[سواليف أمي]

أنا جربت فكرة حلوة ونجحت نجاح باهر ويكون لك أجر إن شاء الله يعني ربح دنيوي وأخروي
أروح للمحلات الغالية مرة وأختار من فساتين السهرات الحلوة واصورها او ارسمها زين واكتب معلوماتها نوع القماش والألوان
ثم أعود لمنزلي بعد أن أجمع لي خمسة والا ستة موديلات بس لازم تكون من محلات مشهورة وطبعا أعدل الموديل العاري أتفنن بإضافة أكمام موديلها حلو واغلق الفتحات حتى يتكون لدي نفس الفستان المشهور لكن مناسب للمسلمات واشتري الأقمشة من محلات في وسط البلد علشان تكون رخيصة وأدخلها للخياط الهندي واشرحله بوضوح والمقاس كل موديل سويله مقاس مختلف عن الثاني ولا تنسين صاحبات الوزن الثقيل تراهم مايلقون بسهولة اللي يناسبهم وهكذا حتى تجمعينهم أشتري أكسسوار ناعم وضعيه هدية مع الفستان ووديه لأصحاب المولات تراهم يجيهم ناس فيهم خير يبغون الساتر بس مايلقون بسهولة إما أن راعي المحل بيشتريه منكي أو بيعرضه للبيع مقابل مبلغ له وكلها حلوة .
حتى الأطفال نتمنى لهم فساتين مستورة مثل المسلمين لكن مافي السوق إلا إللي يغضب الله فأنا أهيب بكل أخت تمتلك الذوق الرفيع للأزياء أن تتحرك بسرعة لأنقاذ بناتنا من العري واحتسبي الأجر عند الله
ووالله العظيم أني سويت فستان بسيط ولكن جميل ولم يكلفني اكثر من 200 ريال وعرضته في العقارية وبعد اسبوع اتصل صاحب المحل قال موافقة تبيعيه 1900 ريال وله 300 ريال اتعاب قلت نعم وكسبت 1600 ريال والحمد لله
اجتهدي واستغلي اوقات المناسبات مثل الأعياد جهزي لها كمية ورتبيها عندك وقبل رمضان وديها للمحلات وقبل مواسم الأعراس فساتين للحفلات وهكذا تكسبي وتعزي دينك وأشكر كل من تتفاعل مع موضوعي هذا فهو مهم جدا فالنصارى أصبحو يتحكمون حتى في لبس بناتنا ............... أرجوا الثبيت لأنه مهم جدا جدا .........................