[الاندلسي]

السلام عليكم ورحمة الله وبركاته

اختي شموخ الامل الله يجزاك خير على طرح مثل هالموضوع ويارب يجعل هالموضوع في ميزان اعمالكم

من قبل اسبوع تقريبا اختي كنا مع الشباب نتكلم في نفس هالقضية سبحان الله , لأن واحد من الشباب تقدم حق اخته زوج وكنا قاعدين نسأل عن الرجل

فأنا يا اختي بعطيج الحل الامثل بأذن الله ولعلي اكون مخطأ ولكن ان مع الشباب دايما نعتمد على هالشي

تأكدي اختي شموخ من قضية مهمة الا وهي ان معاملته بالبيت اهم شي !! اشلون ؟

شوفي معاملته مع امه وابوه واخوانه وخواته هل يقضي حوائج البيت ؟؟ هل مطيع لوالدينه ؟؟ هل راعي اخلاق حميده مع اسرته اذا لقيتي معاملته طيبه بالبيت اعلمي ان خارج البيت بأذن الله هالرجل والنعم فيه

ولكن في نوع من الملتزمين خارج البيت طيب وخلوق ويساعد الناس وراعي خلق عجيب لدرجة تستحين تسألين عنه خارج البيت , ولكن تعالي شوفي شنو قاعد يسوي بالبيت لا يحترم اهله ولا اخوانه ولا والديه ولا يساعدهم هالصنف اهم المشكله سبحان الله

فأنا اقول اختي الواحد يركز على اخلاق الرجل من ناحية معاملته مع اهله واخوانه مثل ما يعاملهم راح يعامل زوجته

وعسى الله لا يبلانا ولا يبلا اخوانا وخواتنا المسلمين في بيوتهم

ما قصرتي اختي على الموضوع