[عاشقة الفردوس6]

السلام عليكم ورحمة الله وبركاته

مادري كيف ابداء او ايش اقول

بس راح ابداء في الموضوع بدوون مقدماات

سؤالي لأدم

اذا مثلا تقدمت وخطبت ارمله كانت زوجة لأخيك او لغير الاخ

كيف بتعاملها بشفقه وماتجيب سيرة الميت
وانت كيف تبيها تنساه وماتجيب طاريه ابدا

واذا مثلا تكلمت عنه تتضايق وماتبيها تتكلم فيه

بتسألها عن حياتها معاه

ارجوووكم ابي الصراحه بها الموضوع

وسؤالي لحواء كذالك
وخاصة كل ارمله تزوجت كيف كان وضعها وعاااادي حياتها تيسرت

وكيف تقدر تحبه وكيف نست زوجها اللي مااات

ماعليش اعذروني احس الموضوع يمكن يكون بنظركم مايستاهل
بس تكفوووون ماعندي احد اسأله ومافي احد بعايلتنا صار له اللي صار لي
الحمدالله على كل حال والحمدالله على قضاءه وقدره
انا صار لي خمسه شهور من توفي زوجي وانا كل يوم اتذكره وابكي
كل ماقول خلاص ماراح ابكي
اوانسى لما يروحون الكل من حوووووولي اتذكر ه
واصيييييييييح بقووه لدرجه انو نظري ضعف وش اسوي اقراء قرآن واصلي وادعي ربي انو يشيل
هالحزن من قلبي
بس سبحاان الله لازم مايمر يوم الى اتذكر شي كان يقوله او افتح رسايله بالجوال واصيييييح
اكثر حاجه تعذبني لما كان بالمستشفى بين الحياة والموت وكان يقولي
اذا مت بتنسيني
ولما انقذوه من الحادث اول مانطق اسمي وكان يقولي دااايم اتمناك دنيا وآخره
بس انا اكثر شي يبكيني انو ماشفته بالمستشفى و في نفس اليوم اللي رايحه ازوره وقمت بدري عشان اتجهز
ماااااااااااااااااااااااااات
وهو كان يقول اليوم ....... بتزورني وحلق وقصص اضافره وقراء سورة يونس وبعدها بدقااايق مااااااات

وانا ماشفته
الكل يقول ليش الحزن انتي بس مملكه بس والله والله مايدرون وش اللي بقلبي والا عذروني

اسفه عالأطاله
ماكنت باطرح هالشيء بخصوص اني كتومه جدا
ولكن محتاجه رأيكم ودعواااااااتكم

اسأل الله لي ولكم الجنه

[رحلة زمن]

عظم الله اجرك اختي
انا لست متزوجه
ولكن الله انعم علينا بنعمة النسيان وحالات كثيره مثلك وتجاوز المحنه
ماألومك في الي تسوينه لانوشى طبيعي
ولكن الافضل الدعاله والصدقه عنه لانو عمر البكاء رد لنا غالي

[الشاعرة شماء.]

ياااقلبي

عظم الله أجرك

إصبري

[عاشقة الفردوس6]

المشاركة الأصلية كتبت بواسطة رحلة زمن عظم الله اجرك اختي انا لست متزوجه ولكن الله انعم علينا بنعمة النسيان وحالات كثيره مثلك وتجاوز المحنه ماألومك في الي تسوينه لانوشى طبيعي ولكن الافضل الدعاله والصدقه عنه لانو عمر البكاء رد لنا غالي

اجرنا واجرك
يالغلا
اسعدني مروووك ومواساتك
اثااابك الله ورزقك بما تتمنين

[عاشقة الفردوس6]

المشاركة الأصلية كتبت بواسطة الشاعرة شماء. ياااقلبي عظم الله أجرك إصبري

اجرنا وآجرك يالغلا

اسعدني مروووووورك ياشاعرتنا فجووووره

[الشاعرة شماء.]

أهلين حبيبتي

أنا أعرف أرملة وكانت تحب زوجها وتزوجت واحد ثاني وعايشة حياتها واهي للعلم أعصابها باردة ماشاء الله عليها

وواحدة ثانية زوجها مااات وتزوجت عقبه وعااااادية جدا رغم إنها عاشت معه سنوات طويلة


الله ييسر أمورك ياالغالية ويسعدك


أهم شيء إدعيله وتصدقي عنه ولا قدرت تعتمرين عنه إعتمري وأهم شي لو تزوجت لاتجيبين طاريه عند زوجك أبد

[من يمسح دمعي]

عظم الله اجرك
الظاهر كان زوجك الاول مدلعك وملبي لكي طلباتك ماشاءالله عليكم
بس الصعب لو اخذتي واحد ثاني ويعذبك بحياتك وقتها تتمني ترحلي مع زوجك الاول
بس تبي نصيحه استخيري الله وهو المرشد الوحيد في حياتنا
يعلم خائنة الاعين وماتخفي الصدور
وتقبلي مروري

[رفيف الغامدي]

الله يصبر قلبك اكثر أختي الغاليه من قول ( اللهم أجرني في مصيبتي واخلف لي خيراً منها)
فوالله لاتدرين اين الخير والله تعالى له حكمه وقد يكون خير لك احمدي الله واصبري على القضاء والقدر
أسأل الله تعالى أن يصبر قلبك وأن يعوضك خيراً
أما بالنسبه لسؤالك أنا أعرف حريم كثيرات ماتوا أزواجهم وتزوجوا أخو الزوج وماشاء الله حياتهم ماشيه وبعد عندهم أولاد من الأول والثاني لازم الحياة تستمر....

[اطايب]

وعليكم السلام ورحمة الله وبركاته

اسمحي لي اختي برد على كلا الاسئلة
سؤالي لأدم

اذا مثلا تقدمت وخطبت ارمله كانت زوجة لأخيك او لغير الاخ

كيف بتعاملها بشفقه لا

وماتجيب سيرة الميت
أكيد ماراح يسألك عنهلانه مثل المرأة تغار من ضرتها وهي ميته فكذلك الرجل

وانت كيف تبيها تنساه وماتجيب طاريه ابدا
لانه يريد ان يكون الاول والاخير

واذا مثلا تكلمت عنه تتضايق وماتبيها تتكلم فيه

أكيد بيتضايق وراح يفكر في اي كلمه انك تقارنين بينهم

بتسألها عن حياتها معاه
ممكن بالتلميح او اذا حس بشئ

ارجوووكم ابي الصراحه بها الموضوع
جاوبت بناءً على مجتمعي

وسؤالي لحواء كذالك
وخاصة كل ارمله تزوجت كيف كان وضعها وعاااادي حياتها تيسرت

انا اعرف ارامل كثير خاصة اذا كانت صغيرة في السن او ما عندها اطفال تزوجوا وعاشوا طبيعي
وكيف تقدر تحبه
لانه حلالها وبيصير هو حاضرها فالقادر على وضع محبة السابق في قلبها سيضع محبة الجديد
وكيف نست زوجها اللي مااات

النسيان نعمة من الله
وانتي يا أختي فقط ملكة يعني ما شفتي الا الصفات الحلوه لان كل انسان له مزايا وعيوب (( الله يرحمه ))

انتي الآن لازلتي في مرحله صدمه ولم تتكيف بعد مع واقعك الحالي
فتريثي قليلا قبل الاقدام على اي خطوة
لانه اذا استمريتي على حالك هذا فستسببين على نفسك مشاكل مع زوجك الجديد

فكري قليلا وضعي نفسك لو حالك العكس بمعنى لو تتزوجي شخص ارمل وكان دائم التفكير في ارملته كيف سيكون شعورك ؟
اترك الاجابة لك .

ووفقك الله لكل خير ورزقك الصبر وانزل عليك الطمأنينه .

[عاشقة الفردوس6]

المشاركة الأصلية كتبت بواسطة الشاعرة شماء. أهلين حبيبتي أنا أعرف أرملة وكانت تحب زوجها وتزوجت واحد ثاني وعايشة حياتها واهي للعلم أعصابها باردة ماشاء الله عليها وواحدة ثانية زوجها مااات وتزوجت عقبه وعااااادية جدا رغم إنها عاشت معه سنوات طويلة الله ييسر أمورك ياالغالية ويسعدك أهم شيء إدعيله وتصدقي عنه ولا قدرت تعتمرين عنه إعتمري وأهم شي لو تزوجت لاتجيبين طاريه عند زوجك أبد

الله المستــــــــعان
الله يجزاااك خيرا فجووره