[ام شموخة]

بسم الله الرحمن الرحيم
ايهما أفضل ان تخلع المراءة زوجة بمقابل مادي او تطلق بمقابل مادي ؟ لانني في صراع مع هذا الموضوع واتمنى ان استفيد من ارأكم
وشكرا لكم

[الورد الفواح]

والله مادري كلها خربان بيوت

ان شاء الله الاخوان والاخوات يفيدونك

[ليتك معي دايم]

الطلاق والخلع بمقابل مادي وش الفرق الاثنان يعتمد على الماده وهذا يسمى خلع
وش حادك على الطلاق الطلاق يكون اخر حل في الحياه الزوجيه لو وصلت الامور الى حدلايطاق
والطلاق في راحه نفسيه للطرفين اذا كانوا على خلافات شديده مايحاها الا الطلاق واذا كان في اولاد
لكن يااختي الان الحياه ماهي سهله زي اول صبري على زوجك واذا كان عندك اولاد الحين ماحد يتحمل احد والاهل صارو يتمللون
وعلى قوله المثل احبك يانافع لوانك على الراس صافع

[ام شموخة]

مشكورين على المرور
موكل الاهل زي ماتتصورون اذا جيت اقارن بين حياتي مع اهلي ومع زوجي قبل الطلاق احد التالي
الاحترام والتقدير السكينة والرحمة والحنان والعطف والحب الكرم والجود راحة نفسية حياة بدون مشاكل وضغوطات والعكس عند الزوج تدري اذا طلبتة اكل اوملابس اواي شئ قوم الدنيا ويقول انتي منتي امي اهتم فيك وانت غير مهمة عشان البخل والشح على فلوسة لكن تشوف النعمة علية كأنة ولد الملك وانا حياتي معاه كأني بنت الشغالة انتظر اللقمة بفارغ الصير من في هذة الدنيا تبات جيعانة وزوجها مشبع حالة وماعندة اي احساس

[ليتك معي دايم]

طيب ياختي عندك منه اولاد
واذاانتي عزيزه في بيت ابوك ارجعي لعزك انا عماتي كذا عزهم ابوهم ماعزتهم رجالهم اشتروا عز ابوهم وراحت بالهم واذا زوجك بخيل اتركيه واطلبي الطلاق لان البخل بعيد عنك يدفع الانسان لاشياء الله يعيذيك منها وبالذات الاولاد ممكن يتعلومن السرقه ممكن يتعلمون اي شيء مهما كان حرصك عليهم
واذا انتي بدون اولاد ارجعي بيت ابوك احسن لك وماعليك من كلام الي يقولك نظره المجتمع وشماتة الناس اشتري راحه بالك لو انا بمحلك اشتري راحه بالي بدون ماالجأ لاي كان واجرب حياه جديده والحياه حلوها ليه مانعيشها

[ام شموخة]

مشكور ليتك معي دائما
الحمدلله ربي مارزقني بأولاد
قراري ليس فقط لنفسي فأناأفكر لوكان لدي ابناء ماذا سيحدث لهم بيصيرون حتى التمر مايعرفونة ويمكن يسيرون من حرفين وسراقين عشان يظهرون بشكل طيب قدام الناس وليس فقط البخل وانما الدين ومكارم الاخلاق صيصبحون بلادين ولااخلاق لان ابوهم وارثها اباُ عن جد كل الصفات الشينة وربي يوفقني ويسر امر طلاقي ان شاء الله

[بلاتين]

لوكنت في مكان المرأة ...إذا اشترط مايطلق إلا بفلوس .. راح أخلعه (لأن هذي الطريقه الوحيده اللي أهين فيها كرامته ) .. فإمساك بمعروف أوتسريح بإحسان ..

[ليتك معي دايم]

السلام عليكم ورحمة الله وبركاته

الله يكتب لك الي فيه الخير استخيري واتكلي على رب العباد

الله يرزقك بالافضل

لكن في بالي سؤال تقولين وارثها ابا عن جد ليه ماسالتي عنه قبل الارتباط

هذا خطا البنات اذا انخطبت ماتسال عنه تكتفي بمدح اهله له انصحكم بابنات بالسؤال والتحري عن الخاطب هذا زواج مو لعبه
وحطي في بالك شي واحد انك مستحيل ترجعي مثل ماكنتي بنت في بيت ابوك ومستحيل ترجعي مثل ك\ماكنتي في بيت زوجك ياخذك لحم ويرميك عظم
كل وحده مقبله على الزواج تفكر الف مره بالشخص الي راح تعيش وتاسس حياتها معه
هذا نصيحه من اخ لخواته

[ام شموخة]

سألنا عنة كثير لكن الناس صاروا يزورون في الكلام ويمدحونة وخلوة ملك
واول ماتطلقت كل واحد يسبة من مكان ويقولون انة كذا هوعائلتة مايتغيرون
وكمان هومن عائلة بعيدة عنامانعرفهم

[coffee16]

بسم الله الرحمن الرحيم .......أسأل الله عز وجل ان يرزقكما موده ورحمه.ويسخره لك برحمته.اللهم أصلح شباب,المسلمين.اللهم.خذ باصيتهم للبر للتقوى وللعمل الصالح لماترضى.......وعليكم السلام ورحمة الله وبركاته