[سيدة الذوق]

خابرك تبيني وأنـا مثلـك أبيـك
من بعد ما دار الزمان ولقيتك
يا صاحبي ما عاد لي رغبةٍ فيـك
أبيك تنساني مثل ما نسيتك
وان كان ودك في مواصل محاكيك
أجل بلاش اللفلفه لا بكيتك
عشرة شروطٍ إن كان تبغاني أجيك
حتى يعود قلب مغليك بيتك
أبيك ترضينـي وتتـرك تغليـك
وأبيك تعطيني مثل ما عطيتك
وأبيك تفرح بي ليا جيت ناصيـك
يعني تفز وتنتهض لا نصيتك
وأبيك تنسى كل من كان شاريـك
ما دام أنا بدموع عيني شريتك
وأبيك تعرف قدرك بقلب مغليـك
وأبيك قد الهقوه اللي هقيتك
وأبيك تتنـازل وتتـرك تحديـك
وأبيك خطٍ لا كتبتك قريتك
وأبيك تنسينـي دروب التهاليـك
يا دربي اللي تهت فيك ومشيتك
هذي شروطي كان تبغاني اجيـك
هذا بعد يا صاحبي كان جيتك