[نجمة الصبح]

[B][size=5][size=4]

]السلام عليكم ورحمة الله وبركاته


فشيله والله أصبحكم بهالموضوع لكن تحملوني والشكوى لله..


كنت أتسكع بين المنتديات وشفت موضوع بعنوان ( يابخت اللي براسه قمله ) !!!


والموضوع يقول (ان القمل علاج لمنع حدوث الجلطات بالراس لان القمل وهو يتحرك بالراس
يقوم بعمليه تدليك لفروه الراس ويقوم ايضا بامتصاص الدم الفاسد...
ليتغذى عليه وبذلك تجدد الدوره الدمويه... ولايحدث جلطات بالراس وبحثت بعالم النت عن
العلاج بالقمل وجدته معروف وحقيقه ووجد الانسان المصاب بالقمل ذكي لان القمل يمتص
الدم الفاسد!!! انشروها واللي عنده قملة يحافظ عليها)


وأنا أقول ..يازمن العجايب وش بقى ماظهر!!








وطبعا مين يصدق هالأشاعات كثر الحريم وخصوصا أن فيه أشاعه تقول أن القمل يعالج
تساقط الشعر ويغلظ الشعر ويكثفه<< نعنبو الزين اللي يعرفونه عمرها مازانت هالشوشه..


والبلى أنتشار بيع القمل والتجاره فيه وتخيلوا حفنه من القمل تنباع ب 50 ريال مابقى إلا يسوون
عليها عرض أشتري حفنتين ب 100 ريال وتحصل على حفنه ثالثه مجانا << أخص يالقمل
وصار لك قيمه والله ..


لا وازيدكم من الشعر بيت هالقمله لها مواصفات ..لازم تكون قمله عقيم طيب لو تعالجت من
العقم شسوي أخسر فلوسي يعني ..


مابقى إلا يحطون له ماركات بعد ..(لويس فيتون, وجوتشي ، وفندي ، وبربري) ..
فيه حريم كشخات ويبون يحافظون على أعمارهم ولا مالهم رب !! وتخيلوا أنواع الكشخه
والحركاأأت واتحكحك ..


السؤال اللي محيرني من وين يجيبون القمل ووين يحطونه لما يبيعونه !!!


أتخيل شكلي وأنا داخله العطار واقوله بكم القمله عندك بالله؟؟


أذكر آخر مره شفت فيها القمل لما كنت خامس ابتدائي ..بنت بفصلي الله يستر علينا وعليها قاعده بالكرسي اللي قدامي كان القمل
يسرح ويمرح بشعرها ...وأنا أنواااع التوتر والقلق والقشعريره والله أنه ينزل على رقبتها ويرد للشعر وهي ولا حاسه وانا اللي اتحكحك ..


مادري ليه بالبدايه ماقدرت أصدق معقوله فيه ناس بالهالثواره يسمعون بالطب الشعبي ومايدورن وش هو !!


وماتوقعت فيه حريم هبل يصدقون كل شي لين شفت حريم متفاعلين مع الموضوع ..
صدق هذي مشكله بعض الحريم كل وحده لاهيه بعمرها ..كل همها.. وش اللي يبيض؟؟
وش اللي يكثر الشعر ؟؟ وش اللي يخسس؟؟ << الله يخسكن بلى .. فشلوووتنا..
المشكله أن الخير يخص والشر يعم


سبحان الله بعد ماكان القمل عقاب وأبتلاء من الله صار ينباع وينشرى!!!


((فأرسلنا عليهم الطوفان والجراد والقمل والضفادع والدم آيات مفصلات فأستكبروا وكانوا قوما مجرمين)) سورة الأعراف ( 133 )
للأسف واقع جاهل في زمن متحضر


بس تصدقون
تجاره مربحه ..هالشويه 50 ريال .. محد يبي قمل؟؟



ودمتم بصحه وعافيه بدون قمل وخرابيط



.....

[/size][/

size][/font][/B]