[يمامة الوادي]

عادت البسمة على وجه الحياة..أشرقت شمس الفرح بعد الحزن.. وكل قلب هز سلطان هواه..عاد سلطان القلوب إلى الوطن.

عودة سمو الأمير سلطان بن عبدالعزيز ولي العهد الأمين حدث كبير يبهج القلوب والعيون


وهذه مجموعة من أجمل ماقيل في سمو سيدي الأمير سلطان


يقول الأمير خالد الفيصل :





ليـت المـرض ينقـل عـن اللـي نـودّه


والله لاشيله عن غلا الناس سلطان


شـيـخ جمـيـع الـنـاس ذخــر تـعــدّه


إن ضـاقـت الأيــام واشـتـدت أزمــان


ملجـا الرفيـق ومـن بعـد كـان ضــدّه


حتى العدو ينصاه لي ضاق به شان


محد(ن) وصل بالجـود والطيـب حـدّه


وانا اشهـد إنّـه أكثـر النـاس إنسـان


كم واحد(ن) عـن لحظـة اليـاس ردّه


حتـى زرَع لـه بالأمـل روض بسـتـان


أمّـا الشجاعـة فاسـأل الـلـي يـنـدّه


وعـزّي لمـن لاقـاه سلطـان غضبـان


يمنـاه إذا هـمّـت بحـصـن(ن) تـهـدّه


ويسـراه يـامـا عـدلّـت راس غلـطـان


وكل(ن) عطـاه الله مـن الحمـل قـدّه


ونصيـب ابوخـالـد هــزع كــل مـيـزان


وتضـحـك لـهـا عيـنـه وسـنـه وخــدّه


ما كنها إلا ريشة(ن) شالهـا حصـان


يـــاالله يـاربــي مـــن الـعـمـر مـــدّه


كـم عيـن محـتـاج ترجـلـه باحـسـان


الطير يا عمي باسميه سلطان

يا حيث به من شخص عمي مواري

طير السعد طير الهدد طير حوران

صقر الرجال أصخا بصقر الحباري

كلٍ على جنسه رفيع وله شأن

وأنا بهم يا أهل المعرفه أماري

عمي صليب الرأس عمي كحيلان

عمي على كسب النواميس ضاري

وقوله أيضاً:

لا بأس يا من له على ما قسا باس

عدّاك يا سلطان ربي خطرها

تسلم وتبقى للشرف رافع الرأس

يا فرحة المضيوم ساعة كدرها

يدعون كل الناس من كل الأجناس

والله يقبل ما دعي لك بأثرها

حبك غدا بقلوبهم ما له قياس

كم واحدٍ نفسه لنفسك نذرها

شوفك وذكرك للرجاجيل نوماس

اللي يدركون الأمور وخبرها

من حبه الله سخّر لحبه الناس

والله يخص بنعمته من شكرها

وأشير هنا إلى قصيدته الشهيرة:

عند الموادع دمع عيني غلبني

طاحت بي الدمعة على كف سلطان

أحب يمنى عمي اللي حشمني

ومن لامني في حب سلطان غلطان

شيخٍ بالأخلاق الكريمه ملكني

بالمرجله فارس وبالرحمه إنسان

ومن يزرع المعروف لا بد يجني

ومن يفعل الإحسان يجزى بالإحسان

واللي يريد المجد لا بد يبني

في قلوب وعقول المخاليق بنيان

أفاخر بعمي على الناس وأثني

ويستاهل البيضاء سلايل كحيلان

له موقفٍ عند الملمات يثني

سلطان موقف والتجاريب برهان

إلي انتهض يكفي وإلي مد يغني

وإلي تكلم كل شيء معه لان

وإلي وعد يوفي وإلي قال يعني

وإلي ارتكا للحمل شاله بليهان

بالطيب جاوز كل هقوه وظنّي

الله يوفقه السعد وين ما كان

كذلك من اروع القصائد التي قيلت





هذه الأبيات قالها الشاعر / شاهر العنزي ( سيــــــف عنزة )
في امسية قلطة الوطن بمناسبة عودة صاحب السمو الملكي ولي العهد
الأمير سلطان بن عبدالعزيز من العلاج حفظه الله ورعاه





مرحبا يا سيد الجود سلطاني
يا ولي العهد يا مساعد البالي


يا زعيم تفتخر فيك الأوطاني
والثناء والشكر لله سبحانه


عودتك في خير لأرض السعودية
بالسلامة بعد رحلة علاجية


أفرحت كل الشعوب الخليجية
والثناء والشكر لله سبحانه


أنت حبك في قلوب الملاييني
يا وريث المجد يا ابن السلاطيني


جعل يومك عام وشهورك اسنيني
والثناء والشكر لله سبحانه


يعجز التعبير لا يوفي اوصوفك
كم مسحت دموع الأيتام بكفوفك


يا حلو فعلك وياطيب معروفك
والثناء والشكر لله سبحانه


أنت عنوان المكارم الأمجادي
افتخر بك مثل ما تفخر بلادي


سيدي يا سيدي سيد أسيادي
والثناء والشكر لله سبحانه


قلتها والراس في مدحكم طايل
شاعر موهوب والأصل من وايل


لابــــة يوم القسا تنطح العايل
والثناء والشكر لله سبحانه





قصيده ترحيبيه بمناسبة عودة الامير سلطان بن عبدالعزيز حفظه اللهبعد شفائه



قالها الشاعر عبدالله بندر تركي الشيباني




قولوا معي ياساكنيـن الجزيـره


قولوا هلا باللي حياتـه نذرهـا

قولوا لبو خالد دروبك عسيـره


لاحدا تهمقاها ولاحـدا عبرهـا

تعبر بنا عبر البحـور الغزيـره


امواجها ماردتـك عـن بحرهـا

في راي ابو متعب زعيم المسيره


اللي الى طالت برك وختصرهـا

يديرها بالفكـر وهيـه خطيـره


حتى يخفف عن بـلاده خطرهـا

والجيش يفخر بالمليك اوزيـره


سلطان هو عز الجيوش وافخرها

يامرحبا من كل فخـذ وعشيـره


ومن القلوب اللي فرحها غمرها

باللي رعى جيشه ابصر وبصيره


حتى المحبه في جنـوده بذرهـا

مانحتمل فرقاه لوهـي قصيـره


قلوبنا سيطر عليهـا واسرهـا

وفي عودته كلن يعبـر ظميـره


بعد شهـور طايـلات انتظرهـا

الجيش كل الجيش يفرح باميره


فرحه عظيمه ماتوصف صورها

والهرج تكفي بلغته عن كثيـره


نامت عيونن طولت فيسهرهـا



من تجميعي
يمامة الوادي