[مـلاك]

لاصرت بايـعني اشوفـك على خيـر
مــع الـسـلامـة دام مابـه ســـلامـة
قلت انـتـهينا قـلت لك خير ياطير
ماني باول شـخص يـخـسر غـرامه
\\
مـحـذرك من قـبـلـها ألـف تحذير
لا عـفـتـني بـيـعـيف قـلـبي هيـامه
مـاني بـميت لا ولا احتـاج تـبريـر
صـح اللـه لسـانك ووفـر كـلامـه
\\
بسـمعـك حـبـكة وفكـرة وتـصـوير
وافـهـم عـدل يـا مـدعي بالـفـهامة
وجـه الشعـر أبيـض ويـحتاج تغـيير
ودي تـزيـن هـالـقـصـيـدة عــلامـة
\\
ماضيك الاسود بذكره دون تقصير
كــذا يـكون بـخده الشعـر شـامـة
يـصدق معي تعبيـر ويـخون تعبيـر
ياضيعة الشاعر في وقت انسجامه
\\
يـمكن خـطا أدونـك بـالشـعـر ميـر
لو ما احـترمتك للغــرام احـتـرامـه
ما كان حبك غير بس طعنتك غير
عـلـمـتـني مـعنى النــدم والنــدامــة
\\
مـا جــاك منـي أي زلـة و تـقـصيــر
كل مـا خــطيـت أعـاتبك بابتسامة
حسبي على الذكرى اذا هبت عصير
مـا عـاد تـنـفع شـرهتـي والـمـلامــة
\\
البــال ضــامـي وقـتـها والحـزن بـيــر
خـسـرتـك وهـمـي كـسبت اهتـمامه
والليــل فـازعـلك كـذا جـاني مـغــير
ظـلـمـتـني واكـثر ظـلـمنـي ظـلامـه
\\
لاقبل علي أوحيت صـوت المسايير
وفـزيـت كـل ضـيـف أقـوم بـمقامه
ولـيـا عـزم هـاللـيـل ضيـقة وتـفـكيـر
قــلـي بـربـك كـيـف بـقـدر أنــامـه
\\
مـافـيـه داعـي للـعـتب والـمعـاذيـر
الـغـدر خـال الجــرح واطـيب عمامه
ان مـا يـجيب اللـه مطـر تـالي وخير
والا السلامة ماش ما من سلامـة

×
×
للشاعـر المبدع محمد جارالله السهلي