[$$ سالمه $$]

بسم الله الرحمن الرحيم

هذي وحده من اقاربي المقربين وكل عطله لازم نتقابل لانه من قرايبي المشكله الكبيره ان هذي البنت بيني وبينها سنين قليله مو اكثر من سنتين مجننتني على كل شئ تخيلوا والله العظيم لو اقول شئ عادي تضخمه وتروح تقول لااهلها فلانه قالت كذا ياليت اهلها حتى بنات جماعتنا وتزيد على الكلاااااااااام انا تعبت نفسيتي معها مع اني والله حاطتها فوق راسي ودائما اذا مدحوني الناس يبين على وجهها ينكتم وتحاول تدور علي اتفه شئ وتضخمه وامي دائما تحذرني انتبهي منها انتبهي منها انا الحمدالله منتبها ومالي غبيه افهم والله العظيم اخذ احتياطاتي معهااا وافكر في السالفه اكثر من مررررررررره قبل مااتكلم حتى مااقول لها اسراري كلام سطحي جدا هي تحاول تتقرب مني .. لدرجه مره أفترت علي وراحت بكي عند امها ياليت بس امهاااا حتى قالت لااخونها وافترت علي بالكذب ورحت واجهت البنت قلت لها ليه تفترين علي قامت تبكي قدامي وقالت انا اسفه مو قصدي واعترف لك اني كذبت عليهم قلت طيب اعترفي قدامهم قالت لا تبين اهلي ياخذون عني فكره اني كذابه وش تبوني اسوي هي تفتعل المشاكل بلا سبب واذا واجهنا بكت وافترت والله العظيم سامحتها على هالموقف ولافيه فايده انا بنجن يااااااااااااااااااااااااااااااااااااربي تموت اليوم قبل بكره وافتك منهااااا تعبت نفسيااا حتى تخيلوا لدرجه ان صارت لي خطبه ثم رفضت ووالناس ذولي الي خطبوني راحوا لصديقه قريبتي مررره صديقتها ... تخيلووا ياناس راحت قالت لها تدرين ان فلاانه ( الي هي انا ) خطبوهاااااا ومن ثم خطبوكي على طول يعني ان انا مارديت عليهم بالموافقه او الرفض يعني خطبوني ولا انتظروا ردي وراحو خطبو صديقتها ياااااااااااااربي ايش هالافتراء الي عيني عينك تخيلوا يااخواتي الموقف
تكفووووووون ساعدوني انا مالي الا الله ثم انتم انصحوني وجهوني اتقي شر ه البنت والله يابنات ان الخافي اعظم وهذا الكلام الي حضرني وللكلام بقيه بس حبيت اختصر لكم المعنأه حسبي الله ونعم الوكيل عليهاااااا.

ساااااااااااااااعدوني ولكل وحده تدخل على هالموضوع ترد
يعني لازم اكون بكماء صماء علشان افتك شرها.؟؟؟

[$$ سالمه $$]

هذي البنت مره قريبه مني ولازم ننام ببيتهم بالعطله . يعني اذا طولنا عندهم اسبوع اسبوعين كيف اتقي شرها؟؟؟

[$$ سالمه $$]

يعني مقابلتني 24 سااااااااااااااااااااااااااعه

[وريف الصمت]

ياربي صراحه هالبنت غريبه تصرفاتها؟؟؟

ياهي مريضه نفسياً او هي مآخذه منك

موقف مخليها تكرهك....

على العموم انتي حاولي ماتحتكين فيه كثير

خلي علاقتك فيها سطحيه جدا فكري بالكلام

اللي تقولينه قبل يطلع قدامها..........

الله يكفيك شرها....

ولاتعقدين نفسك عشانها ماتسوى انك تكدرين

خاطرك عشان وحده زي هذي...........

الله يحفظك............

[$$ سالمه $$]

لا والله ماسويت لها شئ لدرجه انهاتكرهني بالعكس انا حاطتها فوق راسييي بس هي مرره تغار مني يمكن على شان هي يتيمه ودائما تسمع ان ابوي يعطيني وووو الخخ .. لان مره بكت وراحت لاأهلها وتقول ان فلان الي هي انا تطنزت عليهااا وقلت لها انا ابوي عايش وبيشتري لنا كذا وكذا وانا والله العظيم والله على مااقوله شهيد اني ماقلته . وفوق كذا سامحتها .

ادري انه مايسوى اكدر عمري

الله المستعان

والله يعطيك العافيه أختي على ردك ريحتي بالي.

[وريف الصمت]

هي يتيمه.........

يمكن تحس بالنقص وتشوف اللي عندك

وتحس بالغيره الله يهديها ,,,,,,

حاولي انك تلتمسين لها الاعذار عشان ترتاحين انتي

وماتشيلين في قلبك عليها.....

انا احس ان تصرفاتها مب طبيعيه............

انتي ماشاء الله عليك طيبة قلب وعلى نياتك

وبإذن الله ربي يجزاك بالخير على تحملك لها والتماس

الاعذار لها..............

[ĤöŇĕÝ]

حآولي أنك مآتجلسين معهآ ع آنفرآد ..
خليك دآيم مع مجموعـة خوآتك بنآت خآلتك مع الحريم آلكبآر ..
علشآن مآيكون لهآ مجآل تتكلم ..

والله يكـون بعونك ..

[خلود ام جود]

السلام عليكم ورحمة الله وبركاته
أختي الغاليه أذا عرف السبب بطل العجب وتصرفات قريبتك عشانها يتيمه وتحس بالنقص وتحس أنك أحسن منها ويمكن يكون عندها مرض نفسي الله أعلم بس أنا فهمت من الكلام أنها تغار منك عشانك أفضل منها وعندك أبوك وأمك الله يخليهم لك ويطول بعمرهم وتشوف عندك أشياء مو عندها الله المستعان
شوفي حبيبتي خلي جلساتك معاها قليله ورسميه لاتقولين لها أي شي خاااااااااااااص فيكي
ولاتقولين لها أشتريت كذا أو أبوي جاب لي عشان ماتغار زياده
وبما أنها قريبتك مررررره ويتيمه أنا أقول لو بين فتره وفتره تشترون لها شي وتهدونها لها أو أمك وأبوك أذا جابوا لك شي يحاولون يجيبون لها مثلك منها تفك عنك شوي ومنها لهم أجر كبيييييييييييييير
وأنتبهي حبيبتي ترى مافيه أخطر من الغيره أذا دخلت قلب الشخص
الله يعينك عليها وأكثري من الأستغفار بنية أن الله يهديها ويبعدها عنك
سامحيني طولت عليك والله يوفقك يااااااااااااااااااااارب

[اللهم سهل امري]

انا عندي قريبه بوضو زي كدا
ومن الكلام القوي تقولو عليا كمان
ولما ما صرت اكلمها نهائيا صارت تقول ايوه عشان انا عارفه انها كدا وكدا عشان كدا ما تبغا تكلمني
وماهي يتيمه ولاشي
بس انتي لا يهمك
ومنجد لا تجلسي الا ومعاكم احد غيركم

[نـاظِـره]

ذكرتيني بقصتي مع وحده ..
وقريبه مني ..
اكتشفت السبب أنه غيرة ونقص ورحمتها والله
ليش إن امها تقارنها فيني
وصارت البنت تحقد وتغار مع إن موناقصها شئ الله يهديها
والله رحمتها
هذا غير إنها تضخم الامور وتوصل السالفه لسابع جار
بس من كم سنه إتخذت الإجراء الصارم معها
لاسوالف ولا كلام غير السلام وكيف الحال؟ وأشوفها حسب زيارات الاهل بالشهر مره ..

وقريبتك خلي علاقتك فيها سطحيه بس لاتقطعينها القطيعه حرام وإذا زرتوهم خليك جالسه عند امك ماتجلسين وياها بروحكم ..
والأفضل كلميها باللتي هي أحسن لعل الله ينزع مافي صدرها ..

والله يهدي الجميع