[سموه الاحساس]

السلام عليكم ورحمة الله وبركاته

هنا بأقولكم قصتي انا بنت عزباء زي اي بنت تتمنى الزواج كل يوم لكن الله ماكتب لي النصيب الى الان كل مااسمع بأحد جاي يخطب يروح ولايرجع وفجأه اسمع بخبر خطبته

في وحده من قرايبنا مااقابلها الا بالمناسبات بالعيد او الأفراح في عيد شوال كانت جالسه مع اختي تتكلم معاها وتتكلم بالتحديد عن ولدها اللي مازوجته الى الان وفجأه سألت اختي عني قالتلها فين فلانه قالت اختي جالسه بغرفه البنات احنا البنات بغرفه والمتزوجات بغرفه يجلسو المهم جات الحرمه غرفه البنات ووقفت عند الباب انا ماشفتها وقامو البنات يسلمو عليها وهيا ماشافتني لأني جالسه ورا الباب وملتهيه اتكلم مع اللي جنبي وخرجت بدون ماسلم عليها المهم بعد مارجعت البيت قالتلي اختي ان فلانه تسأل عنك وانها شكلها تبغى تخطبك لولدها بس تبغى تشوفك انا مره زعلت عليها وعاتبتها واحس نفسي كرهت اختي ليه ماجات قالتلي بنفس اليوم اروح اسلم عليها هيا جات جلست عندي بالغرفه وكانت الحرمه موجوده وبعد كلامها بس مافكرت تقولي والان اختي لمن تكلمني اكلمها بدون نفس مره زعلت عليها حسيت انها قطعت نصيبي وانا اكتب موضوعي هنا وانا مره متضايقه يعني مادري ايش اعمل بجد شي يقهر

بجد اتمنى هذا الشاب يكون من نصيبي الله يجمعني فيه عاجلا غير اجلا

اذكروني في دعائكم