[هنااادي]

قصيدة شاب لوالدته...يوم انها توفت امام عينه في حادث


يواسيني وانا الميت وحالي يجبر الدمعات
تسيل من الذي فيني ويبكي وهو يواسيني
**
وانا ابكي واتنهد وارسم بالحزن لوحات
يجبروني عشان امشي ورجلي ما تمشيني
**
قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني
**
وكنه حلم قدامي يقيدني من الصرخات
ابي اصحى ولكني عجزت القى اليصحيني
**
فداك القلب يايمه ومهما قلت من كلمات
صغيره في كبر حقك بس اتمنى تعذريني
**
نهبت الفرح من بيتي صحيح اني خسيس الذات
صحيح اني ولد طايش وكل ماسمعه فيني
**
تجول عيونهم فيني تفصل مني قياسات
وتشيح وجوههم عني وكني غيرت ديني
**
يظنون حزنهم اكبر وهم اصحاب هالماساة
وانا اتحدى اذا فيهم ربع مايحترق فيني
**
نقص قدري بعد موتك وغابت نشوة اللذات
وصار الهم عكازي اباكيه ويباكيني
**
عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفيني
**
يا يمه ارجعي كافي ابجلس معك لو لحظات
واقبل ايدك ورجلك وافرش لك رمش عيني
**
يايمه ما تحملهم يقولوا فات ما قد مات
تعالي غيري هالقول واطيعك باقي سنيني
**
واترك عادة التدخين وانفذ ماتبي بسكات
واصلي الفجر في المسجد قبل منتي تصحيني
**
يايمه ارجعي تكفين وطفي شمعة الاهات
ابيك انتي ولا غيرك على موتي تعزيني
**
وضميني وداويني مثل ماكانت الهقوات
مابي حدن يواسيني ابيك انتي تواسيني
**
دخيلك بس لاتبكي اذا شفتي بي الدمعات
انا ماقوى ابكيك اذا انتي تبكيني
***

من اختيار اختكم هنااادي

[صانعة في الحياة]

رائع هنادي بارك الله فيك

اختيار موفق جزاك الله خيرا مشكورة

[هنااادي]

تسلمين صنوعه نورتي...

[مها]

فداك القلب يايمه ومهماقلت من كلمات .......صغيره في كبر حقك بس اتمنى تعذريني ..
الحمد لله رب العالمين وحمها الله ووالدي وجميع موتى المسلمين ...آمـــيــن...
قصيده رائعه تسلمين اختي الغاليه هنا دي...
اختك ....
مـــهـــا.....

[طلوع الندى]

الله يرحمها ويرحم جميع المسلمين

[حورية القصر الأبيض]

إختيارك رائع ياهنادي الله لايحرم أحد من الحضن الدافيء والحنان
شكرا لك

[هنااادي]

المشاركة الأصلية كتبت بواسطة مها فداك القلب يايمه ومهماقلت من كلمات .......صغيره في كبر حقك بس اتمنى تعذريني .. الحمد لله رب العالمين وحمها الله ووالدي وجميع موتى المسلمين ...آمـــيــن... قصيده رائعه تسلمين اختي الغاليه هنا دي... اختك .... مـــهـــا.....

هلا مهاووي الله يرحم امواتنا ويعطيك العافيه غاليتي شكرا على المشاركه الحلوه...

[هنااادي]

المشاركة الأصلية كتبت بواسطة طلوع الندى الله يرحمها ويرحم جميع المسلمين

امين يارب شكرا غاليتي طلوع...

[هنااادي]

المشاركة الأصلية كتبت بواسطة ابتهال إختيارك رائع ياهنادي الله لايحرم أحد من الحضن الدافيء والحنان شكرا لك

تسلمين على المشاركه ابتهال...

[أم نايف@]

يظنون حزنهم اكبر وهم اصحاب هالماساة
وانا اتحدى اذا فيهم ربع مايحترق فيني
الله يرحمها ويرحمنا
جزاك الله خير قصيده مؤثره