[ابوعمرالنصار]

السلام عليكم ورحمة الله وبركاته ،،،

هذه قصيدة قرأتها في إحدى المواقع فيها عبرة عظيمة اتمنى الإستفادة منها ،، صحيح إن القصيدة فيها كسور ، بعض الأابيات كسرها مثل كسر الإصبع وبعضها كسرها مثل كسر الحوض ،، لكنها مؤثرة فأحببت أن تقرأونها :
=================
قصيدة روعة
..

قصة بنت كانت تطالع
واحد بعين قويه

المهم الرجال طلع شاعر
وما قصر فيها بكم بيت عشان تتأدب

لكن المفاجأه هي ؟؟؟؟

وش صار؟؟

تابع القصيدة

يقول:

كل شبر بهالوسيعـه ملـك ربـي تعلميـن
وأعلم إن اللي خلقني هو اللي خلق لـك هالعيـون
لكن انتي من جلستي وانتـي فينـي تحدقيـن
كنه ما به ناس غيري بهالكراسـي يجلسـون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون
ع الأقل لي ناظرتج سـوي روحـج تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـج جآزم لا ركـادة ولا حيـاءٍ يـذكـرون

تعرفينـي ؟! أعرفـك ؟! ماأذكـر إنــا ملتقـيـن
لا أعرفج من تكوني و لا تعرفي مـن أكـون

واتطمني إن كان قصدك بس فينـي تشبهيـن
مو آنا إلي تعرفيـه والبشـر يتشابهـون

مـا دريتـي من التشابـه يخلـق الله أربعيـن
وأعرف أربع يشبهونج بـس والله يستحـون

وإن كان قصدج شي ثاني عاد قولي شنو تبين
خايف إن نصير فرجة وإللي ماشتروا يتفرجـون

وإذا ببالج اني عاجبج لا يحوشـك تحلميـن
صج ربعي من جمالج فيـج صـاروا يمدحـون

بس شنو لي في حلاتج دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيج هـذا مـع حلاتـج تبشريـن
مو بس آنا ترى ألف غيري بـاب بيتـج يطرقـون

وش علامج رغم كل اللي أقولـه وتسكتيـن ؟
مو طبيعي هالسكوت وهالبـرود وهالسكـون؟

إنتـي خرسـا ؟ أسألـك ولا ما تسمعيـن؟؟
قالوا ربعي هذي كفيفـة ! قلـت لا لا تمزحـون !!!؟؟؟

لين شفتج يوم رحتـي يمسكونـج باليديـن
ما دريت إلا عيونـي أربـع أربـع يذرفـون

آه ياااا من مشهـد يـوم شفتـج ترحليـن
جيت اشوف عيون ربعي لقيت الكـل يدمعـون

يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده لي خطا وهـل تغفـرون؟؟؟؟