[سونالي]

بسم الله الرحمن الرحيم

عندي مشكلة الخوف.... ( )

والحين لو اقول ما راح تصدقون اني اكتب لكم وحاسه بخوف ... اكثر من مره حاولت اكتب بس الخوف يمنعني

لدرجة اني قفلت النت واتصلت على صديقتي علشان اتكلمني وانا اكتب...

عندي خوف مو طبيعي ... ( ظلام + جن + صراخ + دم +رعد وبرق + والوحده + انخفاظ النور ) هذي كلها اتخوفني

لدرجة اني ارجف وما احس ارجولي مياعدتني على الوقوف ... :(

وهالخوف مسبب لي قلق نفسي ...

أنا كنت اعاني من من الحسد وكنت اروح لشيخ لحظور الرقيه ..وطبعاً هناك فيك كثير من الأخوات مرضانين اللي


فيها مس واللي حسد واللي عين... كنت اعاني لما اروح للشيخ واذا رديت للبيت ما اتحرك للمطبخ إلى وأمي ملازمتني

يعني الخوف يزيد اكثر... لدرجة انهم يسموني الجبانه ..( الخوافه )... نومي متقطع كل شويه اقعد بالليل متاخر.. اطالع

أمي وهي نايمه اشوف تتنفس والا لا .. اقول يمكن ماتت ( الله يبقيها لنا يارب ) واتفقد غرفة اختي اتكون تتفرج

لتلفزيون اسمع اصوات من غرفتها صادره .. اقول يمكن صاير لها شيء

بالنهايه الاقيها تتفرج مسلسل .. وفيه صراخ ... غير كذا والشيء مستغربته . والي راح تستغربونه وياي

.... اني اخاف من تلاوة القرآن ولو اني احس بالخشوع والطمأنينه بس احس ابخوف....

حتى من الرقيه ( لا تقولو مسحوره ) او فيني شيء اعوذ بالله ... لأني اللي اعرفه انه اللي اتخاف من

القرآن فيها شيء (بسم الله الرحمن الرحيم .... اعوذ بكلمات الله التامات من شر ما خلق ....

وعندي صديقه الله يهديها كل ما اتجيني اتقول انتي مسحوره انتي فيكي شيء... لدرجة انها جابت لي كتاب

اسمه ( الصارم البتار ) زودت الخوف عندي ...تركت الكتاب وما قراته لان اختي قالت لي لا تقراينه وبعدين اتقولين خايفه

وعملت بالنصيحه . :D .. بس للحين ماعرفت وشو سبب الخوف .. وكيف اعالج الخوف واشيله من حياتي لأاني معقده بلقب

الجبانه ولا وصار يضرب فيني المثل ( مثل فلانه الخوافه ) بالله وش رايكم ... هذا مرض والا عادي... واللي حالتها مثل

تطمني على الاقل اني طبيعية .. وفي ناس مثلي مو انا الحالي ...


س1/ هل انـــــــــا جبــــانه فعلاً ..؟

اختكم سونــــــــــــــالي