[الهديل]

السلام عليكم ورحمة الله وبركاته

لقد ترددت كثيرا قبل كتابة هذه الكلمات00ولكن بصراحة مش قادرة وفاض بى وطفح الكيل000حتى بللت وجنتى الدموع00

انا مش عارفة ابتدى ازاى000بس كل اللى اقدر اقوله انى حاسة انى انسانة غير مرغوب فيها000لماذا00لأنى ممتلئة الجسم00لا تظنون اننى لا ادخل من الباب00ولكننى ممتلئة00حتى لو ما كانش بصورة فظيعة 00بس تعبت وسئمت00افتح التلفزيون الاقيهم طول النهار والليل يتكلموا عن السمنة والبدانة00ونظم الريجيم00وان الانسان البدي نشكله مش حلو00وانه غير مرغوب فيه00حتى ان اطباء يقولون انهم لا يحبون البدينين00والناس فى الشارع وفى العيلة والمعارف00يقولوا نفس الكلام ويعطون النصائح000من اعطاهم هذا الحق كى ينصبوا انفسهم آلهة يحكمون من هو القبيح ومن هوالجميل وان هذا مرغوب00وهذا غير مرغوب00ويعمموا الفكرة00هما عايزين الناس كلها حجم واحد00ما ربنا كان قادر يخلقهم كده من الأول00وربنا اراد لى أن اكون على هذه الصورة00ومع انه حجب عنى نعمة الجسد الرشيق00إلا أنه منَّ على بالكثير والكثير 00اللى الناس اللى حوالى بيحسدونى عليه00ماشاء الله ولا قوة الا بالله0فالحمد لله طول عمرى متفوقة وأنا الآن طبيبة00ومش بس كده ده انا معيدة0000والحمد لله عرفت فى نفسى مؤخرا من خلال الناس صفات والله كنت اجهلها فى نفسى00مثل اننى طيبة وحنونة وعلى خلق ومرحة000 والحمد لله انا متدينة واحاول التزود قدر استطاعتى والحمد لله اعلم كثيرا فى شئون المنزل ولى هوايات واستطيع تحمل المسئولية لحد كبير00على عكس كثير من التافهات آلآن اللى مبيفكروش غير فى المانكير والبادكير00والحمد لله مهتمة بلبسى والناس تقول انى شيك00ومهندمة00والحمد لله اهلى كويسن جدا00والحمد لله مستواى الاجتماعى والمادى كويس000والحمد لله الناس تقول شكل وجهى جميل00بقى بعد كل النعم ديه اروح اقول لربنا انت خلقتنى ليه على هذه الصورة00وجعلتنى ليه قابلة للزيادة فى الوزن00

انا بصراحة قرفت من الناس اللى تتدخل فى اللى مالهاش فيه00يعنى هما فاكرين نفسهم كاملين من غير عيوب00وانا من كتر ما سمعت 00اصبحت اكره من يسخر من أى شخص امامى 00لأنى اتكويت بالنار00 ليه يتناسوا كل الصفات الكويسة ويكبروا النقص00اللى هو موجود عند كل انسان000ليه عايزين يكسرونى000

ويقولوا كمان فى الطب00ان السمنة تقصر العمر وانها تسبب الضغط والسكرو0000000000000نسيوا ان ربنا هو اللى بيسبب الأسباب00ونسيوا ان الأعمار بيد الله ولكل أجل كتاب00أعزوا الموت للمخلوقات والمسسبات00ونسوا انه آت لا محالة مهما كان السبب00وان مفيش حاجة بتطول العمر00كلها مسببات اكتشفها البشر00لكن الأجل مكتوب قبل أن نولد00
وقال ايه يقولوا مش هتجوزى00طب ماانا لى زميلات بدينات تزوجن وانجبن00ربنا يبارك لهم00ولو كان ده سبب منع زواجى00فهذا لأن الله سيحجب هذا الرزق عنى لحكمة ويكون هذا سبب أيضا00

يا جماعة أنا مش قاعدة طول النهار فى المطبخ ولا جايبة مركب وقاعدة اعوم فى الحلّة (آنية الطهى يعنى)00أنا قابلة للزيادة والنقصان زى أى انسان00بس من كتر الضغط على زهقت00حتى اننى عندما اتضايق آكل من همى 00

اعمل ايه عشان اريح الناس 00انزوى ولا اقول ( اللهم ان كانت الحياة خير لى فأحينى وإن كان الموت خير لى فأمتنى) أنت أرحم الراحمين وأنت ربى 00وأنت وحدك من لا تحاسب الناس بصورهم00زمانكوا انتوا كمان شايفنى فى صورة غير مرغوب فيها00

عارفة ان ناس منكم هتكون ضدى00وناس هتتعاطف من باب الشفقة00وناس من باب المجاملة00بس يمكن بعضكوا يغير وجهة نظره فى نظرته للناس على أنهم أقل جمال00ويغير مفهوم الجمال الجسدى الزائل00الى الجمال الخلقى الروحى الدائم00

عارفة ان اسلوبى فظ00بس لو كنتم مكانى00كنتم هتبقوا اكثر من كده00

اللهم رحمتك أرجو فلا تكلنى إلى نفسى طرفة عين00وأصلح لى شأنى كله لا إله إلا أنت000

اللهم إن أشكو إليك ضعف قوتى وقلة حيلتى وهوانى على الناس00أنت رب المستضعفين00وأنت ربى00إلى من تكلنى 00إلى عدو يتجهمنى أم إلى بعيد ملكته أمرى إن لم يكن بك غضب على فلا أبالى 00ولكن عافيتك00هى أوسع لى000أعوذ بنور وجهك الذى أضاءت له الظلمات00وصلح عليه أمر الدنيا و الآخرة من أن يحل بى غضبك أو ينزل بى سخطك00لك العتبى حتى ترض ولا حول ولا قوة إلا بك00000