[؟؟؟؟]

دقت الساعه سكرتها وغفيت شوي 00 وفجأه فزيت من نومي وتذكرت اني باقي اوصل اولادي للمدرسه وقبلها باعبي بنزين لاني رجعت امس بلليل متاخره من عند ام محمد 000 يالله وشذا الوقت مايسعفني قمت اراكض بالبيت اصحي ذا واصيح على ذا لا وعندي موعيد بالمستشفى الساعه 9 لازم اكون هناك قبل الموعد على الاقل بربع ساعه المهم العيال صحيوو الي يفطر واللي يلبس وانا خلصت ولبست عباتي ونزلت قبلهم احمى السياره مع اني لين الحين مدري وش يعني يحمي السياره قبل يمشى المهم نزلت قبلهم ويقابلي جارنا سالم يصبح علي وانا ارد الصباح بكل ثقه هلاا والله ابو عبدالله شلون ام عبدالله والعيال عاد قلت في نفسي خلااص دامني صرت اسوق السياره واتكلم اصلا مع غريبين سواء في الورشه ولا المحطه ولا بااي مكان فابو عبدالله اولى جارنا ومنا وفينا المهم قالي اي خدمه قلت لا والله تسلم بس باقي اروح المحطه اعبي بنزين وودي العيال للمدراس قالي بالله لا تستحين عادي باساعدك باي شي !!! عاد استغربت من ابو عبدالله الا كنت امر جنب بيتهم يعطيني ظهره ويدخل من الاحترام بس قلت خلااص عادي اكيد علشاني صرت اسوق سياره المهم نزلو عيالي واللي مطاققه على المكان يبون كلهم يركبون قدام قلت مايخالف اليوم انت يامحمد تركب قدام وبكره الدور على اخوك اللي اصغر منك قالي زين يا يمه0 المهم مشينا شوي الا والسياره وقفت بوسط الشارع 0 لا اله الا الله !! وش فيها ذي واقوم وانزل منها وسوي نفسي فاهمه وافتح الكبوت واناظر وش اناظر مادري وين الله حاطني المهم وقفت شوي الا والفزعات من كل مكان تقولون صار حادث الرجال الله يذكرهم بالخيرر صارو يطامرون مطامره يبون يفزعون لي واحد منهم : ياهووو يللي تسوق ياليتي سياره !!! ماكمل الجمله الا والشنطه على وجهه وهات ياهواش تدخل واحد من الحاضرين قال : ياخي وربي انك قليل حياء وماتستحي 0 قاله ليه وش سويت: قال هذي جارتنا وش دخلك فيها ؟ طبعا صارو نص الرجال اللي بالشارع اللي جارنا واللي اخو جارتي واللي من قرابتي كلهم يبون يفزعون ( لاحول ولا وقوة الا بالله ) وش هالمصيبة علي 0 المهم دخلت السياره الدنيا حر قلت عساني ابرد شوي لين افكر وش اسوي طبعا الاخوان باقي برى ينتظروني اقلهم ساعدوني فيهم من تدخل قال السياره مافيها بنزين قلت صدقت والله من امس مافيها قال خلاص ابروح اجيب لك تدخل واحد ثاني وقاله وش اللي تجيب لها فوضه هيه اقلك ذي جارتنا انا اللي بروح واجيب وكلمه من ذا وكلمة من الثاني واناظر الساعه الا وهي الساعه 8 لا اله الا الله عيالي فاتتهم المدرسه وفتح الشباك واصيح فيهم خلاص اي واحد يروح يجيب راح واحد الحقيقه انه كان انشطهم وشكله متعود على الفزعات للي مثلي المهم جاب البنزين صبوه في التانكي وحطيت المفتاح والحمد لله تحركت السياره قبل امشي واحد قرب من القزاز اللي عندي ودق عليه قلت الله يستر لايكون في السياره شي ثاني وفتحتها الا ويقط كرته اللي مكتوب فيه رقمه وطبعا الكروت ملى يده الظاهر بس داير يوزعهن على اللي يسوقون المهم قلت دام الساعه 8 خلاص والمدرسه فاتتهم اجل برجعهم للبيت واروح موعدي في المستشفى الساعه 9 ورجعتهم للبيت ورجعت بسرعه وانا على الطريق العام الا واسمع صوت ومشيت عادي الا والسيارات اللي جنبي تسمع بس البواري قلت يمكن مثل عوايدهم بطنش الا واكثر من واحد يأشرون على الكفر 0( لا اله الا الله ) وش هاليوم الاقشر 0 المهم وقفت السياره على جنب الطريق والدينا حرموووت وناظر في الكفر واقول في نفسي وش اسوي فيه ذا طبعا مامداني اطلع من السياره الا والشباب ماشا ءالله عليهم مثل الرز وين مالتفت كل واحد يبي يخدم وبس وطبعا لاننسي الاوراق اللي هم كل ليله قبل لاينامون يكتبون فيها ارقامهم بس علشان في الصباح من يوم يروح الواحد لشغله لين يرجع لبيته وهو بس يقط ارقام لذي ولذي المهم قلت وش السواة ياشباب ؟ عاد صرنا عادي نتكلم معهم لانهم صارو وين مانروح لازم يكون كلامنا معهم مباشر مو مثل اول المهم 0 قال واحد انا اقترح انك تجي اعزمك على الفطور لين اخوياي يغيرون الكفر المبنشر ناظرت له نظره ثاقبه ( حلوه ثاقبه ) وحنا اصلا اللي جبناه لنفسنا 0 المهم سكت ومارديت عليه وقلت اللي يقدر يغير الكفر يغيره طبعا الشباب ماقصرو ولا ننسي التجمهر اللي حول سيارتي وانا بالسياره الا واشوف جارتي ام عبدالله جايه بالكورلا من الشارع الثاني اشرت بيدها لي ولفت من اول لفه وجات طبعا المنظر ماخوفها لانه صار منظر طبيعي تجمهر الشباب في اي شارع وعند اي اشاره وعند اي محطه وعند اي ورشه لا وفيه منهم الله يجزاهم بالخير من تطوع لخدمة النساء في الشوارع في وسط القايله ماهمه بس المهم ان يقط رقمه لاي وحده يشوفها وفي الليل ينتظر الحصيله !!! المهم جات ام عبدالله فرقت جمع المتجمهرين طبعا هي عوايدها تلبس العباه اللي على الراس وهي واقفه تناظر في اللي يسوي الكفر الا وواحد يسحب عباتها من على راسها الا والعباه تطيرر في الهواء وش هالفشيله وعيبااه يام عبدالله 0 المهم راحت بسرعه لسيارتها وما بقي الا الطرحه والغطوه عليها وكانت لابسه لبس رياضه وتدعس على البنزين وماسمع الا وذي الفحطه ( والله خطيره ام عبدالله ) المهم كلمتها جوال قالت خلاص انا دخلت البيت 0 ناظرت للساعه الا وهي 11(لا حول ولاقوة الا بالله ) فاتني موعد المستشفى 0 والشباب قاعدين يتميلحون بعدهم ما صلحو الكفر واحد كان بينهم قال : اختي انا بصلحه قلت زين جزاك الله خيرر بسرعه باقي اروح للسوق اجيب اغراض للغداء0 غير الكفر وانا بالسياره ماقصر قلت سبحانه الله فيه ناس محترمين مامداني اكمله الجمله بخاطري اللي وهو يرفع يدينه على اذنبه ( يعني الجوال ) فتحت الطاقه وسبيته وقلت انت ماتستحي 0 قال اجل انتي اللي تستحين اصلا لو فيك خير ما سقتي سياره وصرت عرضه قدام الكل ووتتكلمين مع الكل 0 بصراحه تفشلت حيل وكان ودي الارض انشقت وبلعتني المهم كملت مشاويري ورحت السوق اشتريت اغراض وطبعا اشتريت اغراض كثيره للبيت من ضمن اغرض الغداء المشكله الحين منهو اللي بيشيلها عني بس قلت في نفسي اكيد اهل الخير واجد دفيت العربيه وحاسبت وانا طالعه الا والشباب نفس الطريقه مرتزين مسوين عقد لولي عند باب السوبر ماركت اللي يقط رقمه لوحده واللي يتكلم مع وحده واللي تركض منحاشه من مجموعة شباب وهم يطاردونها ( لاحول ولا قوة الا بالله ) كنا في غنى عن ذالك 0 المهم فزعو الشباب كعادتهم وانا بعد خلااص دامني صرت اسوق سياره حسيتني مثلهم قلت مشكورين والله تفضلوا معنا للغداء << من باب المساوه بالرجل >> الا وماصدقو على الكلمه قلت انثبررو وطلعت سياراتي واذا فيه مجموعات مثل العصابات تطارد كل سياره تسوقها امرءاه وانا اسوق باسرع ماعندي والشباب يحاولون يصدمون سيارتي وانا اسرع وانطل على اليمين الا وانا بصبة اسمنت ووبعدها ماحسيت بشي اغمى علي واصحى على صووت جرس الساعه وانا اردد (( الفزعه يادكتور آل زلفه )) وانظر جنبي الا وانا في سريري حمدت الله وشكرته انه كان كابوووس ولم يكن واقع0



الي من يطالب بسواقة المرءاه للسياره اقوول له 0 أين الدين ؟ أين الاخلاق؟ أين العادات والقيم ؟؟؟ اين واين واين ؟؟؟ لقد ضربنا بها عرض الحائط عندما طالبتم بذالك 0 انكم بطريقتكم هذه تدعون لكل ماهو مخالف للدين فبالله عليك هل المرءاه تعيش في مجتمع كله نساء ؟اليست قيادتها للسياره ستجعلها لقمة سائغه لكل ذي نفس مريضه اليس في قيادتها للسياره احتكاك مباشر مع الرجل ؟ قيادة المرءاه للسياره سيفتح ابواب نحن في غنى عنها 0 انا كأمرءاه اعتز بديني وافتخر به فهو قد صان حقوقي وجعل لي مكانة عاليه لم تصلها اي امرءاة غير مسلمه الاسلام كفل حقي وجعل هناك من يقوم على خدمتي وراحتي فلماذا اهد عرشي ومملكتي بيدي؟؟؟ اهو لارضي اصحاب تلك الافكار الهدامه والتي تتنافى مع ابسط امور ديننا 0 هل هو دعوة للمساوه مع الرجل في ظاهرها في حين هي مسح لهوية المرءاه المسلمه المحافظه ! لا والف لا عني وعن نساء مجتمعي المحافظ والذي يشار له بالبنان لما يحمل من اخلاقيات اسلاميه وسلوكيات راقيه بعيده عن اي غزو فكري هدفه الغاء هويتنا (يادكتور محمد آل زلفه ) مع احترامي لك لكن كنت اتمنى ان تطالب بامور تهم المرءاه وترفع من مكانتها في مجتمعنا لا ان تحط من مكانتها فنحن قدوة لكل نساء العالم فلماذا هذه المطالبه الغريبه وبهذا الوقت بالذات ؟؟؟؟ارجو ان ترجع عن رايئك فيما يخص هذا الموضوع فكون وجود السائق هو مادعاك الا قول ذلك وكونه اجنبي 0فأين انتم يارجالنا يامن ننظر اليكم بعين الاحترام ولخوف علينا اين انتم ؟ لماذا لا يكون الرجل هو من يوصل المرءاه الي الي مكان تريده طالما حجتك هي الخلووه ليست كل امرءاه تخرج مع السائق لوحدها فاكيد هناك ابنائها وبناتها وان لن يوجد من يكون معها فهي بأذن الله لن يكون هناك خوف عليها فنحن طوال السنوات الماضيه والسائقين يرزحون في البيوت لماذا لم نسمع اي مشكله منهم اتدري لماذا ؟ لاننا كسعوديات لايمكن ان نرضى بالغلط فلواحده منا حتى وهي تجلس لوحدها مع السائق فهي قد رسمت تلك الصوره والتي هي صوره حقيقه وليست مزيفه عن المرءاه المحافظه التي تخاف ربها في السر والعلن وصدقني حتى السائقين يعرفون عنا ذالك من قبل ان يطئوا ارضنا 0 فكيف لك ان تاتي بين ليلة وضحاها وتطالب بما قد طالبت به زمره ممن ينظرون له من باب المساواه والانفتاح والحريه 0انا اري ان هذه المساواه وهذه التحرر وليس حريه هو معول هدم في مجتمعنا الاسلامي المحافظ فقد عجزوا في تدميرر مجتمعنا المحافظ فدخلوو مدخل هو لو حصل سيكوون بالفعل نهاية هذا المجتمع لان قيادة المرءاه للسياره سيكون مدخل لكل امرءاة لاتخاف ربها ولكل رجل ليس عنده ضميرر ولا اخلاق فبالله عليك اما ان تطالب بما هو خيرا لنا ولرفعتنا وام غيرر ذالك فلسنا قاصرات حتى نجد غيرنا من يرسم طريقنا وحياتنا 0 ان اي كلمة يقولها الانسان الله سوف يحاسبه قال تعالى(( لايغادر صغيرة ولا كبيرة إلا أحصاها ووجدو ماعلموا حاضرا ولايظلم ربك احد ))و قال صلى الله عليه وسلم ( قل خيرا أو اصمت ) وقال ( من سن سنه حسنه فله أجرها وأجر من عمل بها من غير أن ينقص من اجورهم شي ) وقيس عليها العكس وهو ماطالبت به ارجوو ان ترجع عن رايك فنحن لانريد ما تطالب به باسمنا وان كان من منهن نفس افكارك الدخيله

فهن يمثلن انفسهن فقط ولا يمثلن مجتمعنا بل اكاد اجزم بانهن قلة قليله ممن تأثرن بافكار الغرب ومتطلباته والتي هي معول هدم لمجتمعنا الاسلامي فأنا افتخر اني سعوديه اطبق تعاليم ديني بكل مافيها اعتز بقيمي وعاداتي وتقاليدي والتي لو انسلخ الانسان عندها لاصبح مسخ جسد بلاروح تعلوو هامتي للسماء ويداي مرفوعة شكر لخالقي الذي حفظ حقي وكرامتي وجعلني كالملكه التي تجلس على عرشها وتشير ببنانها لتجد من يخدمها فحمدا لله على نعمه علي والشكر له ( اللهم لك الحمد كما ينبغى لجلال وجهك وعظيم سلطانك)

اعذرووني جدا على الاطاله لكن الموضوع عندما قريته في الجريده شدني فأرتئت ان اشاركم هنا برايي
وصلى اللهم على نبينا محمد وعلى آله وصحبه وسلم تسلميا كثير