[أبو عامر الشمري]

بسم الله الرحمن الرحيم


اللهم اني اعوذ بك ان اشرك بك شيئا ً وانا أعلمه .. واستغفرك مما لا أعلمه ..


آلاف المعجبين يستقبلون البطل ..





هذا عنوان موضوع عن هشام في احدى الجرايد ..




الله اكبر .. سبحان الله


اين ذهبت عقول هولاء الناس وقبل ذلك اين ذهب الخوف من الله ..


قيل قديمااا .. اذا لم تستحي ففعل ما تشاااء ..



وقيل اذا ذهب الحياء حل البلاء ..



آباء مع بناتهم بانتظار هشام وامهات مع اولادهن بانتظار هشام ..


فواتير سددت بالمبالغ الخياليه .. احد اولياء الامور سدد فواتيره وابناءه بمبلغ 300 الف ريال لمن دفعهاا ..؟



في سبيل الله


لا والله وانما لكي لا يخسر هشاام .. ويرفع راس البلد ..

ولا يدري هذا المسكين انه سوف يسال عن ماله فيما انفقه ..

لا اطيل وانما اقوول .. الله يغفر لمن قمع الفتنه في مهدهاا وقمع الشر ومن احبط مخخط الحفله المزعوم اقامته له ..







قالوا الانذال جـاك الفـارس الشهـم الكريـم ـــــ حامل الكاس ورفع راس البلد هذا ( هشـام )

قلت يا عزي لكم ما عـاد باقـي بـه حكيـم ـــــ ماتـت الغيـره بكـم ماعـاد ينفعكـم كـلام

من فعل فعله سطل ما هو بطـل والله غشيـم ـــــ لا خذا مشي الغراب ولا خـذا مشـي الحمـام

يا زقينه يا حليله صاحـب الصـوت الرخيـم ـــــ قلت هذا ابليس زيّن للبشـر شـوف الحـرام

اختلاط ورقص وعيون الهوى صـارت تهيـم ـــــ في زوايا بيت عـار ٍ ممتلـي حـب وهيـام

هز وسط وقل ديـن ومشهـد يبـك الحليـم ـــــ وانتهـاك لحرمـة الله يـا عساهـم للعـدام

والله انْ اللي دفع ماله عبـث عقلـه سقيـم ـــــ سوف يُسأل عن رياله يـوم تنسـاق الأنـام

يحترق قلب الغيـور وينفطـر قلـب الرحيـم ـــــ يوم صار الجيـل همّـه بالأغانـي والغـرام

لا تظنـون البـلا هـذا جـديـد إلا قـديـم ـــــ ديننا صار الهدف .. هذا الهدف ( نشر الظلام )

والقضيه اكبر اكبـر ليـت تفهـم يـا فهيـم ـــــ غزو فكـر وهـز ديـن ٍ مستمـر ٍ بالـداوم

صاب سهم الغدر قلب الامه بجـوف الصميـم ـــــ وانتثر دم الكرامـه .. وانفـرد هـم الكـرام

بالقنابـل هدّمـوا دار الضحـيـه واليتـيـم ـــــ وبالصواريخ الحديثـه دخنّـت ارض السـلام

اصبحت ارض الرسالـه بالمدافـع كالجحيـم ـــــ بين تزهيق النفـوس وبيـن تكسيـر العظـام

يا ( اسود الامه ) اللي فالرمـادي بالخصيـم ـــــ حطـوا انـواع العجايـب حـي ذاك الانتقـام

وشوفوا ابطال الحجاره ويـش سـوو باللئيـم ـــــ مـا تهنّـى بالحيـاه .. ولاتهنّـى بالمـنـام

يهجدونـه بالحجـاره لاظلـم الليـل البهيـم ـــــ وكم شجيع ٍ خطط لقصف المعـادي بالسهـام

ناس تبـذل فـي سبيـل الله وتزهـد بالنعيـم ـــــ راجيه ما عند رب الناس مـن طيـب المقـام

وناس تبذل في سبيل ابليـس هـذاك الرجيـم ـــــ كلها.. ( تصويت كاذب لاجل ما يخسر هشام )

الله اللـي عزنـا بالديـن والشـرع القويـم ـــــ مع شرف خدمة حجيج الله ومسجـده الحـرام

مابه احد ٍ سوف يبقى .. لا تعـد انـك مقيـم ـــــ كل ابونا سوف نفنى والكفـن متريـن خـام

وكلنا بنمر مـن فـوق الصـراط المستقيـم ـــــ وحظ من عدّى الصـراط وفـاز بالجنـه ودام



للشاعر المعروف جزاء البقمي

ـــــــــــــــــــــــــــــ

منقول للفائدة