[غالية78]

السلام عليكم ورحمة الله وبركاته

بسم الله الرحمن الرحيم




المثلوثه عبارة عن باديه مكونه من ثلاث طبقات
طبقة جريش
وطبقه خبز مسح تشريب
وطبقة أرز

راح نشرح كل طبقه كيف راح نسويها


مقادير الجريش

كأسين حب جريش
2ونص لتر لبن مطلعينه من الليل برة عشان ترتفع الحموضه فيه
ماجي قليل الملح
ملعقة صغيرة كمون
2 بصل مفروم ناعم

مقادير التشريب لخبز المسح

بطاطس مكعبات
جزر مكعبات
كوسا
كيس خضار مشكله
طماطم مكعبات
بصل مفروم
ليمون اسود كور
ماجي
صلصله
فلفل اسود
خبز مسح
سمن
صلصه
دجاجه مقطعه نصين

الطريقه

أول شئ نسوي الجريش

نجيب القدر ونحط شويه زيت وبعدين البصل ونحمسه على نار خفيفه لأنه مانبغى البصل يتغير لونه
بس يلين ونضيف الماجي والكمون بعدين نضيف اللبن ونظل نحرك عشان ما يفصل اللبن معانا ونظل نحرك حتى
يصل لمرحلة الغليان نضيف الجريش المغسول ونضل نحرك حتى يثقل المزيج
يعني تصيرين تشوفين حبات الجريش
تبان من فوق هنا خففي النار مرررررة هادئه وحطي قطعة حديده على القدر وغطيها بالقصدير
وأتركيه يطبخ لمده 3 الى اربع ساعات
وبعد مرور الوقت فكي الغطاء والقصدير واضربي الجريش بمضرب خشب وخليه على جنب


الحين نسوي المرق حق التشريب

احمسي البصل مع الماجي والبهارات اللي عندك تستخدمينها للمرق وبعدين أضيفي الدجاج والماء وأتركيه يغلي
الى ان تستوي الدجاجه
بعدين أرفعي الدجاجه وحطيها على جنب الحين
المرق اللي صار عندنا نقسمه نصين
كل واحد بقدر

قدر راح نضيف له الخضرة الي عندنا المقطعه والصلصه والطماط ونخليه يطبخ الى ان تستوي الخضرة

والقدر الثاني نضيف له الارز ونسوي الارز فيه

نراعي طبعا كميه الماء لأننا راح نضيف زياده ماء ونضيف شوية ملح
بعد ما يستوي المرق

نجيب الخبز المسح ونحطه بقدر كبير عشان نقدر نقلبه ونحط له المرق فوقه بدون الخضرة
ونخليه فترة عشان يتشرب المرق اللي قيه

الحين نسوي حشو بصل عادي ومكسرات محموسه

نأخذ نص من الحشو ونضيفه للخبز المسح
نحمر الدجاجه بالفرن بعد مانمسحها بخليط مكون من زيت وشويه كركم وفلفل اسود وملح وصلصه

الحين جينا لطريقة التقديم

أول شئ نحط طبقة الجريش



ثاني شئ نحط الخبز اللي رشيناه بالمرق وشويه من حشوا البصل ونحط الخضرة اللي كانت بالقدر



الحين نحط الارز



وبعدين فوقه نصف ا لدجاج ونحط الحشو البصل والمكسرات ونزينه
ونرش فوقه سمن بلدي
اللي في ناس يسمونه دهن عداني اللي يجي لونه أخضر

..... منــــــقــــــول .....

[فراوله بشكولاته]

موفقه بإذن الله ... لك مني أجمل تحية .

[ام حممممودي]

السلام عليكم ورحمة الله وبركاته
تسلمين يالغاليه
شـكــ وبارك الله فيك ـــرا لك ... لك مني أجمل تحية .

[ـ’اللولو’ـ]

يميم مشهي
الله يعطيك العافية0

[خالة التوت]

يم يم

شـكــ وبارك الله فيك ـــرا لك ... لك مني أجمل تحية .

[غالية78]

تسلمون لي جميـــــــــع

بالعاااااااااافيه عليكم

[خفايا الصمت]

.
.
.



هلابك ... ياغلاي

يسلمووو على الطرح المميز

لاعدمتك

[انين القلب]

هلابك ... ياغلاي

يسلمووو على الطرح المميز

لاعدمتك

[بسمة أمل *]

شـكــ وبارك الله فيك ـــرا لك ... لك مني أجمل تحية .

[غالية78]

هلا بكن عزيزاتي

عساه بالعاااااااااافية