههههههههههه هههههههههههههههههههههههههههههههههههههههههههههههههه ههههههه رهيبـــــــه ياخلود الله يسعدك اختي

هلااا والله

حياك اخوي ساااااااااااامي

وزهب سيارة الاسعاف لاقدر الله يمكن نحتاجها ...



موون ضرباتها فتاكة ....الله يستر هالمسكينة رفيعة ماتحتاج غرز في جبهتها بس

عاد رفيعة كلش الا الوجه ماعندها هم الا الاقنعة والخلطات ...الله يعوضها بس

[ورد الريـاض]

هههههههههههههههههههههههههههههههههههههههههههههههههه هههههههههههههههههههههههههههههه

منتيب صاحيه ياخلود خخخخخ

الله يستر من البقيه والله يعينك على مون
بس حلوووووه لو تجيبين الدفاع المدني مانزلت اي هذي مون تحسب ماوراي الا هي

هههههههههههه

ياحبي لك ياخلود انتِ وهالمون عسل

ننتظر الحلقه الثانيه وتولمي لقنبله من مون والله بتروحين فيها ياخلوووووود خخخخخ .

..

[حفيد الاسود]

الله يوسع صدرك

مووضوع اكثر من رااائع

ياكثر مشاكلكم يالبنات

ننتظر موضوع مشابه عن الشباب ونبي وعد منك وبانتظار ابداعك

الى اللقاء في المستشفى ( لاقدر الله )

[خلووووود الخالد]

المشاركة الأصلية كتبت بواسطة قمـر الريـاض هههههههههههههههههههههههههههههههههههههههههههههههههه هههههههههههههههههههههههههههههه منتيب صاحيه ياخلود خخخخخ الله يستر من البقيه والله يعينك على مون بس حلوووووه لو تجيبين الدفاع المدني مانزلت اي هذي مون تحسب ماوراي الا هي هههههههههههه ياحبي لك ياخلود انتِ وهالمون عسل ننتظر الحلقه الثانيه وتولمي لقنبله من مون والله بتروحين فيها ياخلوووووود خخخخخ . ..

اي اني قاعدة في ذاااااااااا اتحرى لي قدر يطيح علي

وانا تمخطر بقسم الشعر

المشكلة شافتني اتهايق تحسبن اني انا اللي مفتنه عليها ...الله يستر بس

والله ماتخليها في موووووووون

[haneen2006]

هههههههههههههههههههههههههههههههههههههههههههههههههه هههههههههههههههه
الله عليك ياخلود طيب كان انتي قمتي بالواجب وساعدتي رفيعه الشان مسكينه رفيعه الشان الطراق كان علي راسها شديد يعني البنت راحت فيها تشوه
ومها والزاهره مايقصروا دايم هم اهل الفزعات خخخخخخخخ
خخخخ خلود اكتبي القصيده لاكن نبيها وصف دقيق للمعركه
ولاتنسي حقيبه الاسعاف دايم قمرنا توصي فيها نحملها معنا هههههه

[خلووووود الخالد]

المشاركة الأصلية كتبت بواسطة حفيد الاسود الله يوسع صدرك مووضوع اكثر من رااائع ياكثر مشاكلكم يالبنات ننتظر موضوع مشابه عن الشباب ونبي وعد منك وبانتظار ابداعك الى اللقاء في المستشفى ( لاقدر الله )

هلا فيك حفيد الأسووووود

وابشر ...وانتوا عاد يالشباب هوشاتكم عالمستشفى دايركت الله يستر

ماعندكم ووووووووقت ..!!!

حيااااااااك وتامر حفيد الاسوووووود

[الزاهرة]

أما عليك هوشة يا خلووود


الله يسعدك


ضحكتيني من القلب

لكن الإدارة مشددة علينا وماعندها تهاون في اداء الواجبات وكل وحدة من المشرفات تهايق مع دريشة قسمها ودها بالجو والسوالف ...ومالها خلق تسوي مواضيع ولا تحط ردود ...

والله يستر من نهاية الهوشة

[مها]

هههه يوسع صدرك ويسعدك يا الغاليه خلوووود

والله اضحكتيني من القلب وبقوووووه ...

شكرا لك ....

مـــهـــا...