[شموخ الأمل]

بجـــد ضحكت من الخاطر .. الله يسعد أيامك الجوري

وتتخرج من الخيمــة وتصيري من الحريــم اللي ينشد فيهم الظهر
لعريس المستقبل ;)

حبيبتي حنين ما شاء الله عليك .. خلاص البوفيه عليك > خيمة بنات العصيمي مو سهله
لا بجــد استفدت منك غاليتي ..

ننتظر الأكلات الشعبيــة بنــات لا تنسون ..
ونعرف ونتعرف على الأكلات الشعبية الخليجية أكثر .

وأنــا بحضر لكم فطيرة بالجبن والزعتــر .. لكـن لا تستعجلون علــيّ .

بنات الله الله بالعقل والرزانه > تنصح الأخت
لا يتبرأ منا الدكتور ويقول بناتي عاقلات شصار لهم ؟!!

وهذي دعـــوة منـــي لأختنــــا الابتســـــــام .. ننتظرك غاليتي . ;)

[جوري الشرقية]

ما شاء الله عليكن

أقول ما عليكن أمر عندكن وصفة حلى بارد سريع وحدة تتشرط

[@ حنين @]

ياهلاا وغلااا في البنات السنعااااااات ..............

شموخ الأمل ولايهمج ياعيوووني بوفيه المنتدى علي ( صنع يدي وحياة عيني ) بالعافية مقدما ..........


جوري غالي والطلب رخيص ......... استلمي هذي الوصفة ............


المقادير:

1 علبة قشطه
1 حليب نستله المركز حجم وسط
1 كيس كريم كرامل
1 كيس دريم ويب
1 علبه بسكويت شاي
ربع فنجان شاي حليب سائل
علبتين كيك العائله (ساريتا) المموج بالفانيلا والشوكلاته ..ممكن تستخدمي كيك جالكسي بالشوكلاته يطلع احلى واغلى او كيك يمامه ...
كاكاو هيرشي السائل جاهز

الطريقة :

في الخلاط الكوب نضع جميع ماعدا الكيك والكاكاو طبعا البسكويت نكسره عشان ما يكسر الخلاط ...ونضيف الحليب بالتدريج..
نحضر الصينيه البايركس ونقطع الكيك ونرصه فيها ثم نصب الخليط ونزينها بخطوط الكاكاو وباالشوكه نسوي تموجات يصير شكلها رخامي ودخلوها بالثلاجه لحد ماتبرد وبالعافيه عليكم مقدما ...............


أختكم في الله :

@ حنين @

[هوازن]

ريحة الطبخ والطعااامة .. جابتني من المتواجدين ركض للخيمة


ماشاء الله مالذ وطــــاب في خيمة البنات ..!!!

مادرينا عندنا سنعات !!!

على كل حـــــال التجربة خيــر برهان ..

[ورد الريـاض]

السلام عليكم



ياربيه يابنات تراني متغلقه من الطبخ توني خالصه ومغسله المواعين

وانتو هنا بعد تطبخون :(

الجوري عندي حلا يهبل بس مو الحين لين اروق واتقهوى

حنونه ماشاء الله اجل طباخه
حبوبتي كتبتي
(

صنع يدي وحياة عيني

ترى حرام مايجوز فيها حلف بغير الله وانبهك لاني عارفه انك ماتدرين
ونستغفرك لما لانعلم
الله الله بالبوفيه ياحنونه اكيد بيطلع مسكت

حبوبتي شموخ كيف الحال مع رمضان تمام

على فكره حنا بنات منتدى العصيمي مو بنات العصيمي

[الزاهرة]

ما شاء الله على مشاركاتكم ما خليتوا لنا شيء

وهذا اللي عندي

هذي طبخة للبنات العجازات مثلي

واللي تبغى تستغل وقتها في رمضان بدل الطبخ والنفخ طول اليوم

واسمها :البيتزا السريعة:

المقادير:

صلصة الطماطم
زيتون
جزر
جبن موزيريلا

>>>وأهم شيء خبز توست<<<

ادهني وجه الخبز بالصلصلة وحطي الباقي وانتم عارفين.

ثم أدخليها المايكرويف 30 ثانية إلى 1د، يعني يسيح الجبن.
وبالهناء والعافية.

أما الفرن خليه لأهله، اللي عندي يسوي لي فطاير مشوية.



،،،،،،،،،،،،،،،،،،

الأكلة الثانية


مكرونة البيتزا


اسلقي المكرونة واخلطيها بجبن سائل يفضل جبن بوك، أو قشطة الخفق.
وضعيها في الصينية

ثم ضعي لحم مفروم مطبوخ مع صلصة الطماطم على الوجه .

ثم زيتون أسود شرائح

ثم جبنة موزريلا
وادخليها الفرن إلى أن يسيح الجبن وبالهناء والعافية.

وشكرا لك جوري على الموضوع الحلو

[جوري الشرقية]

يا عمري يا هوازن داخله ويدكِ فاضيه ،،، و معها شوكتها و سكينها بعد،،، أقول عودي لبيتكِ ،،، و هاتي شيء،،، و لا






حياكِ الله ،،، أنتِ نور المكان








ماشاء الله عليكِ @ حنين @ طباخة ماهرة ،،، أجل راح نعطيكِ الإشراف على مناسبات الموقع،،، تسلم يدكِ






هلا و غلا

قمر الرياض عندنا ،،، يا مرحبا يا مرحبا

أقول قمورة متى تجبين الوصفة الخوف تلهيكِ القهوة عني ،،،







بنات تدرون وش صار فيني أمس الله لا يوريكن لفيت السمبوسة ،،،

و خلصت بعدين بدال ما أحطها على الطاولة تدرون وين وديتها ،،،










في الزبالة وأنتم بكرامة

الكل جالس يطنز علي


أقول شموخ وين طبختكِ و لا احترقت

[@ حنين @]

جوووووري ههههههههههه

في وقت العزايم والحفلات أنا مووووجوده ! ولايهمك يالغالية .......

بالنسبة لسمبوسة ولايهمك راح أطرش السايق على بيتكم , بس أنتي ماقلتي لي تبين سمبوسة جبن أو لحم وخضار ؟!


قموره مشكورة يالغالية .


وحياااااااااكم الله .......



أختكم الطباخة :

@ حنين @

[جوري الشرقية]

ما شاء الله عليكِ يا الزاهرة ،،،،

عصر السرعة ،،،

و الله انكِ صادقة ،،، الفرن خليه لأهله ،،،

الله يسلم المايكرويف ،،،

على فكرة هذا الخيمة من أفكار شموخ الأمل ،،، الله يبارك فيها،،،

[جوري الشرقية]

ما تقصرين @ حنين @ ،،، بارك الله فيكِ

أقول @ حنين @ عندكِ سايق طيارة عشان أسرع