[عابر]

((البنت وخطيبها )))

موقف من جد محرج )))

هي من النوعيه اللي خجوووله لابعد درجه . .. و كانت تخجل من خطيبها خجل ماشفت مثله لدرجه انك لو تقطعها ماتاكل قدامه و لا تشرب ..

تقول : جاهم ذاك اليوم خطيبها بعد الظهر(وش يبي ذا جاي الناس بعز الظهاري )... و كانت توها قايمه من النوم (يلعن ام الشكل . اكيد منفخ الوجه و رايح بخرايطها ). ...في عطلة نهاية الاسبوع...( الويكند .. بالانجليزي المعرب ).. ما امداها تفك ريقها ....الا هو موجود خلصت بسرعه بسرعه و ماشبعت طبعا . المهم جلس عندهم و لما جا وقت الغداء كل اهلها قامو يتغدون ... فقال لها خطيبها تعالي تغدي معانا قالت لا انا شبعانه توني فاطره قال لها عشان خاطري تعالي قالت و الله خاطرك على عيني و راسي بس مافيه مكان للاكل مو قادره لاني شبعانه (و هي كانت جوعانه بس من كثر الخجل لو تذبحها ماكلت قدامه )...
المهم جاء العصر و استاذن خطيبها من اهلها انه بياخذها و يروحون محلات الأثاث و يختارون اثاث شقتهم .. وافقوا الاهل و طلعت البنت معاه و هي ميته من الجوع ... جا بينزلها بكافي شوب .. .. قالت له لا ما اقدر اشرب كافي ( و عيونها بغت تطلع من الدريشه من الجوع ودها تاكل المحل بكبره )..قال يابنت الناس تحلين على الاقل .. قالت لا والله قبل مانطلع كنت شاربه كافي و محليه بالبيت ( و هي مناك ماذاقت ريحته ).... ما اقدر اكثر منه ..( و هي من هناك حاسه بدوخه من كثر الجوع ودها توصل البيت ).... لف فيها و لف و لف (و البنت ميته من الجوع و زادت زياده قامت تفكر بافغانستان و الفقراء و كل شي ذيك الساعه خطر على بالها ). .في محلات الاثاث وهي مو قادره تتحرك و تكابر ماتبي تاكل قدامه .... يوم ماقدرت تمسك نفسها قالت له ياليت نرجع البيت لاني مصدعه .... قال لها ابي اعزمك على العشاء برا قالت لا و اللي يعافيك مافيه محل للعشا شبعاااااااانه... رجعو البيت الا امها مسويه لهم عشا و كانت بتطلع ... حطت له العشا و ماكان في البيت الا هي و هو بس .... قال لها تخليني اتعشى الحالي؟؟ تعالي تعشي معاي ... قالت له لا توني متعشيه (اشفيه هذا .. مايفهم ؟ بالغصب يعني ). . قال اشلون توك متعشيه و انتي طول الوقت معاي ... انحرجت ضحكت و قالت له الظاهر اليوم كثرت من الاكل لما قمت و الشيز كيك حليت زياده عن اللزوم احس اني ما اقدر آكل اكثر من كذا ..... مد يده لها بياكلها من ايده قالت له لااا و الله ما اقدر اصر عليها و قال لها عشان خاطري قالت مااااا افدر قال بس هذي اللقمه عشان خاطري بس هذي .. قالت ودي بس احس اني بارجع من كثر ما انا شبعانه و الله ودي ..... عذرها هو قال لها لهالدرجه شبعانه؟؟ قالت و اكثر من كذا .. المهم خلص من العشا غسل ايده و قال لها حبيبتي استأذن انا الحين لازم امشي ( وهي اول مره تتمنى طلعته بسرعه من كثر ماهي جوعانه .. هلكت المسكينه ) قالت له عادي حبيبي حياك الله خلينا نشوفك .. الرجال استغرب انها مالزمت عليه يقعد( قام يطالعها و عيونه تطلع و ترجع ).. المهم مشت معاه الين ماطلع من عند الباب ...
من كثر الجوع ماقفلت الباب و راحت تركض على صينية العشا و هي بالمطبخ و قامت تاكل بشراااااااااااهه و هي واقفه ماقدرت تقعد .. في هذا الوقت خطيبها ناسي مفتاح السياره فرجع و دخل بياخذ مفتاحه و هو قريبها (ولد عمها).. فحب يسلم عليها و يقول لها ان رجع ياخذ مفتاح السياره سمع صوت بالمطبخ دخل عليها .. وهي من كثر الجوع ماحست انه وراها ... جلس وراها مكتف ايدينه و واقف يطالع لها .. وهي تاكل و تاكل و تاكل بشرااااااهه اليين ماخلصت ... توها بتمشي التفتت وراها الا لقته واقف و يطالع لها بعين .. .. يااااااا الهي هي اصلا خجوله و تخيلو شافها و هي كذا قال لها ليه كذبتي علي و قلتي لي انك شبعانه؟؟؟ كل هذا جوع؟؟؟؟
البنت بغى يغمى عليها من الاحراج :eye21:


منقووووووووووول

[التائبة الى الله 80]

كله هذا خجل شوي بتموت
ههههههههههههههههههههههههههههههههههههههههه

[&فرح&]

شر البلية ما يضحك،،،،
اضحك الله سنك اخي عابر،،،

[حكمه]

هههههههه بسيطه تعيش وتاكل غيرها

انا اول مااتزوجت نفس الحاله مدري ليش نستحي من الاكل

اجلس معاه على الاكل وهو يترجاني اكل وانا اسوي خطوط بالملعقه في الصحن يعني اني شبعانه مالي نفس

يابنت الحلال كلي لايشوفك ابوك يقول انا السبب وانا اقول مررره مالي نفس شبعانه

ويوم من الايام تغدا وطلع يلحق المحاضره في الجامعه

وانا جري على المطبخ والله ولاملاعق ولابطيخ نزلت قدر الضغط بحاله وبالخمس هههههههه راحت الرقه كلها

واثاري المحروس نسي بعض مذكراته ورجع يااخذها


وانا ماانتبهت الاوهو طالع لقيته متلثم بشماغه ومخنوق من الضحك

وتعالو شوفو حالتي تقولون مات لي احد بغيت انتحر من البكاء


ايااااااام ولت وانتهت دحين انقلبت الآيه والخجل مايوكل عيش يابنات

[عابر]

جزاكم الله خيرا على مروركم الطيب
اختى حكمه ههههههههههههههه يعنى حدث معك هذا الموقف لا حول و لا قوة الا بالله

[mjroo782]

مشكوووورعلى الموضوع

[mjroo782]

مشكووووووووووووووووووووووووووور

[♥ ♫▓إشرآقــۀالصباح♥♫▓]

هههههههههههههههههههههاي حلوه

[لوليتا%]

مشكورررررررررررررررررر