[سيدة الذوق]

عجزت أحدد احساسي وألم شتاته المنثور

وأرسم بالحروف شعور بات كثير يزعجني
شعور قاسي طبعه وأنا في قسوته مأسور
مثل طعم القهر وأكثر بضيمه حيل خانقني
أبشكي لك أحاسيسي تبي تطلع تشوف النور
ولكن قسوة بعادك تعاندها وتقهرني
أبي أضحك وأبي أفرح وأبي امشي كما المغرور
أبي أمزح معك وأحكي وقلبك بس يسمعني
وأبي أبكي مثل طفل يصيح وخاطره مكسور
ولا من شفتك أشكيلك بعادك كيف يعذبني
وأبي أسكت وأسمع لك وأناظر بالعيون الحور
أبي أسرح مع همسك ألين الهمس يسحرني
أبي أحس بوجودك وأبيك بدنيتي كالنور
أخاف ان طالت الظلما يصير النور يزعجني
أبي لو بس تفهمني وتعرف ليش أنا مقهور
أحس اني من عنادك أحاسيسي تعاندني
وأحس بطيبتي قسوه ترعب حبي المعذور
وتهدم كل آمالي بلحظه ثم تهدمني
أبي أرضيك رغم إني أبات وخاطري مكسور
وأبي أرضيك لو همي من الأفراح يحرمني
ولا أبي منك غير انك تحس بقلبي المدحور
وتستوعب مدى الحرمان يوم البعد قاتلني

>>منقول<<